АЁЛЛИКНИНГ БАХТИ

Ёмондан бўлса бери.
Бошда кўтарса эри,
Оғримаса ҳеч ери,
Аёлликнинг бахти шу

Еярга бўлса нони,
Қайнаб турса қозони ,
Ҳаловат топса жони ,
Аёлликнинг бахти шу.

Тинса узатган қизи,
Келганда кулса юзи,
Бахтнинг сезилса изи,
Аёлликнинг бахти шу.

Ҳаётидаги  тиргак,
Ўғли бўлса шерюрак,
Бундан ортик не керак,
Аёлликнинг бахти шу.

Гар саломат онаси ,
Дуода қайнонаси,
Айтгум , келди хонаси,
Аёлликнинг бахти шу.

Набираси  қийқирса ,
«Бувижон» деб чақирса,
«Кетмайман» деб бақирса,
Аёлликнинг бахти шу.

Кезгандайин фаришта,
Уйи бўлса саришта,
Файзи бўлса турмушда
Аёлликнинг бахти шу.

Бахтдан энтиккан они,
Ушалганда  армони,
Тоза бўлса осмони,
Аёлликнинг бахти шу.

📖 ❤️ Яқинларингизга улашинг!!⤵️
👉 https://t.me/Harakatdagilar_uz