ਜਦ ਬੰਗਾਲੀਆਂ ਨੇ ਅੰਗਰੇਜਾਂ ਖਿਲਾਫ ਖੇਤੀ ਨਾ ਕਰਨ ਦੀ ਬਗਾਵਤ ਕੀਤੀ ਤਾਂ ਉਹਨਾ ਨੂੰ ਪਤਾ ਹੀ ਨਹੀ ਲੱਗਾ ਕਿਸ ਖੂਹ ਜਾਂ ਸਮੁੰਦਰ ਜਾਂ ਕੈਦ ਵਿੱਚ ਜਾਂ ਕਾਲੇ ਪਾਣੀਆਂ ਭੇਜ ਕੇ ਮਾਰ ਦਿੱਤਾ।
ਇਹ ਭੇਤ ਬਣਿਆ ਹੀ ਰਿਹਾ।
ਇਸ ਮਿਸ਼ਨ ਵਿੱਚ ਵਕੀਲ ਵੀ ਸ਼ਾਮਿਲ ਸਨ।
ਮਾਨਚੈਸਟਰ ਦੇ ਕਾਰਖਾਨੇ ਭਾਰਤੀ ਮਜਦੂਰਾਂ ਨੇ ਉਸਾਰੇ ਹਨ।
ਇਸ 1907 ਦੀ ਮੀਟਿੰਗ ਵਿੱਚ ਕਿਸਾਨਾਂ ਉੱਤੇ ਹੋ ਰਹੇ ਅੱਤਿਆਚਾਰਾਂ ਬਾਰੇ ਚਾਚਾ ਅਜੀਤ ਸਿੰਘ ਵੱਲੋਂ ਦੱਸਿਅਾ ਗਿਆ।
ਇਸ ਮੀਟਿੰਗ ਵਿੱਚ ਕਿਸਾਨਾ ਨੇ ਸਾਈਨ ਕਰਕੇ ਅੰਗੂਠੇ ਲਾ ਕੇ ਸਰਕਾਰ ਨੂੰ ਅਲਟੀਮੇਟਮ ਦਿੱਤਾ।
ਚਾਚਾ ਅਜੀਤ ਨੇ ਕਿਹਾ," ਅੈ ਹਿੰਦੂ ਸਿੱਖ ਮੁਸਲਮਸਨੋ ਇੱਕ ਹੋ ਜਾਵੋ"।
ਉਹਨਾਂ ਕਿਹਾ'"ਜੇਕਰ ਤੁਹਾਨੂੰ ਆਪਣੇ ਹੱਕਾਂ ਲਈ ਪਾਸ ਕੀਤੇ ਕਾਲੇ ਬਿੱਲ ਵਾਪਸ ਕਰਨ ਲਈ ਜੇਲ ਵੀ ਜਾਣਾ ਪੈਂਦਾ ਹੈ ਤਾਂ ਇੰਝ ਜੇਲ ਜਾਵੋ ਜਿਵੇਂ ਕਿਸੇ ਤੀਰਥ ਜਾ ਰਹੇ ਹੋਵੋ"।
ਸਰਕਾਰ ਤੁਹਾਡੇ ਹੌਂਸਲੇ ਦੇਖ ਕੇ ਡਰ ਜਾਉਗੀ।
ਪਲੇਗ ਦੀ ਬਿਮਾਰੀ ਫੈਲੀ ਹੈ ਇਸ ਬਿਮਾਰੀ ਵਿੱਚ ਮਰਨ ਤੋਂ ਤਾਂ ਚੰਗਾ ਹੈ ਦੇਸ਼ ਲਈ ਸ਼ਹੀਦ ਹੋਈਏ।
ਇਸ ਤਰਾਂ ਦਾ ਪ੍ਰਚਾਰ ਉਹਨਾਂ ਨੇ 1907 ਵਿੱਚ ਪਸ਼ੂਆਂ ਦੀ ਮੰਡੀ ਲਾਇਲਪੁਰ ਵਿਖੇ ਕਿਸਾਨਾ ਨੂੰ ਸਮਝਾਉੰਦਿਆ ਕਿਹਾ।
ਇਸ ਮੀਟਿੰਗ ਵਿੱਚ ਲਾਲਾ ਲਾਜਪਤ ਰਾਏ ਜੀ ਵੀ ਆਏ।
ਪਰ ਉਹਨਾਂ ਨੂੰ ਇਹ ਨਹੀਂ ਦੱਸਿਆ ਗਿਆ ਸੀ ਕਿ ਸਰਦਾਰ ਅਜੀਤ ਸਿੰਘ ਵੀ ਇਸ ਮੀਟਿੰਗ ਦਾ ਹਿੱਸਾ ਲੈਣਗੇ।
ਕਿਉਂਕਿ ਲਾਲਾ ਜੀ ਅਜੀਤ ਸਿੰਘ ਦੇ ਜੋਸ਼ ਭਰੇ ਪ੍ਰਚਾਰ ਤੋਂ ਸੰਕੋਚ ਕਰਦੇ ਸੀ ਕਿਧਰੇ ਲੋਕ ਭੜ੍ਕ ਨਾ ਜਾਣ ਤੇ ਅਸੀਂ ਜੇਲ ਵਿੱਚ ਜਾ ਕੇ ਮਿਸ਼ਨ ਤੋਂ ਦੂਰ ਹੋ ਜਾਵਾਂਗੇ।
ਇਸੇ ਕਰਕੇ ਲਾਲਾ ਜੀ ਨੂੰ ਚਾਚਾ ਅਜੀਤ ਬਾਰੇ ਅਖੀਰ ਤੱਕ ਦੱਸਿਆ ਨਹੀਂ ਗਿਆ ਸੀ ਕਿ ਉਹ ਵੀ ਇਸ ਮਿਸ਼ਨ ਦਾ ਹਿੱਸਾ ਹੈ।
ਬੇਸ਼ੱਕ ਉਹ ਦੋਨੋਂ ਲਹੌਰ ਤੋਂ ਲਾਇਲਪੁਰ ਤੱਕ ਦੀ ਗੱਡੀ ਵਿੱਚ ਵੱਖ ਵੱਖ ਡੱਬੇ ਵਿੱਚ ਬਹਿ ਇੱਕਠੇ ਆ ਰਹੇ ਸਨ।
ਅੱਗਿਉਂ "ਭਾਰਤ ਮਾਤਾ ਸੁਸਾਇਟੀ "ਦੇ ਮੈਂਬਰਾਂ ਵੱਲੋਂ ਇਸ ਤਰਾਂ ਦੀ ਸਕੀਮ ਘੜੀ ਗਈ ਸੀ ਕਿ ਲਾਲਾ ਜੀ ਦੇ ਗੱਡੀਓਂ ਉਤਰਦਿਆਂ ਸਾਰ ਹੀ, ਰੇਲਵੇ ਸ਼ਟੇਸ਼ਨ ਉੱਤੇ ਉਨਾ ਲਈ ਭੀੜ ਦਾ ਪ੍ਰਬੰਧ ਕੀਤਾ ਗਿਆ।
ਕਿਉਂਕਿ ਲੋਕ ਲਾਲਾ ਜੀ ਨੂੰ ਮਿਲਣਾ ਚਾਹੁੰਦੇ ਸਨ।
ਲੋਕਾਂ ਅੰਦਰ ਲਾਲਾ ਜੀ ਲਈ ਬਹੁਤ ਸਤਿਕਾਰ ਅਤੇ ਪਿਆਰ ਸੀ।
ਲਾਲਾ ਜੀ ਕੁਝ ਦੇਰ ਭੀੜ ਵਿੱਚ ਉਲਝੇ ਰਹੇ ।
ਉਦਰੋ ਸਰਦਾਰ ਅਜੀਤ ਸਿੰਘ ਜੀ ਅੱਖ ਬਚਾ ਕੇ ਲਾਈਲਪੁਰ ਦੇ ਰੇਲਵੇ ਸ਼ਟੇਸ਼ਨ ਤੋਂ ਪਸ਼ੂਆਂ ਦੀ ਮੰਡੀ ਪੁਹੰਚ ਕੇ ਉਨੀ ਦੇਰ ਨੂੰ ਇੱਕਠੇ ਹੋਏ ਕਿਸਾਨਾਂ ਨੂੰ ਭਾਸ਼ਨ ਦੇ ਚੁੱਕੇ ਸੀ।
ਲਾਲਾ ਜੀ ਦੇ ਪੁਹੰਚਣ ਤੱਕ ਮੁੜ ਲੋਕਾਂ ਵਿੱਚ ਆ ਖੜ ਗਏ।
ਫਿਰ ਲੋਕਾਂ ਨੇ ਬਹੁਤ ਪਿਆਰ ਨਾਲ ਲਾਲਾ ਜੀ ਦੇ ਵਿਚਾਰ ਸੁਣੇ ।
ਫਿਰ ਇਸੇ ਮੀਟਿੰਗ ਵਿੱਚ "ਝੰਗ ਸਿਆਲਾਂ "ਦੇ ਸੰਪਾਦਕ ਬਾਂਕੇ ਦਿਆਲ ਬਿਹਾਰੀ ਨੇ
ਆਪਣੀ ਕਵਿਤਾ ਪੜੀ
"ਪਗੜੀ ਸੰਬਾਲ ਜੱਟਾ ਪੱਗੜੀ ਸੰਭਾਲ
ਫਸਲਾਂ ਨੂੰ ਖਾਹ ਗਏ ਕੀੜੇ
ਤਨ ਤੇ ਨਹੀਂ ਤੇਰੇ ਲੀੜੇ
ਭੁੱਖਾਂ ਨੇ ਖੂਬ ਨਿਚੋੜੇ
ਰੋਂਦੇ ਤੇਰੇ ਬਾਲ ਓਏ
ਪੱਗੜੀ ਸੰਬਾਲ ਜੱਟਾ ਪੱਗੜੀ ਸੰਭਾਲ ਓਏ
ਬਣਦੇ ਨੇ ਤੇਰੇ ਲੀਡਰ ਰਾਜੇ ਤੇ ਖਾਨ ਬਹਾਦਰ
ਤੈਨੂੰ ਤੇ ਖਾਣ ਖਾਤਰ ਵਿਛਦੇ ਨੇ ਜਾਣ ਓਏ
ਪੱਗੜੀ .....
ਹਿੰਦ ਹੈ ਤੇਰਾ ਮੰਦਰ,ਉਸਦਾ ਪੁਜਾਰੀ ਤ
ਝੱਲੇਗਾ ਕਦ ਤੱਕ ਆਪਣੀ ਖੁਆਰੀ ਤੂੰ
ਪੱਗੜੀ ਸੰਭਾਲ....
ਸੀਨੇ ਤੇ ਤੂੰ ਖਾਵੇ ਤੀਰ ਰਾਂਝਾ ਤੂੰ ਦੇਸ਼ ਹੀਰ
ਸੰਭਲ ਕੇ ਚੱਲ ਤੂੰ ਮੇਰੇ ਵੀਰ
ਪੱਗੜੀ ਸੰਭਾਲ....
ਤੁਸੀਂ ਕਾਹਤੋਂ ਦੱਬਦੇ ਵੀਰੋ ਉਠਦੀ ਪੁਕਾਰ ਓਏ
ਹੋ ਕੇ ਇੱਕਠੇ ਵੀਰੋ ਮਾਰੋ ਲਾਲਕਾਰ ਓਏ
ਤਾੜੀ ਫੋ ਹੱਥੀਂ ਵੱਜੇ ਛਾਤੀਆਂ ਨੂੰ ਤਾਣ ਓਏ
ਪੱਗੜੀ....
ਇਸ ਮੀਟਿੰਗ ਦਾ ਨਤੀਜਾ ਇਹ ਨਿਕਲਿਆ ਕਿ ਤਿੰਨੇ ਬਿੱਲ ਰੱਦ ਹੋ ਗਏ।
ਅੱਜ ਵੀ ਅੈਨ ਉਹ ਹੀ ਸਮਾਂ ਹੈ ਇਤਿਹਾਸ ਬਾਰ ਬਾਰ ਦੁਹਰਾਇਆ ਜਾਂਦਾ ਹੈ।
ਇਸ ਕਰਕੇ ਕੇ ਨਹੀਂ ਦੁਹਰਾਇਆ ਜਾਂਦਾ ਕਿ ਤੁਸੀਂ ਦੁੱਖੀ ਹੋਵੋ ਸਗੋਂ ਇਸ ਕਰਕੇ ਕਿ ਜੋ ਤਰੁੱਟੀਆਂ ਸਾਡੇ ਕੋਲੋਂ ਇਤਿਹਾਸ ਵਿੱਚ ਰਹਿ ਗਈਆਂ ਹੋਣ ਉਹਨਾਂ ਨੂੰ ਸੁਧਾਰ ਸਕੀਏ।
ਅੱਜ ਅੰਮਬਾਨੀ ਅੰਡਾਨੀ ਈਸਟ ਇੰਡੀਆ ਕੰਪਨੀ ਹੈ।
ਅਤੇ ਮੋਦੀ ਸਰਕਾਰ ਗੋਰੀ ਸਰਕਾਰ ਵਾਲੀ ਭੂਮਿਕਾ ਨਿਭਾ ਰਹੀ ਹੈ।
ਸਾਰੇ ਦਾ ਸਾਰਾ ਭਾਰਤ ਇੰਨਾਂ ਲੋਕਾਂ ਦੇ ਹਵਾਲੇ ਕਰ ਦਿੱਤਾ ਦੇਸ਼ ਦਾ ਦਿਵਾਲੀਆ ਕੱਢਣ ਲਈ।
ਉਸ ਵੇਲੇ ਅੰਗਰੇਜ਼ਾ ਵੇਲੇ ਲੋਕ ਜਦ ਕਾਲੇ ਬਿੱਲ ਦੇ ਖਿਲਾਫ ਲੜੇ ਸਨ ਪਲੇਗ ਫੈਲੀ ਹੋਈ ਸੀ।
ਅੱਜ ਕਿਸਾਨ ਮੋਰਚੇ ਵੇਲੇ ਕਰੋਨਾ ਦਾ ਦੌਰ ਹੈ ।
ਫਰਕ ਕੁੱਝ ਨਹੀ ਹੈ ਬਸ ਇਹ ਫਰਕ ਹੈ।
ਉਸ ਵੇਲੇ ਸਰਦਾਰ ਅਜੀਤ ਸਿੰਘ ,ਘਸੀਟਾ ਰਾਮ ਸਰਦਾਰ ਕਿਸ਼ਨ ਸਿੰਘ 'ਅੰਬਾ ਪ੍ਰਸ਼ਾਦ ਸੂਫੀ ਲਾਲਾ ਲਾਜ ਪਤ ਰਾਏ ਜੀ ਬਾਂਕੇ ਦਿਆਲ ਜੀ ਸਨ।
ਅੱਜ ਦੇ ਕਿਸਾਨ ਮੋਰਚੇ ਵਿੱਚ ਡਟੇ ਯੋਧਿਆਂ ਦਾ ਨਾਂ ਇਤਿਹਾਸ ਵਿੱਚ ਫਖਰ ਨਾਲ ਲਿਆ ਕਰੂ ਗਾ ।
ਇਸ ਕਾਲੇ ਬਿੱਲ ਨੂੰ ਹਰਿਆਵਲੀ ਰੰਗ ਵਿੱਚ ਜਰੂਰ ਰੰਗਿਆ ਜਾਵੇਗਾ।
1906 ਦੇ ਮਿਸ਼ਨ ਨੇ ਅੰਗਰੇਜਾਂ ਦੇ ਬਣਾਏ ਬਿੱਲ ਰੱਦ ਕਰ ਦਿੱਤੇ ਸਨ।
ਜਦ ਕਿ ਉਹਨਾਂ ਨੂੰ ਤਾਂ ਸਾਡੀ ਭਾਸ਼ਾ ਸਾਡੇ ਨਾਅਰੇ ਇੰਨੀ ਸਮਝ ਵੀ ਨਹੀਂ ਸੀ ਆਉਂਦੇ ।ਫਿਰ ਵੀ ਡਰ ਕੇ ਬਿੱਲ ਰੱਦ ਕਰ ਦਿੱਤੇ ਸਨ।
ਇਹੈ ਅੱਜ ਦੀ ਸਰਕਾਰ ....ਜਨਾਬੇਆਲੀ ਇਹ ਤਾਂ ਫਿਰ ਵੀ ਸਾਡੇ ਮੁਲੱਕ ਦੀ ਸਾਡੀ ਭਾਸ਼ਾ ਸਮਝਣ ਵਾਲੀ ਸਰਕਾਰ ਹੈ।
ਇਸ ਨੂੰ ਬਿੱਲ ਰੱਦ ਕਰਨੇ ਹੀ ਪੈਣ ਗੇ।
ਯਾਦ ਰੱਖਣਾ ਅਜਾਦੀ ਦਾ ਅੱਜ ਬਾਗੀ ਮਸੀਹਾ
ਦੂਰ ਅੰਬਰਾਂ ਵਿੱਚ ਬੈਠਾ ਤੁਹਾਡੇ ਲਈ ਅਰਦਾਸ ਜਰੂਰ ਕਰਦਾ ਹੋਵੇਗਾ..ਕਿ ਉਸ ਦੇ ਵਾਰਿਸ ਅੱਜ ਉਸਦੇ ਪਾਏ ਪੂਰਨਿਆ ਤੇ ਅਜਾਦੀ ਹੱਕ ਸੱਚ ਦੇ ਰਾਹ ਵੱਲ ਤੁਰ ਪਈ ਹੈ।
ਉਸ ਮਸੀਹੇ ਨੇ 39 ਵਰੇ ਬਾਗੀ ਬਣ ਕੇ ਜਿੰਦਗੀ ਕੱਟੀ ਪਰ ਜਿਥੇ ਵੀ ਰਿਹਾ ਉਹ ਮਸੀਹਾ ਭਾਰਤ ਮਾਂ ਦੇ ਸੁਪਨੇ ਲੈਂਦਾ ਰਿਹਾ।
ਅਸੀਂ ਸਭ ਉਸ ਬਾਗੀ ਮਸੀਹੇ ਸਰਦਾਰ ਅਜੀਤ ਸਿੰਘ ਦੀ ਵਾਰਿਸ ਹਾਂ ਉਹ ਸਾਡਾ ਪੁਰਖਾ ਸੀ ।
ਪੁਰਖੇ ਦੇ ਪੂਰਨਿਆਂ ਨੂੰ ਪੰਜਾਬੀਓ ਕਾਮਯਾਬ ਕਰ ਦਿਓ
ਆਮੀਨ
ਜੈ ਜਵਾਨ ਜੈ ਕਿਸਾਨ
ਪੰਜਾਬ ਪੰਜਾਬੀਅਤ ਜਿੰਦਾਬਾਦ
🍀ਅੰਜੂਜੀਤ🍀