يخلص يومكَ وترجعَ للفراش
وخوفكَ والقلق يبدون تشريحَ
حَرب بين المخدهَ وراسكَ تصِير
وصُوت التعِبوكَ بأذنكَ يصِيح
ماتگدر وصعِبه وتتعِب هَواي
حياتكَ غلطَه يحتاجلهَا تصحَيح
دورلكَ طَريقه وحِاول تنامَ
تره بس تبقه گاعد حضكَ يطيحَ
غمض البالكَ ممكن يصير
الواقعَ ينتهَي ويموت باچَر
عَليمن ضال تبچي وتكسر اشياء
هَو ياهَو اليعرفكَ وين صِاير
مايرتاحَ گلبكَ يبقى مشلوعَ
لأن بيضه نشلع گلب الدفاتر
جبت عمركَ تريد تلحَگ الناس
تطلعَ من خساره تطَب خساير
ماتعرف تعِيش تعيش لوياكَ
تمد ايدكَ بجيبكَ بس جگاير.