ЯШАСАНГ ЯШАГИЛ ЭРКАКЧАСИГА!
Қасрсан-Яратган меъморинг эрур,
Табибсан-завжалар беморинг эрур.
Бибихонимини таъминлаб Темур,
Ишқ чўғин солгандек юракчасига,
Яшасанг яшагил эркакчасига!
Ҳаввонинг рафиқи Одам Атодир,
Рашк шу зотдан мерос, йўқса хатодир?
Ким айтди даъюсга жаннат атодир?
Айланма малъуннинг эрмакчасига,
Яшасанг яшагил эркакчасига!
Қўйнини тўлдириб тилло динорга,
Мева бермайдиган ёш-ёш чинорга,
Борганинг нимаси?-Синиб бекорга,
Ишонма таннознинг эртакчасига
Яшасанг яшагил эркакчасига!
Кетса оққушгинанг хорижга учиб,
Уни калхат зоти қўймасми қучиб?
Виждонинг фонуси қолмасин ўчиб
Бўйсунма нафсингнинг истакчасига
Яшасанг яшагил эркакчасига!
Ёрингни ем қилиб хор-у зорликка,
Хорижга юборма мардикорликка!
Боққин хақиқатнинг кўзинга тикка
Хавас қилма ётнинг кўлмакчасига
Яшасанг яшагил эркакчасига!
Тўқдир полапонлар, тўқдир Она Қуш,
Гар ота қуш ишлаб, бажарса юмуш.
Сандиғингдан тошсин олтин-у кумуш
Лек айланма гуруч курмакчасига,
Яшасанг яшагин эркакчасига!
Хар кеч ёрни ишқ-ла тақдирлаб қўйгин,
Виждон иморатинг таъмирлаб қўйгин.
Эр бўлсанг завжангни таъминлаб қўйгин
Мен сенга айтяпман ўзбакчасига,
Яшасанг яшагил эркакчасига!
Эркаксан аёлга тақлид айлама,
Султонсан ўзингни вазир сайлама!
Иймон соф булоқдир асло лойлама,
Қулоқ сол илтимос, виждон сасига,
Яшасанг яшагин эркакчасига!
2012
Абдураҳмон Мешаян
@ShaxandMasjid
Manba: https://t.me/qalblar_kashfiyoti
Қасрсан-Яратган меъморинг эрур,
Табибсан-завжалар беморинг эрур.
Бибихонимини таъминлаб Темур,
Ишқ чўғин солгандек юракчасига,
Яшасанг яшагил эркакчасига!
Ҳаввонинг рафиқи Одам Атодир,
Рашк шу зотдан мерос, йўқса хатодир?
Ким айтди даъюсга жаннат атодир?
Айланма малъуннинг эрмакчасига,
Яшасанг яшагил эркакчасига!
Қўйнини тўлдириб тилло динорга,
Мева бермайдиган ёш-ёш чинорга,
Борганинг нимаси?-Синиб бекорга,
Ишонма таннознинг эртакчасига
Яшасанг яшагил эркакчасига!
Кетса оққушгинанг хорижга учиб,
Уни калхат зоти қўймасми қучиб?
Виждонинг фонуси қолмасин ўчиб
Бўйсунма нафсингнинг истакчасига
Яшасанг яшагил эркакчасига!
Ёрингни ем қилиб хор-у зорликка,
Хорижга юборма мардикорликка!
Боққин хақиқатнинг кўзинга тикка
Хавас қилма ётнинг кўлмакчасига
Яшасанг яшагил эркакчасига!
Тўқдир полапонлар, тўқдир Она Қуш,
Гар ота қуш ишлаб, бажарса юмуш.
Сандиғингдан тошсин олтин-у кумуш
Лек айланма гуруч курмакчасига,
Яшасанг яшагин эркакчасига!
Хар кеч ёрни ишқ-ла тақдирлаб қўйгин,
Виждон иморатинг таъмирлаб қўйгин.
Эр бўлсанг завжангни таъминлаб қўйгин
Мен сенга айтяпман ўзбакчасига,
Яшасанг яшагил эркакчасига!
Эркаксан аёлга тақлид айлама,
Султонсан ўзингни вазир сайлама!
Иймон соф булоқдир асло лойлама,
Қулоқ сол илтимос, виждон сасига,
Яшасанг яшагин эркакчасига!
2012
Абдураҳмон Мешаян
@ShaxandMasjid
Manba: https://t.me/qalblar_kashfiyoti