Ziyadullayev blog Ishga boring

💠Maqsadli qabul haqida

➖ Maqsadli qabul - bu ma'lum bir yo'nalish uchun respublika bo'ylab tanlangan hududlardan hujjat topshirgan abituriyentlarga beriluvchi davlat granti. Asosan sog'ligni saqlash va xalq ta'limi kabi yo'nalishlar uchun maqsadli grantlar ajratiladi.

🔹 Siz maqsadli qabul uchun ajratilgan grantni olish uchun o'sha hududda doimiy yashayotgan bo'lishingiz kerak (propiska bo'yicha) hamda o'qishga maqsadli grant asosida qabul qilinsangiz o'sha hududda ishlab berish majburiyatini olasiz.

✅ Misol tariqasida, siz Toshkent Tibbiyot Akademiyasiga (TTA) Samarqand viloyati Kattaqo'rg'on tumanida doimiy yashayotgan holatingizda (propiskada tursangiz) hujjat topshirsangiz hamda maqsadli qabulda qatnashishga rozilik bildirsangiz, siz faqatgina Kattaqo'rg'on uchun TTA'da ajratilgan maqsadli qabul grantida ishtirok etasiz, grant ololmasangiz umumiy tanlovda kontrakt uchun qatnasha olasiz. Ammo agar sizning doimiy yashash hududingiz uchun TTA'da maqsadli grant ajratilmagan bo'lsa siz grantga yetarli ball to'play olsangiz ham kontraktga qabul qilinasiz.

➡️ Yana bir muhim jihati siz doimiy ro'yhatda turgan hududingizda maktab yoki litsey/kollejni tamomlagan bo'lishingiz shart emas. Ya'ni o'tgan yildan e'tiboran ma'lum hududdan maqsadli qabulga topshirish uchun o'sha hududning o'rta maxsus diplomi talab etilmaydi.

💻 DTM saytiga hujjat topshirayotgan paytingiz sizga maxsus oyna orqali so'rov yuboriladi. Maqsadli qabulda qatnashishga roziman desangizgina, grant uchun tanlovda qatnashasiz, aks holda faqat umumiy tanlovda qatnashasiz.

💡 Asosiysi siz bir narsani anglashingiz zarur. Maqsadli qabul bu alohida ta'lim shakli emas, bu shunchaki bir funksiya va agar siz hujjat topshirayotganda maqsadli qabulda ishtirok etishga rozilik bildirsangiz, shunchaki bir funksiya yoqiladi va sizning tanlagan yo'nalishingizda siz yashab turgan hudud uchun maqsadli grant bo'lsa o'sha grant uchun kurashasiz.

P.S: Bugungi kunga qadar maqsadli qabul uchun sog'liqni saqlash, xalq ta'limi hamda veterinariya sohalari uchun kvotalar e'lon qilingan.

Manbalar: kun.uz maqolasi - https://kun.uz/10558085
YouTube nonli efir - https://youtu.be/j9jaLYDE3dI

Хотин-қизлар 4%лик грантга тавсиянома олиш учун нима қилиш керак?

Кўпчилик савол билан мурожаат қилиб, хотин-қизларнинг алоҳида тоифалари учун ажратиладиган давлат гранти бўйича квоталарга тавсияномаларни қандай олиш мумкинлигини сўрашмоқда. Хушнуд ака тўлиқ жавоб ёзибди.

Бунинг жавоби қуйидагича:

👉 Тавсиянома олмоқчи бўлган хотин-қизлар Маҳалла ва оилани қўллаб-қувватлаш вазирлигининг туман/шаҳар бўлимларига мурожаат қилишлари керак;

👉 Талабгорлар қуйидаги ҳужжатларни топшириши лозим:

1) туман/шаҳар ҳокими ўринбосари номига ариза;
2) белгиланган талаблардан бирига тўғри келишини тасдиқловчи ҳужжатлар (иловаси билан);
3) маълумотнома, объективка;
4) умумтаълим мактаби ёки ўрта махсус касб-ҳунар муассасасидан маълумотнома;
5) паспорт ёки туғилганлик тўғрисидаги гувоҳнома нусхаси.

👉 Ҳужжатлар 10 июлгача қабул қилинади;

👉 Туман бўлимларида ташкил этилган ишчи гуруҳ талабгор қизларнинг ҳужжатларини вилоят бошқармаларига 8 июлга қадар тақдим этади;

👉 Вилоят бошқармалари томонидан эса ҳужжатлар кўриб чиқилиб, 10 июлга қадар вазирликка юборади;

👉 Хотин-қизларга тавсияномалар 15 июлга қадар берилади;

👉 Тавсияномалар берилган хотин-қизлар ҳақидаги маълумотлар 20 июлга қадар ДТМ базасига киритилади.

✅ Тавсиянома қуйидаги тоифаларга берилади:

➖ кам таъминланган оиладан чиққан хотин-қизлар;
➖ ота ёки онаси вафот этган хотин-қизлар;
➖ 14 ёшгача бўлган 2 ва ундан ортиқ фарзандларни тарбиялаётган, бошқа қариндошларидан алоҳида яшаётган ёлғиз аёл (эркак)ларнинг қизлари;
➖ шахсий уй-жойга эга бўлмаган, ижарада яшаётган оилалар;
➖ ота-оналардан бири ёки ҳар иккиси ишсиз бўлган ва иш қидирувчи шахс сифатида аҳоли бандлигига кўмаклашиш марказларида ҳисобда турганлар;
➖ ногиронлиги бўлган фарзанди бор оилалардан чиққан хотин-қизлар;
➖ олий маълумотли хотин-қизлар билан қамраб олиш даражаси республиканинг ўртача кўрсаткичларидан икки ёки ундан ортиқ маротаба паст бўлган туманлар, шунингдек, олис ва бориш қийин бўлган ҳудудларда яшовчи оилалардаги қиз фарзандлар (уларни ўз ҳудудида 3 йил ишлаш шарти билан).

Каналга уланинг:👇👇👇
@Ziyadullayevblog