Репост из: R.S International
《當我凝視深淵,深淵都凝視著我》
喺抗爭最激烈嘅日子,好多時我哋呢啲被認為係「勇武派」、前線抗爭者嘅人喺行動上,為咗破窗,我哋或者就係魯迅筆下嘅「傻子」,為咗爭取自由,為咗對抗不公義,我哋選擇自己行先一步,去做他人眼中嘅「怪物」。
老實講,街頭上嘅革命,無論承唔承認都好,的確係暫告咗一段落,有啲人,好似我哋龍隊咁,受到好現實嘅壓迫下,都只能各散多西,重新思考自己嘅前路。 喺呢段時間,有時都會諗起以前一個朋友講過一番幾精警嘅說話:「要光復香港,不如先光復自己」,係嘅,我哋對社會有好多批判,好多怨恨,但我成日都會諗,無錯,我哋係為個社會奮鬥,社會又係由我哋自己組成,而我自己本身,係唔係已經盡咗最大努力?我係唔係可以做更多?我今日做唔到嘅嘢,我有無方法令到我聽日做到?
每次睇返自己,都發覺自己仲有好多嘢都唔識,有好多嘢可以做得更好。我明白,的確仲有好多人欺世盜名,有唔少人靠住把口去為自己增添光環(可能我寫呢篇都係)。一直以嚟,其實我有啲怕叫口號,因為我想做到口號要做嘅嘢,我希望有朝一日能夠用行動去證明出嚟,雖然我能力好細,但係我希望大家可以一齊「光復自己」,聚沙成石,再重新達成我哋嘅夢想,唔好睇少自己,共勉之。
最後,講多一句:「窮則獨善其身, 達則兼善天下。」
by 少應團長機嘅Chris
喺抗爭最激烈嘅日子,好多時我哋呢啲被認為係「勇武派」、前線抗爭者嘅人喺行動上,為咗破窗,我哋或者就係魯迅筆下嘅「傻子」,為咗爭取自由,為咗對抗不公義,我哋選擇自己行先一步,去做他人眼中嘅「怪物」。
老實講,街頭上嘅革命,無論承唔承認都好,的確係暫告咗一段落,有啲人,好似我哋龍隊咁,受到好現實嘅壓迫下,都只能各散多西,重新思考自己嘅前路。 喺呢段時間,有時都會諗起以前一個朋友講過一番幾精警嘅說話:「要光復香港,不如先光復自己」,係嘅,我哋對社會有好多批判,好多怨恨,但我成日都會諗,無錯,我哋係為個社會奮鬥,社會又係由我哋自己組成,而我自己本身,係唔係已經盡咗最大努力?我係唔係可以做更多?我今日做唔到嘅嘢,我有無方法令到我聽日做到?
每次睇返自己,都發覺自己仲有好多嘢都唔識,有好多嘢可以做得更好。我明白,的確仲有好多人欺世盜名,有唔少人靠住把口去為自己增添光環(可能我寫呢篇都係)。一直以嚟,其實我有啲怕叫口號,因為我想做到口號要做嘅嘢,我希望有朝一日能夠用行動去證明出嚟,雖然我能力好細,但係我希望大家可以一齊「光復自己」,聚沙成石,再重新達成我哋嘅夢想,唔好睇少自己,共勉之。
最後,講多一句:「窮則獨善其身, 達則兼善天下。」
by 少應團長機嘅Chris