#шеърият
УСТОЗ ВА ОНАНИНГ МЕҲРИ БЕМИННАТ
Бир ҳарфни танитмоқ - она боласин,
Аллалаб, онгини уйғотмоқдай гап.
Устоз ва онанинг меҳри беминнат
Хулоса қилсам мен теграмга қараб:
Ранжитсакда биздан кўнгли қолмаган,
Улар, эртанг ёмон бўлсин демасдир.
Устозга чинаккам шогирд бўлмаган
Онага муносиб фарзанд эмасдир.
Агар, менда бўлса туганмас бисот,
Шу буюк зотларга этардим тортиқ.
Чунки, улар сабаб англадим ҳаёт
Жонкуяр кўрмадим улардан ортиқ...
Фидойи инсонлар бўлинг саломат,
Сизнинг борингизга минг бора шукур!
Онага эҳтиром ила минг раҳмат
Устозга ҳаммаси учун ташаккур!!!
#ХОЛИДА ✍
https://t.me/joinchat/AAAAAEWI4pmEGi7FkGaCYQМулоҳазали инсонлар канали