#قصیده حسب المنام زینب ع .. تعاتب وادگول لا تكتبو زينب هلهلت من طلع عباس .. انه وين والهلاهل وين وانه كل ساعه ايجيبون الی راس.. حدكم بلشعر وياي من تردون تكتبون


انه ما هلهلت لوداع اخوتي
مشوا عني وردت يا ناس موتي

الهلاهل صوت الافراح
وانه مني الكمر راح
انه ما هلهلت لوداع اخوتي
~~~~~~~~~~~
انه بیاحال بيد الموت والله ابحالي
من شفت الولی اموذر اگبالي
ابضعيف الصوت وايگلي تعالي
کفیله بالحرم خويه وأطفالي

ونجرح كلبي بوداعة
وارحل بعد ساعه
انه ما هلهلت لوداع اخوتي

✍ #علویه ام فاضل
~~~~~~~~~
يالتكتب شعرلا تجرح احساسي
وآنه بكربله راحو هلي وناسي
قلبي انهدم حيله اعله عباسي
أخوي احزام ظهري وتاج البراسي

كلمتك كالخناجر
تزعل ابوفاضل
انه ما هلهلت لوداع اخوتي

✍ #ازهار جبار الجياشي
~~~~~~~~~~~
انه بياحال يل عني تكتبون
انه بلا كمر شلي بشوف العيون
الحالي اتصوروه لمن تنظمون
الدمع بالعين والسوط اعله المتون

تدوس الخيل صدره
وتوذر على الغبره
انه ما هلهلت لوداع اخوتي

✍ #خــــــادمةالزهراء(ع) آمٰ̲ہ ڪٰྀہٰٰٖرآر آلطۨہٰٰآئيِٰہٰ̲ھہ
~~~~~~~~~~~
اني ام الخدر بس گلبي ملچوم
من شفت اعله اخوتي اندارت الكوم
بجمرهه الخدر والصيوان مضروم
واني اخيالي المنشاف فد يوم

وانه بت الزجيه
السبي ميلوك اليه
انه ما هلهلت لوداع اخوتي

✍ #ايمان ناصر الزهيري
~~~~~~~~~~~
اني الطاهره المنسمع صوتي
اني الرايه الترف بجفوف اخوتي
اني السكتت كل طاغي بسكوتي
جبل ما دنگت حتی اویه موتي

راسي دوم عالي
ويظل حسين والي
انه ما هلهلت لوداع اخوتي

✍ #خادمة الزهراء: عبير الخفاجي
~~~~~~~~~~~

تمت بعون الله تعالى

بـ✍ــاقـ✍ــلام خـادمـات أهل البيت ع


✍ #علویه ام فاضل
✍ #أزهار جبار الجياشي
✍ #ام کرار الطائیه
✍ #ايمان ناصر الزهيري
✍ #عبیر الخفاجی

❌ لانجيز حذف الاسماء ❌

https://t.me/OmFadil