Azizam
Yetar shuncha sitam bir boshing uchun
Jonim sadqa bòlsin bardoshing uchun
Òt qòyay dunyoga kòz yoshing uchun
Baxt uchun xaqlisan bilgin, azizam
Men yiģlay sen esa kulgin, azizam
Kòksing tilmoq bòlsa har kas-u nokas
Kòksim qolqon bòlsin senga har nafas
Dunyoga anduh-chun kelmagansan bas
G'amlaring bòynimga ilgin, azizam
Men yiģlay sen esa kulgin, azizam
Quyoshning taftidan quriydi shabnam
Quyoshing bòlayin kòzing bòlsa nam
Ruxsoring shabnamga tòlmasin hech ham
Doimo yashagin gulgun, azizam
Men yiģlay sen esa kulgin, azizam
Darding tinglab tog'lar kul bòlar gulim
Yashnagan chamanlar chòl bòlar gulim
Eslasam yoshlarim kòl bòlar gulim
Jim, yaxshisi qalbim tilgin, azizam
Men yiģlay sen esa kulgin, azizam
Yòq-yòq arzimaydi bu foniy hayot
Yosh tòkma yashagin bòlib hurram shod
Va'da ber mening-chun ,erkam, umrbod
Òzingni ehtiyot qilgin ,azizam
Men yiģlay sen esa kulgin, azizam
✏ Maqsad Obidjon 📆2018 💦
https://t.me/pantera_trask