Pul haqida farzandlarga berilishi kerak bo’lgan eslatmalar1. Pul tugaydi! Bir quvnoq sayt bu ogohlantirishni kupyuralarda chop etishni taklif qilgandi. Sog’liqni saqlash vazirligi sigareta qutilarida chekish zararligi haqida ogohlantirgani kabi.
2. Pulni kutilmaganda talab qilib qolmasliklari va o’zimiz ham qaytarishni cho’zib yurmasligingiz uchun har doim aniq muddatga qarzga olish kerak.
3. Reklama – odamlarni ko’proq pul sarflashga undash yo’li, hech qanday san’at va ayniqsa iste’molchi haqida qayg’urish emas.
4. Aqliy mehnat evaziga jismoniy mehnat evaziga olinadigandan ko’ra ko’proq haq olsa bo’ladi. Bola XXI asrda qop tashish, ko’cha supurish yoki boshqa malaka talab qilmaydigan ish orqasidan tuzukroq pul topib bo’lmasligini tushunishi kerak.
5. Pul sarflash paytida tanlashni o’rganishdir. Bir paytning o’zida anavi ko’ylakni ham, mana bu sumkani ham, yana qo’g’irchoq va tuflini ham sotib olishni hammaning cho’ntagi ham ko’taravermaydi. Hamma narsada me’yor bo’lishi kerak.
6. Pulni aniq maqsad bilan (aniq bir narsa sotib olish uchun) yig’ish foydalidir. Agar maqsad bo’lmasa, bu ishdan ma’no qolmaydi. Bu keraksiz qog’ozlarni yig’ishdan farq qilmaydi.
7. Qimmat narsa sotib olishni maqsad qilgan bo’lsangiz, pul yig’ish jarayoni uzoq cho’zilib ketmasligi uchun ko’proq pul topishga harakat qilishingiz kerak.
8. Ko’p pul topish oson ish emas. Pulni osonlik bilan topib bo’lmaydi. Birinchidan, yengil yo’l uchun u
yoki bu tarzda to’lov to’lashga to’g’ri keladi. Ikkinchidan, oson va yengil yo’l bilan kelgan hamma narsa xuddi shunday osongina ketadi.
9. Boshqalarning qo’lida ko’p borligiga hasad qilmang. Bu hafsalangiz pir bo’lishiga bahona emas. Pul niyatning buzilishiga sabab bo’lmasligi kerak.
10. Agar biron ishga qattiq ishonsangiz, unga pul tikishga tayyor turing.
11. Sizdan pul so’rashganda, bu ishingiz bilan o’z yaqinlaringizga ziyon yetkazmasdan so’rovchiga yordam bera olishingizga ishonchingiz komil bo’lgandagina bering. Siz eng avvalo yaqinlaringiz uchun mas’ulsiz.
12. Yaqinlaringizga pul sarflashdan og’rinmang. Hayotingiz axir ular bilan ko’rkam.
13. Pul hayotingizning asosiy mazmuniga aylanib qolmasin. Pul maqsad emas, maqsadlarga erishtiruvchi vosita ekanligini yodingizda tuting.