Rafiq O'zturk

***

yuzim o'zicha kular
oyoqlarim darbadar tanni ko'tarib
daydib yuradi
allaqayoqlarda

go'yo yashayapman
go'yo hammasi joyida

go'yo

bu go'yo ichiga qamalgan
telba qalbim
qaqshar betinim

shundanmi atrofim to'la mung
ichimni qoraytgan bir azob
aksiday bu dunyo qorayar

qop qora


bir og'riq sig'maydi yurakka
bir shamol epini qilardi balki

bu vujud esa

olis olislarga bosh urgan
bu telba vujud
bu darbadar
qayergadir eltib ko'mgisi kelar

shundanmi bu mast alast sarkashga
hamma begona
hamma yer olis

bu dunyoning o'zi olis bir makon

sevgilim
hayotim
borlig'im mening

meni bu olislikdan qutqar
bilaman sen borsan
yo'qsa menday majnun ham qayda

faqat sen yaqinsan men uchun

kim bo'lsang ham
meni bu olislardan qutqar
sevgilim
hayotim
borlig'im mening

charchadim