Бухоро шаҳри ва Шаржа амирлиги ўртасида биродарлик битими имзоландиВилоят ҳокими Ботир Зарипов Шаржа амирлиги ҳукумати ижрочи раиси Шайх Фаҳим Султон Ол Қосимий бошчилигидаги делегацияни қабул қилди.
Учрашув давомида вилоят ҳокими сўнгги йилларда Ўзбекистон ва Бирлашган Араб Амирликлари ўртасида икки томонлама дўстлик, ҳамкорлик муносабатлари жадал ривожланиб бораётганлигини таъкидлар экан, меҳмонларни буюк пирлар заминида қарши олганидан мамнун эканлигини билдирди.
Мулоқот чоғида Бухоро шаҳри ва Шаржа амирлиги ўртасида биродарлик муносабатларини ўрнатиш, биргаликда туркум тадбирлар уюштириш, маданият ва таълим муассасалари ўртасидаги алоқаларни чуқурлаштириш, шунингдек, туризм, инвестиция, ёшлар, таълим каби йўналишларда ўзаро манфаатли муносабатларни йўлга қўйиш билан боғлиқ масалалар муҳокама этилди.
Шу куни Бухоро шаҳри ва Шаржа амирлиги ўртасида биродарлик битими имзоланди.
Жамол Носиров