Sen uchun
Jonim o'zi zo'rg'a chidab yuribman,
Qaragin oyoqda arang turibman,
Yengishni bilolmay alamlarimni,
Kulibman, kulibman, qah-qah uribman.
Ruhimga erkinlik bermaydi sira,
O'sha istiroblar o'sha xotira,
Hechnarsa o'zgarmay qaytalar bari,
O'sha shirin so'zlar, achchiq hotima.
Bu safar iltimos o'zgacha bo'lar,
Bu safar ehtiros o'zgacha bo'lar,
Men esa bilaman hech o'zgarmagan,
Sevgimga e'tiroz o'zicha bo'lar.
Barchasi avvaldan o'qilgan kitob,
Bir misra quvonchdir, ming misra azob.
Ko'tara olmaydi yurak bu safar,
Achinib ketyapman, bo'lyabman hunob.
Aytilmagan nelar bor edi yana,
Dashnomlar qilyapsan, qilyapsan ta'na.
Yo'q bo'lib qolishim so'rab iltimos,
Ko'zlaringni yumib o'ngacha sana.
Shu bo'lsin eng so'ngi aytgan tilaging,
Keraging yo'q menga, yo'qdir keraging.
So'zlarimdan tog'-u toshlar eridi,
Tosh emas, toshdan ham qattiq yuraging.
Nimaga yig'laysan kuydimi vijdon?
Ko'ksingdan otilar qaynagan vulqon,
Bandasi berarin, berib bo'lganman.
Sen uchun Hudodan so'rayman iymon.
Muallif: Hasanboy_Ochun
8.05.2020-yil 15:15
http://t.me//Hasanboy_Ochun