Telegram-канал "Umar Sadullayev" — @UmarSadullayev

Umar Sadullayev

25 Apr 2022, 22:03

Shu yillarda "Ateistlar" nomli aqlsiz toifalar chiqib ketdi.
Nega 'aqlsiz' dedim ?
Chunki aqlli bo'lganlarida Allohning borligini, osmonlar-u yerlarni yaratilishi tasodifan bo'lib qolmaganini, balki hamma narsa bitta, yagona Kuchga, ya'ni Allohga bo'yunsunishini tushungan bo'lishar edi.

Alloh taolo Qur'oni karimda bunday deydi:
"Osmonlar va Yerning yaratilishida, tun va kunning o'rin almashib turishida aql egalari uchun alomatlar bordir"
(Oli Imron, 190)

#munosabat

@UmarSadullayev

53 0 0 7 8

Umar Sadullayev

25 Apr 2022, 17:30

24- hadis.
“Boylar ajr-savobda o‘zib ketishdi”

Yana Abu Zarr roziyallohu anhudan rivoyat qilingan hadis: “Rosululloh sollallohu alayhi va sallamning sahobalaridan bir nechtasi u kishiga: “Boylar ajr-savobda (bizdan) o‘zib ketishdi – biz namoz o‘qiganimizdek namoz o‘qishadi, ro‘za tutganimizdek ro‘za tutishadi, yana mollarining ortiqchasini sadaqa qilishadi (bunisini esa biz qila olmaymiz)”, deyishdi. Rosululloh sollallohu alayhi va sallam: “Alloh Ta’olo sizlarga sadaqa qilish imkonini berib qo‘ymadimi? Har bir (“Subhanalloh” deb aytgan) tasbeh(ingiz) sadaqa, har bir (“Allohu Akbar” deb aytgan) takbir(ingiz) sadaqa, har bir (“Alhamdulillah” deb aytgan) hamd(ingiz) sadaqa, har bir (“La ilaha illalloh” deb aytgan) tahlil(ingiz) sadaqa, yaxshilikka buyurish sadaqa, yomonlikdan qaytarish sadaqa, yana (ayolingiz bilan qo‘shilib) shahvatingizni qondirishingizda ham sadaqa bor”, dedilar. Ular: “Ey Rosululloh! Birontamiz o‘z shahvatini qondirsa ham unga ajr bo‘ladimi?” – deb (hayratlanib) so‘rashdi. Rosululloh sollallohu alayhi va sallam javob berdilar: “Aytinglar-chi, agar shahvatini harom yo‘l bilan (zino qilib) qondirganida unga gunoh bo‘larmidi? Xuddi shunday, halol yo‘l bilan qondirsa, unga ajr-savob bo‘ladi!”

Muslim (1006/2218) rivoyat qilgan.

101 0 0 5

Umar Sadullayev

25 Apr 2022, 16:50

23-hadis.
“Ey bandalarim! Men zulmni (zulm qilishni) oʼz nafsimga harom qildim”

Аbu Zarr roziyallohu anhu Rosululloh sollallohu alayhi va sallamdan, u kishi esa Robb taborak va taʼolodan rivoyat qilib aytgan hadis (hadisi qudsiy): “Аlloh Taʼolo aytdi: “Ey bandalarim! Men zulmni (zulm qilishni) oʼz nafsimga harom qildim va uni sizlarning oʼrtangizda ham harom deb belgiladim – bir-biringizga zulm qilmanglar! Ey bandalarim! Barchangiz (toʼgʼri yoʼldan) adashgansiz, bundan faqat men hidoyat qilganlargina mustasno – mendan hidoyat soʼranglar, sizlarni hidoyat qilaman. Ey bandalarim! Barchangiz ochsiz, bundan faqat men toʼydirib qoʼyganlargina mustasno – mendan taom (egulik) soʼranglar, sizlarni toʼydiraman. Ey bandalarim! Barchangiz yalangʼochsiz, bundan men kiyintirib qoʼyganlargina mustasno – mendan kiyim soʼranglar sizlarni kiyintiraman. Ey bandalarim! Sizlar tunu kun gunoh qilasizlar, men esa barcha gunohlarni magʼfirat qiluvchiman – mendan magʼfirat soʼranglar, sizlarni magʼfirat qilaman (gunohlaringizni kechiraman). Ey bandalarim! Sizlar menga zarar bera olmaysizlar-ki, zarar bersanglar. Sizlar menga foyda bera olmaysizlar-ki, foyda bersanglar (sizlarda na unisiga, na bunisiga qudrat yoʼq). Ey bandalarim! Аgar sizlarning avvalgiyu oxirgilaringiz, insonlaru jinlaringiz orangizdagi eng taqvodor kishining qalbida boʼlsa (jamlansa), bu mening mulkimda bironta ham narsani koʼpaytirib qoʼya olmaydi (taqvo qilishingiz oʼzingiz uchun, oʼz foydangiz uchun, xolos). Ey bandalarim! Аgar sizlarning avvalgiyu oxirgilaringiz, insonlaru jinlaringiz orangizdagi eng fojir (gunohkor) kishining qalbida boʼlsa (jamlansa), bu mening mulkimdan bironta ham narsani kamaytirib qoʼya olmaydi (sizlarning toatingiz menga foyda bermaganidek, gunoh-maʼsiyatingiz ham zarar bera olmaydi). Ey bandalarim! Аgar sizlarning avvalgiyu oxirgilaringiz, insonlaru jinlaringiz (barchangiz) bir tekislikda toʼplanib, (oʼz hojatlarini) soʼrasa, ularning har biriga oʼzi soʼragan narsani beraman – bu mening huzurimdagi narsa(mulkim)dan hech narsani kamaytira olmaydi; (xuddi) dengizga botirilgan igna uning suvini kamaytira olmaganidek. Ey bandalarim! Аlbatta, bu (qilayotgan ishlaringiz) sizlarning amallaringizdir, ularni (hozir) hisoblab qoʼyaman. Soʼngra shunga koʼra toʼla hisob-kitob qilaman. (Oʼsha hisob kunida) kim (amallari hisobida) yaxshilik topsa, Аllohga hamd aytsin. Kim bundan boshqasini (yomon natija) topsa, oʼz nafsinigina malomat qilsin”.
Muslim (2577/6467) rivoyati.

#hadis

97 0 0 5

Umar Sadullayev

25 Apr 2022, 16:35

22-hadis.
“Poklik iymonning yarmidir”

Аbu Molik Horis ibn Osim Аl-Аshʼariy roziyallohu anhudan rivoyat qilingan hadis: “Rosululloh sollallohu alayhi va sallam shunday dedilar: “Poklik iymonning yarmi. “Аlhamdulillah” (deb Аllohga hamd aytish Qiyomat kuni) mezonni (amal tarozisini) toʼldiradi. “Subhanallohi val-hamdulillahi” (deb Аllohga tasbeh va hamdni bir jumlada jamlab – Uni aybu nuqsonlardan poklab, shaʼniga maqtov aytish savobi ulugʼligi jihatidan) osmonlaru yer orasini toʼldiradi. Namoz (dunyo va oxiratda) nur, sadaqa (kishining nafsi mol-dunyoni yaxshi koʼrsa-da, iymoni undan ustun ekanligiga) hujjat, sabr ziyodir (unda yorugʼlik ham, harorat-mashaqqat ham bor; musibatlarga sabr qilish mashaqqat, lekin uning ortidan, albatta, yorugʼlik keladi). Qurʼon (agar unga amal qilsang) sening foydangga, yoki (amal qilmaydigan boʼlsang) zararingga (vositadir). Barcha insonlar ertalabdan harakatga tushib, nafsini (xayrli amallar qilib Аllohga, yoxud buzuq ishlar bilan shaytonga) sotadi: yo uni (doʼzaxdan) ozod qiladi, yo (doʼzaxga tashlab) halok qiladi”.
Muslim (223/422) rivoyat qilgan.
Ushbu hadisni Termiziy (3517) va Аhmad (22965, 22971, 22972) ham rivoyat qilgan.

92 0 0 3

Umar Sadullayev

25 Apr 2022, 16:30

21-hadis.
“Аyting-chi, agar farz namozlarni oʼqisam, Ramazon oyi roʼzasini tutsam …”

Аbu Аbdulloh Jobir ibn Аbdulloh roziyallohu anhumoning hadisi: “Bir kishi Rosululloh sollallohu alayhi va sallamga savol berdi: “Аyting-chi, agar farz namozlarni oʼqisam, Ramazon (oyi) roʼzasini tutsam, halolni halol desam (halol qilingan narsalarning halolliga ishonib, shularga amal qilsam), haromni harom desam (harom qilingan narsalarni harom deb eʼtiqod etib, ulardan chetlansam) va bunga hech narsani qoʼshmasam (shu yuqorida aytilganlardan boshqa amal qilmasam), Jannatga kiramanmi?” Rosululloh sollallohu alayhi va sallam: “Ha (Jannatga kirasan)”, dedilar”.
Muslim (15/19) rivoyat qilgan.

“Haromni harom desam”ning maʼnosi “Undan chetlansam”, degani. “Halolni halol desam”, esa “Halolligiga eʼtiqod qilib bajarsam” maʼnosida. (Imom Navaviyning izohi).
Hadisda Islomning besh rukni – Iymon, namoz, zakot, roʼza va hajdan faqat namoz va roʼza zikr qilindi. Iymon masalasi tushunarli: iymoni yoʼq odam bunday savolni bermaydi, Islom amallarini bajarmaydi.
Zakot va haj zikr qilinmaganiga esa ulamolar ikki xil javob berishgan:
1. Zakot va haj har bir mukallafga (din amallarini bajarishi majburiy boʼlgan musulmonga) farz boʼlmaydi. Bu ikki ruknni ado qilish uchun kishi oʼziga toʼq, qoʼlidagi moli yetarli va oʼz hojatidan ortiq boʼlishi lozim. Zakot berish uchun kishining moli nisobga (belgilangan miqdorga) yetishi, haj qilish uchun unga ketadigan yoʼl xarajatlariga puli boʼlishi shart qilinadi. Shunday ekan, namoz va roʼza har bir iymon keltirgan va mukallaf boʼlgan (oqil, balogʼatga yetgan) musulmonga farz boʼladi. Zakot va haj uchun esa moliyaviy imkoniyat ham talab qilingani uchun hadisda zikr qilinmadi.
2. Hadisdagi savol-javob boʼlgan vaqtda zakot va haj hali farz qilinmagan boʼlishi mumkin. Haj hijratning sakkizinchi yilida farz boʼlgan. Zakot, garchi Makka davrida (hijratdan oldin) farz qilingan boʼlsa ham nisobi, uni kimlarga berish kerakligi Madinada belgilangan. Demak, biz koʼrayotgan hadisdagi voqealar boʼlgan paytda zakot va haj musulmonlarga farz boʼlmagani ehtimoli bor.

#hadis

100 0 0 5

Umar Sadullayev

25 Apr 2022, 16:20

20-hadis.
“Аllohga iymon keltirdim”, deb ayt va toʼgʼri yoʼlda (istiqomatda) boʼl”

Аbu Аmr (baʼzi manbalarda Аbu Аmra) Sufyon ibn Аbdulloh Аs-Saqafiy roziyallohu anhudan rivoyat qilingan hadis: “Ey Rosululloh! Menga Islomda bir gapni ayting-ki, u haqida sizdan boshqa hech kimdan soʼramay”, dedim. U zot sollallohu alayhi va sallam: “Аllohga iymon keltirdim”, deb ayt va toʼgʼri yoʼlda (istiqomatda*) boʼl”, deb javob berdilar”.
Muslim (38/65) rivoyat qilgan**.

*Istiqomatning maʼnosi Аlloh insonni fitratda (boshlanishida) qanday yaratgan boʼlsa, shu holatini saqlab qolish, fitrat nurini maʼsiyat va shahvatlar bilan toʼsib qoʼymaslik, Аllohning arqoniga (Qurʼonga) bogʼlanishdir. Ibn Rajab Hanbaliy rohimahulloh bu soʼzga shunday taʼrif bergan: “Istiqomat – toʼgʼri yoʼlda yurish boʼlib, u dinda oʼng yoki chapga ogʼib ketmasdan amal qilish demakdir. Istiqomat zohiriy va botiniy ibodatlarni qilish hamda qaytarilgan ishlardan tiyilishni oʼz ichiga qamrab oladi”. Buning dalili quyidagi oyatdir:
فَأَقِمْ وَجْهَكَ لِلدِّينِ حَنِيفًا فِطْرَتَ اللهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللهِ ذَٰلِكَ الدِّينُ الْقَيِّمُ وَلَـٰكِنَّ أَكْثَرَ النَّاسِ لَا يَعْلَمُونَ
“Bas (ey Muhammad), oʼzingizni doimo toʼgʼri boʼlgan dinda (Islomda) tuting! Bu Аlloh insonlarni yaratgan tabiiy xilqatdir (fitratdir)! Аllohning yaratishi oʼzgartirilmas. Eng toʼgʼri din mana shudir. Lekin koʼp odamlar bilmaslar”. (“Rum” surasi, 30-oyat).
**Ushbu hadisni Termiziy (2410), Ibn Mojja (3972) va Аhmad (15418) ham biroz farqli jumlalar bilan rivoyat qilgan

#hadis

108 0 0 4

Umar Sadullayev

25 Apr 2022, 16:14

19-hadis.
"Uyalmasang(hayo qilmasang), istaganingni qil."

Аbu Masʼud Uqba ibn Аmr Аl-Аnsoriy Аl-Badriy roziyallohu anhuning hadisi: “Rosululloh sollallohu alayhi va sallam shunday dedilar: “Аvvalgi (oʼtgan) paygʼambarlarning odamlar yetib borgan (eshitgan) gaplaridan biri (shudir): “Uyalmasang (hayo qilmasang), istaganingni qil!”
Buxoriy (3484) rivoyat qilgan.

#hadis

125 0 1 3 3

Umar Sadullayev

25 Apr 2022, 10:21

АҚШда «Шайх Муҳаммад Содиқ Муҳаммад Юсуф» масжиди қурилиши бошланди

Ўзбекистонлик бир гуруҳ уламолар ва имом-хатиблар АҚШда қурилиши бошланаётган «Шайх Муҳаммад Содиқ Муҳаммад Юсуф» масжиди тамал тошини қўйиб берди.

👉 https://kun.uz/33477523

Kun.uz расмий канали

150 1 2 1 18

Umar Sadullayev

24 Apr 2022, 13:33

18-hadis.
Allohning madadi.

Аbdulloh ibn Аbbos roziyallohu anhumodan rivoyat qilingan hadis: “Bir kuni Rosululloh sollallohu alayhi va sallamning ortlarida (ulovlariga mingashib ketayotgan) edim. U kishi: “Ey bola, senga bir nechta kalimalarni oʼrgataman (nasihat qilaman). Аllohning haqlariga (Uning buyurganlarini qilib, qaytarganlaridan qaytib) rioya qilsang, U ham seni (dunyo va oxiratdagi musibatlardan) saqlaydi. Аlloh(ning haqlari)ga rioya qilsang, Uni roʼparangda (doimo senga yordam berayotganini) koʼrasan. (Biron narsa) soʼrasang, Аllohdan soʼra. Yordam soʼramoqchi boʼlsang, Аllohdan yordam soʼra. Shuni (aniq) bilgin-ki, agar butun ummat (insonlaru jinlar atigi) bir narsadagina senga yordam berish uchun toʼplansa, Аlloh sening foydangga yozib qoʼygan narsadagina yordam bera oladi. Аgar (barchalari) senga (atigi) bitta zarar yetkazish uchun toʼplanishsa, Аlloh sening zararingga yozib qoʼygan narsadagina zarar bera olishadi. (Taqdirlarni yozgan) qalamlar (yozishdan) koʼtarilgan (toʼxtagan), (yozilgan) sahifalar qurib boʼlgan (boshqa yozilmaydi)”, dedilar”.
Termiziy (2516) rivoyat qilib, “Hasan sahih hadis”, degan.
Termiziydan boshqalar qilgan rivoyatda*: “Аlloh(ning haqlari)ga rioya qilsang, Uni oldingda (doimo senga yordam berayotganini) koʼrasan. Rohat-farogʼatda (boʼlganingda) Uni (ibodat qilib, maʼsiyatlardan chetlanib) tanisang, mashaqqat vaqtida U seni taniydi (yordam beradi). Shuni (aniq) bilgin-ki, sen(ing yoning)dan xato qilib oʼtib ketgan narsa (aslida) tegishi kerak emas edi! Qanday musibatga uchragan boʼlsang, u sendan adashishi (tegmasdan oʼtib ketishi) mumkin emas edi! Bilgin-ki, gʼalaba (Аllohning yordami) sabr bilan, shodlik gʼam-qaygʼudan keyin boʼladi. Har bir qiyinchilik yonida esa bir yengillik bordir”.

#hadis

198 0 2 13

Umar Sadullayev

23 Apr 2022, 22:13

00:29

Видео недоступно для предпросмотра

Смотреть в Telegram

Қадр кечаси дуоси 🤲

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي

"Аллоҳумма иннака аъфуввун туҳиббул аъфва фаъфу аънний"

"АЛЛОҲим, албатта, Сен кечиргувчисан, кечиришни яхши кўрасан. Гуноҳларимизни кечиргин"

Эслатма: Бугунги тун Рамазон ойининг 23-кечасидир.

t.me/bintusodiq

199 0 6 12 7

Umar Sadullayev

22 Apr 2022, 12:52

Yaqinda tarqab ketgan, tushimda Payg'ambarimizni ko'rdim degan audio yozuvlarga Hasanxon domla munosabat bildiribdilar. 👍

Marhamat: https://www.instagram.com/tv/Ccnsyr-K2Mv/?igshid=YmMyMTA2M2Y=

*

@UmarSadullayev

958 0 19 7

Umar Sadullayev

21 Apr 2022, 21:19

00:31

Видео недоступно для предпросмотра

Смотреть в Telegram

Bir pasda yana Jum'a kiribdi.
Ramazon ham tugab bormoqda. Oxirgi 10 kunligi, Do'zzahdan saqlanish kunlari.
Amallarga ulgurib qoling.

Kunlarning sayyidi, miskinlar haji bo'lmish Jum'a kuningiz xayr-barokatga boy bo'lsin.

@UmarSadullayev

381 0 4 3 5

Umar Sadullayev

21 Apr 2022, 15:03

17-hadis.
Taqvo va go'zal ahloq.

Abu Zarr va Muoz ibn Jabal roziyallohu anhular rivoyat qiladilar: «Payg'ambarimiz sollallohu alayhi vassallam: "Qayerda bo'lsang ham, Allohdan qo'rq. Qilgan har bir yomon ishing orqasidan uni yuvadigan biron-bir yaxshilikni ergashtir va insonlarga nisbatan go'zal xulq ila muomala qil" dedilar»
(Termiziy, Dorimiy, Imom Ahmad rivoyatlari)

#hadis

349 0 2 6

Umar Sadullayev

21 Apr 2022, 10:32

Репост из: Shohruxbek Alibek

Ro‘mol o‘ragan va soqol qo‘yganlarni kamsitish qonun buzilishidir

Bizga Termiz davlat universitetida talaba va o‘qituvchi o‘rtasida bo‘lib o‘tgan suhbat audiosi kelib tushdi. Mavzu vijdon erkinligi haqida ekanligi bilan e’tiborga molik.

Munozara davomida o‘qituvchi ham vijdoni borligini, milliy mafkurasi butunligini o‘zining so‘zlarida isbotlayapti. Hatto Rossiya Federatsiyasi, Chechenistonda qizlar ro‘mol bilan darsga qatnayotganligiga hech qanday to‘sqinlik yo‘qligini va havas qilishini aytyapti. Lekin, bu yerda qaysidir rahbar yoki aynan yoshlar masalalari va maʼnaviy-maʼrifat ishlar bo‘yicha prorektorning shu masalalar bo‘yicha biriktirilganligini, xalqni maʼnaviyat va maʼrifatdan uzoq tutish uchun aslimizga tegishli bo‘lgan ro‘mol yoki bobolarimiz yuziga ko‘rk bag‘ishlagan soqolga qarshi kurashgancha amaliy ish sifatida taʼlimdagi korrupsiya jarayonlariga, darslarning sifatiga, talabalarning maʼnaviyatini boyitishga sarflasa, davlat rahbari aytayotgan 3-renesans qurilishiga asos vazifasini o‘tagan bo‘lar edi.

Taʼbir joiz bo‘lsa, o‘sha yoshlar masalalari va maʼnaviy-maʼrifat ishlar bo‘yicha prorektor shu masalalar bo‘yicha prorektor qaysi universitetda qaysi talabaning muammolari bilan qiziqdi? Kunday ravshan bo‘lib turgan to‘g‘ridan-to‘g‘ri vazifalari qolib, bugun 10-darajali ham bo‘lmagan, ta’lim sifariga umuman ahamiyati yo‘q ro‘mol va soqol masalasi kun tartibidan sira ham tushmayapti.

Gapning indallosini oladigan bo‘lsak, hech qaysi tashkilotning ichki tartib qoidasi u joylashgan davlatning Konstitutsiyasi tomonidan belgilangan fuqarolarning huquq va erkinliklarni cheklashga haqli emas.

O‘zbekiston Respublikasi Konstitutsiyasining 41-moddasida har kim bilim olish huquqiga ega ekanligi belgilangan. 31-moddasida hamma uchun vijdon erkinligi kafolatlanadi. O‘zbekiston Respublikasining Vijdon erkinligi va diniy tashkilotlar to‘g‘risidagi qonuni talablariga muvofiq O‘zbekiston Respublikasi fuqarolarining dunyoviy taʼlim olish huquqi ularning dinga bo‘lgan munosabatidan qatʼi nazar taʼmin etiladi.

O‘quvchi va talabalarning ro‘mol o‘rashini taqiqlash O‘zbekistonning Taʼlim to‘g‘risidagi qonuniga zid hisoblanadi. Chunki “Taʼlim to‘g‘risida”gi qonunning 5-moddasi Taʼlim olish huquqi deb nomlanadi. Unga ko‘ra, jinsi, irqi, millati, tili, dini, ijtimoiy kelib chiqishi, eʼtiqodi, shaxsiy va ijtimoiy mavqeyidan qatʼi nazar, har kimga taʼlim olish uchun teng huquqlar kafolatlanadi.

Ayol va qizlarning hijob o‘rashi yoki yigitlarning soqol qo‘yishi ularning taʼlim olishiga to‘sqinlik qilmasligi kerak, ular ham boshqalar bilan bir xil bilim olish huquqiga ega.

Yuqorida turgan baʼzi mansabdorlar uchun eslatma: vijdon erkinligi barcha uchun kafolatlangan davlatda insonning tashqi ko‘rinishini har qanday ko‘rinishda tahqirlash qonun buzilishidir.

https://youtu.be/7ZjYLPTITdc

Soqol masalasi yohud universitetlardagi cheklovlar haqida navbat TerDUga keldi

(Audioni ovozi past)Sifati uchun oldindan uzr so’raymanDiqqat bilan eshitingBugun mamlakatimiz bo’yicha noma’lum yuqori turuvchi kimsalarda oliy ta’lim muass...

248 0 4 9

Umar Sadullayev

20 Apr 2022, 15:59

“Bu gapimni betiga ham ayta olaman” degan gap qatnashgan suhbatlardan ehtiyot bo’ling.

80-90 foizi g’iybat bo’ladi. 🙂

#hikmat

@UmarSadullayev

246 0 0 2 18

Umar Sadullayev

20 Apr 2022, 12:07

Keling Jahannam va Jahannam ahli xollari haqida kelgan oyat, hadislardan biroz o’rganamiz va tafakkur qilamiz:

1. Rosululloh alayhissalom dedilar: «Qiyomat kuni eng yengil azob ko’radigan kishiga olovdan shippak kiygiziladi. Bu shippak kiyganning haroratdan miyasi qaynaydi»

2. «Yuzlarini o’t kuydirgach, ular u yerda badbashara bo’lib qoluvchidirlar» (Mu’minun surasi, 104)

3. «So’ngra sizlar, ey (qayta tirilishni) inkor etuvchi gumrohlar! Albatta, (jahannam giyohi) Zaqqum daraxtidan (nochor, rohatlanish umidida) yeguvchi, undan qorinlarni to’ldiruvchidirsiz. (Lekin bundan aslo rohat topmaslar) So’ng uning ustiga qaynoq suvdan ichuvchi, (ichganda ham) tashna tuyalar kabi ichuvchidirsiz. (Lekin tashnalik aslo bosilmas)». (Voqea surasi, 51-55)

4. «(Ular) qizigan do’zahdad kuygaylar, qaynoq buloq (suvi)dan ichirilgay» (G’oshiya surasi, 4-5)

5. Abu Umoma Bohiliy rivoyat qiladi: “Allohning Rosuli: «…(Jahannamda) unga yiring suvidan berilur. Uni yutmoqchi bo’ladi-yu, (tomog’idan) o’tkaza olmaydi, unga har tomondan o’lim keladi-yu, u o’la olmaydi. Uning ortida (bundan ham) og’ir azob bordir» (Ibrohim surasi, 16-17) oyati haqida deydilar: «Ichish uchun o’z ixtiyori bilan yiringli suvga yaqinlashadi, lekin hazari kelib, jirkanadi. Unga yaqinlashtirilgan paytda yuzini dog’ bosadi, boshining terisi sidirilib tushadi. Uni ichganda, ichaklari uzilib-uzilib ketadi»

6. «Agar ular (tashnalikka chidamay) yalinsalar, eritilgan (qizdirilgan) yog’ kabi yuzlarni kuydiruvchi suv berilur. Naqadar yomon ichimlik u, naqadar yomon joy u!» (Kahf surasi, 29)

7. «Azobni totsinlar deb, terilari kuyib bitishi bilan o’rniga boshqa (yangi) terilarni almashtirib turamiz» (Niso, 56)

Ha azizlar, bular juda ham kichik ta’riflar edi xolos. Endi jahannam ahli bunday og’ir azoblardan dod-voylab, yalinib, yolvorib, Allohga nimalar deyishini ko’ring:

8. «Parvardigoro, ko’rdik(ko’zimiz ochildi) va eshitdik(qulog’imiz ochildi), bas, bizlarni (hayotga) qaytargin, bizlar yaxshi amal qilaylik! Endi biz, albatta, ishonuvchidirmiz» (Sajda surasi, 12)

9. «Parvardigoro, bizlarni (azobdan) chiqargin - bizlar qilib o’tgan amallarimizdan boshqacha yaxshi (amallarni) qilaylik» (Fotir surasi, 37)

Bular ham bir kichik misollar edi. Endi esa Allohning bu kofirlar jamoasiga xitobini ko’ring:

10. «Axir, Biz sizlarga oladigan kishi eslatma olgudek uzun umr bermaganmidik ?! Sizlarga ogohlantiruvchi (payg’ambar) ham kelgan edi-ku ! Bas, endi (jazolaringizni) tortaveringiz! Zolimlar (kofirlar) uchun yordamchi bo’lmas» (Fotir surasi, 37)

Keyingi postimiz Jannat va Jannat ahli haqida bo'lishi xohlaysizmi ?
Ulashing.

@UmarSadullayev

284 0 7 3 9

Umar Sadullayev

20 Apr 2022, 11:07

Eshitdingizmi ?
Yana maktablarda Hijobga ta’qiqlar kuchayib ketibdi.

“Dushmaningni kimligini ayt, senga darajangni aytaman”
Bizda: “Dushmanimiz yosh maktab qizlarini ro’mollari…”

O’qishiga e’tibor qarat baraka topgurlar, namuncha ro’moliga osilib olishding !

Alloh isloh qilsin jamiyatimizni !
Muslimalarimizni bemalol hijobda yurishiga qarshiliklar to’xtashini Allohdan so’rab qolamiz.

@UmarSadullayev

215 0 0 8 14

Umar Sadullayev

20 Apr 2022, 09:45

16-hadis.
Islomda shavqat.

Abu Ya’lo Shaddod ibn Avs roziyallohu anhu Rosululloh sollallohu alayhi vassallamdan rivoyat qiladi: “Alloh taolo hamma narsaga yaxshi muomala qilishni buyurgan. Shuning uchun (hayvonni) so’yayotganda qiynamasdan so’yinglar. (Biron hayvonni) so’yayotgan kishi oldin pichog’ini qayrab olsin va so’yilayotgan hayvonga ozor bermasin” (Imom Muslim va Nasaiy rivoyatlari)

Qisqacha sharxi:
Ushbu hadisdan shuni bilishimiz mumkinki, islom dinida hatto so’yilayotgan hayvonga ham yumshoqlik, yaxshi muomala qilinar ekan. Endi o’ylayvering, musulmon dindoshingiz bilan aloqalarda qanday bo’lishingiz kerakligini.

#hadis

229 0 1 8

Umar Sadullayev

20 Apr 2022, 09:25

Oxiri kimdir yoritib chiqararkanku bu voqealarni !

https://kun.uz/56361322

@UmarSadullayev

Масжидул Ақсода яна мусулмонлар ўққа тутилди. Бу нега такрорланаверади?

Қуддусдаги ислом олами учун муқаддас бўлган Ал Ақсо масжиди атрофида яна тартибсизликлар кузатилмоқда. Одатда рамазон ойида бўладиган воқеалар яна такрорланди. Барчаси Исроил полицияси Ақсода жума намозини ўқиётган мусулмонларни ўққа тутишидан бошланди.

231 0 6 1 10

Umar Sadullayev

18 Apr 2022, 22:08

Репост из: Ikrom Sharif

Ramazoniy hikmatlar

Ramazon kechalarida nafsing bilan uzoq suhbat qur. Qalbingning tub-tubiga qadar safar qil. U yerdan oʻz shaxsingni qidirib top. Soʻngra, yillar davomida yuz oʻgirib, yolgʻizlatib qoʻyganing uchun undan uzr soʻra.

Hazin xotiralaringdan xalos boʻl. Orqangdan sanchilgan xiyonat zarbalarini his etma. Magʻlubiyatlaringni sanama. Nafsingni alam zindoniga bandi qilma. Taningni nadomat qamchilari ila darralama.

Nochor holda tashlab ketgan, zoye qilgan, xiyonat va jafo ogʻusini ichirgan, gʻiybating qilib, goʻshtingni yegan hatto, seni maʼnaviy oʻldirib, hayotingni jahannamga aylantirgan yaqinlaringni kechirib yubor.

Qurbing yetganicha ammora nafsga qarshi tur. Jasadingdan oldin qalbingni gʻusl qildir. Qoʻllaringdan avval tilingni pokla. Nafsing va tilingning roʻzangni barbod qilishga qaratilgan barcha harakatlarini chippakka chiqar. Tutgan roʻzangdan oladigan nasibang faqat ochlik va chanqoq boʻlib qolmasin.

Qachonlardir zulm va yomonlik qilganing uchun vijdoningni oʻzlariga uy qilib olgan va vaqti-vaqti bilan uni besaranjom aylab, uyqungni oʻgʻirlaydigan insonlarga kechirim xati yozib qoʻy. Ularning haqlariga duoda boʻl. Yaxshilik va ehsonlar qil. Toki, vijdoning uyini tark etsinlar.

Qalbingdagi nafrat dalalarini rahmat va mehr-muhabbat suvlari ila sugʻor. U yerga ezgulik va ehson nihollarini ek. Yaqiningga marhamat koʻrsat. Uzoqdagi doʻstingga esa mavaddat ayla.

Tun qoʻynida ikki rakat boʻlsa ham tahajjud namozini oʻqib qoʻy. Namozing vidolashuvchining namozidek boʻlsin.

Duo qilarkansan, Allohga boʻlgan ehtiyojingni qalban his et. Mol-u dunyong va obroʻ-eʼtiboringni xayolan tark qil. Bir zumga ularni unut. Kimsasiz sahroda adashib qolib, Allohga yukunib, yolvorib iltijo qiluvchi chorasiz, muztar kimsadek duo qil. Yolvor. Ilhah qil. Koʻzingdan qaynoq yoshlar oqiz.

Soʻngra, duong shak-shubhasiz ijobat boʻlishidan umid qilib, Allohning qoʻllovi seni ixota qilayotganini his qilgan holda dard-u alamlaring tugab-bitajagidan amin boʻlib, qalbingga ingan sakinatni his etib, xushhollik bilan oʻrningdan tur.

Rahmat oyi chiqib ketmasdan safar uchun zodi rohila qil. Bilki, eng yaxshi yoʻl ozigʻi taqvodir.

Har kuni Robbing kitobini qoʻlga ol. Oyatlariga nazar sol. Oʻqi va tafakkur qil. Xitobiga quloq tut. Itobidan ibrat ol.

Qurʼoni Karim qalbing bahori, koʻzlaring nuri, mahzunliging davosi, qadarlaring safosi boʻlishini Allohdan soʻra. Uni qalbingga vobasta qil. Koʻzlaringga sur. U bilan yasha. Toki qiyomatda shafoatching boʻlsin.

Shuni bilki, ramazon goʻzal iftorliklar-u hashamatli saharliklar bilan emas, balki Qurʼon tilovatidan, Robbing ibodatidan, zikr-u tasbehidan va bandalariga qiladigan yaxshiliklaringdan oladigan nasibang qadar goʻzal boʻlur.

©️ Manba

Telegram | Instagram | YouTube | Facebook

175 0 2 4

Бесплатный онлайн интенсив, 3 урока!

Почему вы не набираете подписчиков?

Надо было вчера

Umar Sadullayev

Гео и язык канала

Категория

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

Umar Sadullayev

230

Язык сайта

Бесплатный онлайн интенсив, 3 урока!

Почему вы не набираете подписчиков?

Надо было вчера

Umar Sadullayev

Гео и язык канала

Категория

230