#ረመዷን_ተነሳ_!!
----------------------------------
ረመዷን ሊሔድ ጓዙን አሰናዳ፡
ሰላም የፍቅር አውርዶብን ናዳ፡
እዝነትና ተስፋ እውነት አስለምዶን፡
ከቢዲአ አርቆ ሱና ጋር አላምዶን፡
በመልካምነቱ በፍቅሩ አስገድዶን፡
------------------///------------------
ጊዜውን ሳንቆጥር በፍቅር ቆይተን፡
ወደ ሀቅ ተመን ብዙ ሀራም ትተን፡
ሁላችን በጂምላ ወደ መስጂድ ገብተን፡
ወደ ኸይር መጥተን ከወንጀል ቶብተን፡
------------------------------------------
አንድ ሁለት ብሎ መሔጃው ቀረበ፡
እድለኛው ሁሉ ሞገሱን ደረበ፡
ባጢል ተዋረደ እውነት እያበበ፡
ኢባዳ ያበዛ ቁርአን ያነበበ፡
------------------------------------------
ከወራቶች ሁሉ አሏህ የመረጠው፡
እዝነትና ፍቅርን ሰብስቦ የሰጠው፡
መሳጂዶቻችን ደምቀው በምዕመኑ፡
በኢባዳ ፀንተው ጌታን ሲለምኑ፡
መሔጃው ቀረበ ደረሰ ዘመኑ፡
ደቂቃው ተጓዘ ሰከንዶች ፈጠኑ፡
ሊሰናበተን ነው ያው ረመዷኑ፡
------------------------------------------
በዚህ በረህመት ወር ምንም ሳንሰራበት፡
መልካም ጥሩ ነገር ሳንከስብበት፡
ቀናቶች ተጓዙ ሳናውቀው በቅፅበት፡
------------------------------------------
ቀኑ እንደ ሳዕታት ተጠቀለለብን፡
ገና ከጂምሩ መንቃት ነበረብ፡
ግን ዝንጉወች ሆነን ፈጥኖ እንደመሰልጠን፡
ያውና ሊሔድ ነው ውብ ቀን አመለጠን፡
------------------------------------------
አሁንም እንትጋ በቀሪ ቀናቶች፡
በወንጀሎቻችን እናብዛ ተውበቶች፡
ኸይር ስራ እናብዛ መልካም እንሰብስብ፡
በህይወት አንቀልድ እንደ ሰው እናስብ፡
ታጥቀን እንነሳ ኸይራት እንከስብ፡
------------------------------------------
በገጠር ከተማ ተውሒድ እናስቀድም፡
በሀቅ አንድ እንሁን ትውልድ እንዳይወድም፡
መልካም ፋናው ከልብ ሰርፆ ሳይወሳ፡
ሰው ጥሩ ሳይሆን ሳይድን ከወቀሳ፡
ሊሔድ ተዘጋጀ ረመዷን ተነሳ፡
------------------------------------------
አሁንም ቅርብ ነው በቀሪ ቀናቶች፡
በሰከንዶች ፍጥነት ባሉን ሳዕታቶች፡
አሏህን እናውሳ ቁርአን በመቅራት፡
ነቢን እንከተል አሏህን በመፍራት፡
ይቅር መነቋቆር ይቅር መንጠራራት፡
ይብቃ ውሸታችን ወሬ ፈጥሮ ማውራት፡
------------------------------------------
መጥፎ ነገር ሁሉ በመልካም ይተካ፡
ወደ ፊት እንሒድ ህልማችን ይሳካ፡
ከመጥፎ ሳንርቅ ከመልካም ቅነሳ፡
በዚህ መሀል ሆነን ረመዷን ተነሳ!!?
------------------------------------------
#እናስተውል_እንደንግጥ__!!
#ኑር_ከገጠር_ከፋሩቅ_መስጂድ__!!
---------------------------------------------
http://t.me/nuredinal_arebihttp://t.me/nuredinal_arebi--------------------------------------------
