Zerikish foydali!So’nggi 3 xaftadan buyon qizimni multfilm ko’rishini va shirinlik iste’molini 95% ga kamaytirdim.
Faqatgina dam olish kunlari 1 soat multfilm va 1 dona shirinlikka ruxsat bor.
Bundan ko’zlangan birlamchi maqsad intizom, ikkilamchi maqsad esa zeriktirish.
Avvallari bo’sh qolsa tezda ekranga yugurar edi. Hozir esa o’ynamagan o’yinchoqlarini o’ynashni, tabiatga chiqishni, oldinlari yemagan ovqatlarini yeyishni boshladi.
Zerikish faqatgina bolaga emas kattalarga ham foydali.
Qattiq ishlab zeriksak “dam olish” uchun tezda ekranga murojaat qilamiz.
Savollarimizga javobni birinchi miyyamizdan emas internetdan qidiramiz.
Sayohatlarda esa ko’zimiz tarixiy binolarni telefonimiz kamerasi orqali ko’radi.
Muammoga yechimni ekrandan emas avval 1 soat ekransiz ko’chada sayr orqali topishga harakat qilib ko’rarsiz?
Sizdagi havotirga malhamni turli xil forumlardan emas, qorong’i xonada o’tirib, o’zingiz bilan gaplashib topishga urunib ko’rarsiz?
Yaxshi ko’rishingizni messenjer orqali emas, yuzma-yuz aytarsiz?
Miyya faqat uxlaganda emas uyg’oq holda ham “o’chishi” kerak.
“O’chsagina” tiniq fikrlay olasiz
O’zingizni zeriktiring!
Zerikish nafaqat o’zingizga balki atrofingizdagilarga ham foydali!
#xulosalar
@shahadolimov
