قصيده للانصار

ذكرو اليوم الانصار
نصرو ابو الاحرار

اذكروهم يشيعه اليوم
هذوله النصرو المظلوم
من احتار بين الگوم

هجمو على الكفار


كفوين ونعم منهم
يوم الضحو بدمهم
كثر الجيش ماهمهم
مثلهم ابد ماصار

انصارك يبو اليمه
بواسل بالحرب همه
عنك زاحو الغمه
جيش الكفر محتار

اسباع وطبو الحومه
حبيب الشاعت اعلومه
الرياحي اليوم جيدومه
هزمو جيش الاشرار

صاحو بشري يازينب
نخليهه مثل مرحب
وعلينه ابد ماتصعب
وحق حيدر الكرار

قسمنه بأمچ الزهره
نطيع الباري وامره
نسويهاالارض الحمره
ونخلي الجثث طشار

تمت بعون الله
#✍️ خادمه البتول الطاهره
ام مهدي الفرطوسيه
لا اجيز حذف الاسم
نسالكم الدعاء