Qiziqarli kutubxona

Китоб ҳақида ўн фикр.

1. Муаллифи яхши ёза билган китобларни ўқиб борар экансиз, яхши гапиришни ҳам одат қилиб оласиз.

2. Кишининг маданий савияси – китобларнинг ўқиб чиқилган сони билан эмас, уқиб олинган сони ила ўлчанади.

3. Китоб ўқишни одат қилган шахслар телевизор экранидан нари кетмайдиган кишиларни бошқара олишади.

4. Китоб кинодан афзалдир. Негаки, киши тасаввурининг кўлами фильмдаги кучли таассуротга эга кадрлар сони каби чекланмайди.

5. Қанча кўп китоб ўқисанг, бировларга шунча кам тақлид қиласан.

6. Одамлар икки тоифага, хусусан: китоб ўқийдиганлар ва китоб ўқийдиганларнинг оғзига қараб юрадиганларга бўлинади.

7. Сўмни тийин ташкил этса, ўқиб чиқилган китоб сони – билимни.

8. Ақл топиш учун китоб ўқиш – тана манфаатида бадантарбия билан шуғулланишдек гапдир.

9. Киши ақлли бўлиб қолиши учун 10 та китоб кифоя. Ўша ўнтани топиш учун эса минглаб китобларни ўқиб чиқиши керак бўлади.

10. Яқин дўстинг бўлмиш китобга инон. Зеро у, одатда, сукут сақлаб, фурсати етганда жамики олам ҳақида батафсил сўзлаб беради сенга.

Intellekt darajasini oshirish va miyani ishlashga majburlash o‘ylaganingizdan-da osonroq. Layfxaker nashri sizga aql salohiyatini oshirishning 10 oddiy, ilmiy sinalgan usulini taqdim etadi.

1. Miyani ishlating

Agar siz hech bo‘lmaganda bir marta hozirgidan-da aqlli bo‘lish mumkinligi haqida o‘ylab ko‘rgan bo‘lsangiz, juda yaxshi. Intellektual xususiyatlarni rivojlantirishga oid fikr-mulohazalar maqsadga erishish yo‘lidagi ilk qadamdir.

Qiziquvchan bo‘ling, doimo yangi bilimlar orttiring, o‘zingizni qiziqtiruvchi jarayonlarni o‘rganing, tushunarsiz narsalarning tubiga yeting. Shunda atrofingizda o‘rganilmagan qancha narsalar borligini ko‘rib hayratlanasiz.

Nima qilish kerak?

Miyani foydali ish bilan band qiling, biror yangi mashg‘ulot bilan shug‘ullaning. Yangi ko‘nikmalarga ega bo‘lish aqliy faoliyatingizda ijobiy aks etadi.

2. Kitob o‘qing



O‘qish nafaqat so‘z boyligi va dunyoqarashni kengaytiradi, balki tasavvurni rivojlantirishga ham yordam beradi. Kitob mutolaa qilayotganimizda biz yangi dunyoga sho‘ng‘ib ketamiz. Agar siz hissiy intellektingizni oshirmoqchi bo‘lsangiz, yaxshi kitoblarni ko‘proq o‘qing. Bu miya faoliyatini yaxshilashning eng samarali usullaridan biridir.

Nima qilish kerak?

Kutubxonaga a’zo bo‘ling, onlayn kitoblarni o‘qish mumkin bo‘lgan servisga yoziling, anchadan beri o‘qishni niyat qilgan kitoblaringiz ro‘yxatini tuzing. O‘z oldingizga har oyda bittadan kitob o‘qishni maqsad qilib qo‘ying.

3. Hissiyotlarga erkinlik bering

His-tuyg‘ularimizni nazorat qilishga yordam beruvchi hissiy intellekt mavjud, shuningdek tizimli fikrlashimizga javobgar ratsional intellekt bor. Qoidaga ko‘ra, ko‘proq ratsional intellektga e’tibor qaratiladi, biroq buni esa to‘g‘ri deb bo‘lmaydi.

Hissiy intellekt haqida ham unutmaslik kerak, zero u doimiy o‘zgarishlarga moslashish va muammolarni operativ hal qilishga yordam beradi.

Nima qilish kerak?

Hissiyotlaringiz haqida gapirishdan qo‘rqmang. Ishda yoki uyda nimadandir norozi bo‘lsangiz, atrofingizdagilar bu haqida qisman xabardor bo‘lishlari kerak, shunda oldingizdagi muammoni birgalikda hal qilish imkoni paydo bo‘ladi. Muammo yechimi har doim ham topilavermaydi, albatta, biroq siz o‘zingizga ziyon yetkazuvchi his-tuyg‘ularni ichingizda saqlab o‘tirmaysiz.

4. Kundalik harakatlarga o‘zgarish kiriting

Bu usul kimgadir bema’ni tuyulishi mumkin bo‘lsa-da, samaralidir. Tishlaringizni odatda ko‘nikkan qo‘lingiz bilan emas, boshqasi bilan tozalashga urinib ko‘ring. Kompьyuter sichqonchasini boshqa qo‘lda ishlatib ko‘ring. Uddalay olasizmi?

Kundalik harakatlarimizga o‘zgarishlar kiritsak, miyamiz o‘zgarishlarni inobatga olgan holda, qanday qilib xuddi avvalgidek natijaga erishish mumkinligi haqida o‘ylashga majbur bo‘ladi. Bu miya faoliyatiga ijobiy ta’sir ko‘rsatadi.

Nima qilish kerak?

Miyangizni kutilmagan qarorlar qabul qilishga majburlang. Ishga yangi yo‘nalishdan boring, notanish shaharda xaritalar bo‘yicha harakatlanishni o‘rganing, do‘stlaringiz bilan xorijiy tilda suhbatlashing.

5. Qidiruv xizmatlarini tinch qo‘ying



Biz deyarli har kuni qandaydir yangi ma’lumotlarni qidiramiz, bunga naqadar oson erishayotganimiz va ularning miyamizdan naqadar tez chiqib ketishi haqida esa hatto o‘ylab ham o‘tirmaymiz. Bor-yo‘g‘i ikki klikni amalga oshirasiz – qarabsizki, javob tayyor.

Internet — kerakli ma’lumotni topishning eng oddiy usuli, albatta. Biroq u bizning miyamizni juda yalqov qilib qo‘yadi, chunki bilmagan narsamiz haqida bosh qotirib o‘tirishga hojat qolmaydi.
Nima qilish kerak?
Qidiruv xizmatlari, tarjimon ilovalar, konverterlar va kalьkulyatorlardan vaqtinchalik foydalanmaslikka harakat qilib ko‘ring. Hisob-kitoblarni miyangizda bajarishga urinib ko‘ring yoki yuzaga kelgan savollarga javoblarni kitoblardan qidiring. Ha, bu ancha ko‘p vaqt oladi, biroq miyani ishlatishga, sizni esa – ma’lumotlarni eslab qolishga majbur qiladi.

QAYROQI FIKRLAR

• Ko'pchilik g'ozni oqqush, deb o'ylaydi. (Ingliz xalq maqoli)
• O'ylamay gapirish- mo'ljalga olmay o'q uzishdir. (Ispan xalq maqoli)
• Sukut saqlab ham xato qilish mumkin. (Ingliz xalq maqoli)
• Sohildan qaraganda, dengiz chiroyli. Dengizdan qaraganda esa sohil go'zaldir. (Daniya xalq maqoli)
• Daraxt ildizi bilan tirik, inson do'sti bilan. (Rus xalq maqoli)
• Nima o'qiganingni emas, nima uqqanligingni so'zla. (Tojik xalq maqoli)
• Bevatan odam kuylamaydigan bulbulga o'xshaydi. (Rus xalq maqoli)

KOREYS XALQ MAQOLLARI

• Kaltakning birinchisi yaxshi tegadi. 
• Ishongan bolta oyoqni chopar. 
• Igna boradigan joyga ip ham boradi. 
• Boshingga loyiq qalpoq kiy. 
• Duming uzun bo'lsa, tutilasan. 
• Odam bir marta o'ladi.
• Go'zal chehra ortida xunuk qalb borligini bilib bo'lmaydi.
• Yaxshi erning xotini ham yaxshi bo'ladi.
• Go'dak va ahmoq rostgo'y bo'ladi.
• Mehnat baxtning onasidir.
• Inson yeyish uchun yashamasligi kerak. Balki yashash uchun yeyishi lozim.
• Xudo erta uyg'onadigan odamga yordam beradi.
• Pul bilan baxt yasab bo'lmaydi.
• Tabiat eng buyuk tabibdir.
• Do'sti yo'q odam - baxtsiz odamdir.
• Ahmoqlikni davolaydigan dori yo'q.
• So'z pichoqdan o'tkir.

Agar siz birovning bolasini yuzi kir holatda ko'rsangiz, "Ota-onasi qayerga qarayapti ekan?" - deb unga achinasiz. Ammo, agar o'z farzandingizni shu holatda ko'rsangiz unga qarab "Voy asalim-ey, yuzingni qara!" deb jilmayib, yoqimtoygina bo'lib qolganini payqaysiz.
Fikrlar ham shunga o'xshash, ba'zan birovning fikri sizga yoqmasa ham, unikidan kuchsiz dalilga ega bo'la turib o'z fikringizni ma'qullaysiz.

ⓒ Stiven Lyuvit. "Qachon bankni o'marish kerak" kitobidan.

Hayot! U naqadar murakkab va naqadar ulug‘! U insonni go‘zal va olijanob sehrgarday o‘ziga chorlaydi, erkalaydi.U inson uchun nimalar qilmagan, yana nimalar qilishi mumkin emas!

Ishonch! Inson ishonch bilan tirik. Unga ishonish kerak. Agar insonga ishonilmasa, falokat yuz beradi...

Odamlar! Sevgi ishonchsiz bo‘lmaydi. Bir-biringizga ishoning. Dunyoda bundan katta baxt yo‘q!!!

O'.Umarbekov. "Sevgim-sevgilim" qissasidan.

Talaba lug’ati

👉 Abituriyentlik davri – “Yolg’izlikning yuz yili”
👉 1-avgust – “Asrga tatigulik kun”
👉 Imtihon – “Dahshat”
👉 Imtihonga kirish oldidan tekshiruv – “Alvido, qurol”
👉 Talabalikka tavsiya etilmagan abituriyent – “Bemor”
👉 Talabalikka tavsiya etilgan abituriyent – “Alvido, bolalik” yohud “Qushdek yengil bo’ling”
👉 Universitet – “Javohirlar sandig’i”
👉 Talaba – “Odam bo’lish(i) qiyin”
👉 Dars – “Suv ostida sakson ming kilometr”
👉 Ma’ruza – “Tushda kechgan umrlar”
👉 Konspekt – “Daftar hoshiyasidagi bitiklar”
👉 Amaliy mashg’ulot – “Jimjitlik”
👉 Talabalar darsga tayyor emas – “Abadiyat qonuni”
👉 Stipendiya – “Ulug’bek xazinasi”
👉 Sessiya – “Bozor dunyo” yohud “Dunyoning ishlari”
👉 Qayta topshirishga qolgan talaba – “Urushning so’nggi qurboni”
👉 Amaliyot – “Gulliverning sayohatlari”
👉 Talabalik yillari – “Bahor qaytmaydi”…

@Uz_kutubxon

Митти ҳикоялар

ЙЎЛОВЧИ
Мен ўзимни йўловчи деб ўйлагандим.
Узоқ сафарга отландим. Сўнгра ширин хаёллар оғушида жимгина ором олишга шўнғидим. Бирдан чақмоқ чаққандай бўлди. Даҳшатли чинқироқ товушлар ва одамнинг ўкирик овози, йиғиси аралаш фарёд қулоғим узра ваҳм солди. Танам қаттиқ чайқалди. Лоқайд ва жоҳил ҳайдовчига бақиргим келди. Кўзларимни очдим.
Нақадар даҳшат! Нақадар фожиа! Ҳайдовчи эканман.

ҚИСМАТ
У қабристондан қўрққани учун ўша ёққа умр бўйи қадам қўймади. Отаси ўлганда ҳам, онаси ўлганда ҳам, хотини ўлганда ҳам бормади. Аммо уни одамлар барибир олиб боришди.

АРМОН
Дарахт эндигина пишган меваларини томоша қилмоқчийди, одамлар узиб кетишди.

СОТИБ ОЛИНГАН СОВҒА
Шаҳзодасини кутавериб, тоқати тоқ бўлган малика уни ўзи излаб кетди ва охир-оқибат ...гадога никоҳланди.

НАТИЖА
Самолёт юз йил уринди, машқ қилди, шаклини ўзгартирди – қушга айланолмади.
Қуш юз йил уринди, машқ қилди, шаклини ўзгартирди – самолётга айланолмади.

РОСТГЎЙ КУЁВ
Тўйдан олдин хотини борлигини яширди.
Тўйдан кейин биринчи фарзанди билан таништирди.

МЕҲРИБОН ЭР
У бугун ҳам кўчадаги маъшуқаларига атаб ёзган шеърини ўқиб, хотинидан миннатдорчилик эшитди.

ТАНИШ МАНЗАРА
Чол зах кулбасида қоқ суяк қўлларини ҳавога кўтариб, ўғлини қарғаркан, бирдан нимадир эсига тушиб кетди.

АТТАНГ
У қамоқдаги дўстини соғингани учун ҳам ўғрилик қилди.

АНА
Қизнинг кўнглига гул билан йўл топмоқчи эди, бўлмади.
Кимдир бу йўлни аллақачон пул билан топиб олган экан.

АСЛИДА...
Унинг изтироблари пиёз тўғраётгани билан боғлиқ эмасди.

ҚАРАМА-ҚАРШИЛИК
Келин билан куёв бир-бирига узукка кўз қўйгандек мос эдилар. Бир-бирига жуда ўхшардилар. Фақат битта фарқ бор эди: куёв одамлар орасида ўзини бахтли ҳис қиларди, келин эса фақат ёлғизликда...

ⓒМанзура Абдуллаева