️ ОНАМНИНГ ДУОСИ МЕНИ АСРАЙДИ️

ДИЙДОРЛАШАЙЛИК

Обод диёр, обод элда
Омон яшайлик.
Қон-қариндош, дўст-биродар,
Дийдорлашайлик.

Муаззиндек чорлаб тўйга
Хабарлашайлик,
Ёшлигимиз ўтган уйда
Бедорлашайлик.

Чеҳраларда самимият,
Дилдорлашайлик,
Ушалсин-да жами ният,
Алёрлашайлик.

Қалб дафтарин очиб ширин
Асрорлашайлик,
Оширайлик меҳр нурин-
Изҳорлашайлик.

Обод диёр, обод элда
Омон яшайлик,
Қон-қариндош, дўст-биродар
Дийдорлашайлик.

Мақсуда Каримова
KANALGA OBUNA BO'LING✅

🌹🌱꧁꧂‎‌♥️♥️꧁꧂🌹🌱

Дўстларингизга улашинг!
💞💞💞💞💞💞💞💞💞

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
http://t.me/Onamning_Duosi_Meni_Asraydi_007

САФАР ҚИЛИШНИНГ ФОЙДАЛАРИ

  Сафарнинг фойдаси кўп. Ҳусайн Воиз Кошифий булардан ўн биттасини келтиради:
✅ Биринчидан, таннинг сиҳатига фойдали, чунки сафарда ҳаво алмашади ва аъзолар чиниқади, зеро, ҳаракат бадан рутубатини кетказади, қон айланишини яхшилайди;

✅ Иккинчидан, улуғ инсонлар, атоқли олимлар, азиз-авлиёларнинг қабрларини зиёрат қилишнинг савоби бор;

✅ Учинчидан, сафар танбаллик, дангасаликни бартараф этади, чунки бир одам бир мақомда истиқомат қилса, сустлик ва касаллик кучаяди, баданнинг озуқалари (модда алмашинуви) ва суви юришмай қолади;

✅ Тўртинчидан, ғам ва маҳзунликни (хафаликни) кетказади, негаки киши қанчалик ғамга ботмасин, сафарга чиқса, кўнгил чигили ёзилади, ташвишларини унутади;

✅ Бешинчидан, сафарда нафс тарбияланади, қийинчилик ва машаққатлар одамни сабрли, чидамли, кенгфеъл бўлишга ўргатади;

✅ Олтинчидан, сафарда умр осойишта ўтади, ҳаёт ва ўлим ҳақидаги фикрлар тиниқлашади;

✅ Еттинчидан, сафарда илм ўрганиш имкониятлари кенгаяди, ўзга юртдаги устозлардан кўп нарса ўрганиш мумкин;

✅ Саккизинчидан, турли тоифа одамлардан турли касб-ҳунарлар ва одоб-ахлоқ ўрганиш йўллари очилади;

✅ Тўққизинчидан, улуғларнинг, аҳли донишнинг суҳбатига эришилади;

✅ Ўнинчидан, ота-она, яқинлар ва дўстлардан ажралиб, улар соғинилади, одамлар қадри, ватан қадри ортади;

✅ Ўн биринчидан, ғариб-мусофирлар қадрига етилади, кўнгилда раҳм-шафқат ортади.

"Сиз қандай яшамоқчисиз?" китобидан.

Барча, онасини яхши кўрадиганлар учун канал👇
KANALGA OBUNA BO'LING✅

🌹🌱꧁꧂‎‌♥️♥️꧁꧂🌹🌱

Дўстларингизга улашинг!
💞💞💞💞💞💞💞💞💞

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
http://t.me/Onamning_Duosi_Meni_Asraydi_007