Jasur Rahmon

Yaqindagina O’zbekistonda yashab o’zbek tilida so’zlashayotgan yapon millatiga mansub inson haqida lavha tayyorlagandik. Shuningdek, bir hindning yana bir pokistonlikning ham o’zbekchani o’rgangani haqida kuni kecha eshitgandim. Ular o’zbek tilini qiziqib o’rganishdan tortinishmaydi. Bunga shunchaki qoyil deyish kerak!

Kecha esa ustozimiz Sherzodxon Qudratxo'ja intervyusi chog’ida “Har bir inson o’zi yashayotgan mamlakat tilini bilishi shart” deb aytgan gaplaridan Rossiyadagi ayrimlar vahimaga tushishni boshlabdi. Qanaqadir tashkilot rahbari Yevgeniy Primakov Sherzodxon Qudratxo’jani Rossiyaga kirishini ta’qiqlash kerak deb chiqibdi.

Dunyoda qancha quyoshli davlatlar bor, yil bo’yi muzlab yotadigan Rossiyaga kirish ustozga juda qiziq deb o’ylamayman. Shaxsan menga qiziq emas to'g'risi.

Bular o’zini hali ham 19-asrda yashayapmiz deb o’ylaydimi hayronman? Nima endi o’z yurtimizda o’z ona tilimizni targ’ib qilolmaymizmi? Aholisi salkam 40 millionga borayotgan, mustaqil bo’lganiga 30 yildan ortgan O’zbekiston ichida yashayapmiz. Nima deyishimiz, nima qo’yishimizga Rossiyadagi ayrim gapdonlarni umuman aralashishiga haqqi yo’q.

Ustozni qo'llab-quvvatlayman! Yevgeniyga o’xshab aljirayotganlarni esa o’ziga chora ko’rish kerak, Masalan, nimadir ish bilan O’zbekistonga kelsa aeroportdan o’tolmay ortiga qaytib ketishini ta’minlaylik!

@jasur_rahmon