Biz va boshqalar(romantik nazariya)
Biz kimmiz? Biologik mavjudotmi? Mayda zarralardan tashkil topgan fizik zanjirmi? Yoki xudoning gunohkor bandasimi?! Ha mayli, hozircha bu savol ochiqligicha turaqolsin.
Hozircha shu narsa ma'lumki, har birimiz bir-birini sira takrorlamaydigan alohida individlarmiz. Tashqi ko'rinishimiz hammanikidan farq qiladi, soch turmaklarimizda qandaydir o'ziga xoslik bor va hatto qadam bosishimizda ham hech kimnikiga o'xshamaydigan joziba mavjud. Biz turli xil gullarni yoqtiramiz, farzandlarimizni turli xil ismlar bilan ataymiz va turli xil uylarda istiqomat qilamiz. Aslidachi? Aslida ham har birimiz yagona individualmizmi? Yoki jamiyat yaratib bergan chegara ichida uyoqdan-buyoqqa ko'chib yuruvchi moddiy nuqtamizmi?
1.
Turli xil didlar. Men "Nike" firmasining kiyimlarini yoqtiraman, amakimning o'g'li esa "Adidas"ning muxlisi. Biz did jihatidan turli xil odamlarmiz. Lekin didlarimizni bizga taqdim etilayotgan takliflarning ichidagina shakllantira olamiz xolos, undan uyog'i biz uchun mavhum. Men "Nike"ni yoqtirishga ixtiyoriy ravishda majburman. Chunki didimning chegarasi shu nuqtaga kelib to'xtaydi, chunki bundan narida yo'l yo'q. Please, do not cross the borders.
2.
Biologik farqlar. Hatto Hasanning barmoq izlari uning egizak ukasi Husannikidan ham farq qiladi. Ha, dunyodagi har bir shaxs takrorlanmas barmoq izlariga ega. Lekin Hasan barmoq izlarini telefonining blokirovkasini ochish uchun ishlatsa, Husan o'qishga borganida institutining darvozasidagi to'siqdan o'tib olish uchun ishlatadi. To'g'risiyamda, boshqa variant yo'qku. Qani edi Husan barmoq izini taom pishirish yoki go'daklarni yo'rgaklash uchun ishlata olsa, buni iloji yo'q-da. Barmoq izlari har xil bo'lgani bilan hammasining qiladigan ishi bir xil.
3.
Hissiyot. 1267-yildagi sevgi tuyg'usi 2011-yilda ham mavjud, do'stlik tuyg'usi ham. Ha, odamzot his qiladigan tuyg'ular soni juda ham ko'p. Ammo biz chegaralangan tuyg'ular kategoriyasidan bittasini ongsiz ravishda tanlaymiz-u, uni his qilamiz. Bizda bu chegaradan chiqish imkoniyati mavjud emas.
4.
5.
Va hokazo.
Ana endi ichimda saqlab kelgan sirimni ochsam ham bo'lar. Ya'ni aytmoqchi bo'lgan gapim shundan iboratki, biz boshqalarga o'ta darajada bog'lanib qolganmiz. Oramizda quyon ovlashni biladiganlar juda kamchilikni tashkil qiladi. Lekin puli bo'lsa, ixtiyoriy odam quyon go'shtidan tanovul qila oladi. Men ayamning uydaligini bilganim uchun kechki ovqatga issiq taom yeyishimni aniq bilaman, garchi o'zim taom pishirishni bilmasam-da. Shoqosim cho'ntagida 20ming so'm puli borligi uchun bemalol (kapitalizm haqida keyingi postlarda gaplashamiz) sartaroshxonaga kirib ketaveradi.
Shuncha gapirdi, o'zi nima demoqchi bu ahmoq deb kutib o'tirganlar uchun xulosa qismga o'taman. Ha, biz ortiq yagona shaxs emasmiz. Qisqacha qilib aytganda, biz yirik bir jamiyat ta'minlab bergan maxsulotlarnigina iste'mol qila oladigan oddiy figuralarmiz xolos.
Q.G. (qo'shimcha gap)
Bu birinchi post bo'lgani uchun hayajon kuchli bo'ldi, keyingi safarlar nima haqida yozayotganimizni oldindan o'ylab yozishga harakat qilamiz.
@LaconicUz
