Ameriabank CJSC

Freelancning-ն առաջարկում է անզուգական ճկունություն, սակայն ինքնավարությունն իր հետ բերում է նաև անկանոն եկամուտներ և անորոշություն։ Բայց ճիշտ ռազմավարության դեպքում դու կարող ես հասնել ֆինանսական կայունության և մտքի խաղաղության։

👉Անկանոն եկամուտների բյուջետավորում
Ֆրիլանսերների առջև ծառացած ամենամեծ մարտահրավերներից մեկը անկանոն եկամուտներն են։ Ֆինանսական վերելքներին ու վայրէջքներին դիմակայելու համար անհրաժեշտ է ստեղծել 🧮 բյուջե։ Սկսիˊր հաշվարկել քո միջին ամսական եկամուտը, ապա ֆիքսված ծախսերը, ինչպիսիք են` կոմունալները, վարձավճարները և այլն։
Բյուջեն կառուցելու համար մի շատ լավ կանոն կա, որը կոչվում է 50/30/20։ Ըստ այդ կանոնի՝ պետք է եկամուտի 50%-ն օգտագործել կարիքների համար, ինչպիսիք են` տնտեսության վարումը, սնունդը և տրանսպորտը, 30%-ն օգտագործել հոբբիների, ճանապարհորդելու և դրսում ճաշելու համար, 20%-ն օգտագործել խնայողությունների, անկանխատեսելի ծախսերի և պարտավորությունների համար։

👉Առանձնացրոˊւ անձնական և բիզնես հաշիվները
Բիզնեսի և անձնական կարիքների համար առանձին բանկային հաշիվներ ունեցիˊր: Սա կարևոր է ֆինանսներն արդյունավետ կառավարելու համար: 💵 Այս տարանջատումը քեզ թույլ կտա հետևել հեռավար աշխատանքի եկամուտներին և ծախսերին: Բացի այդ, առանձին հաշիվներ ստեղծելը կհեշտացնի ֆինանսների վերլուծությունն ու բյուջետավորումը:

👉 Եկամուտի աղբյուրի դիվերսիֆիկացում
Այս կետը շատ կարևոր է ռիսկերը նվազեցնելու և վաստակելու ներուժը մեծացնելու համար։ Եկամուտի միայն մեկ աղբյուրի վրա հույս դնելու փոխարեն ուսումնասիրիˊր այն ընդարձակելու հնարավորությունները։

👉 Հարկերի և կենսաթոշակի պլանավորում
Որպես ֆրիլանսեր` դու ինքդ ես պատասխանատու հարկերի և կենսաթոշակի համար։ Քայլեր ձեռնարկիˊր կենսաթոշակային հաշիվդ կառավարելու և հարկային վճարումների համար գումար նախատեսիˊր։

Դառնալ ֆինանսապես անկախ կարող է նաև ֆրիլանսերը, պարզապես այս դեպքում ֆինանսական պլանավորումը պահանջում է մի փոքր ավել հեռատեսություն բյուջեի ստեղծման, ծախսերի կառավարման և խնայելու հարցում։

Եթե հոդվածը քեզ դուր եկավ, կիսվիˊր, թե ինչ նյութեր կուզես տեսնել մեր ալիքում:

ameriabank.am | 010/012 561111
Բանկը վերահսկվում է ՀՀ ԿԲ կողմից

💚 Ամերիաբանկի տեղեկատվական տեխնոլոգիաների գծով տնօրեն Դավիթ Հովհաննիսյան․

🎙 «Այսօր ինձ համար հիանալի օր է, քանի որ 30 տարի աշխատելով Գերմանիայում և արևմտյան այլ երկրներում՝ ես հնարավորություն ունեմ բեմ բարձրանալու Հայաստանում և խոսելու բանկային ոլորտի տեխնոլոգիական զարգացման մասին։

Արդյոք նորարարության հաջորդ ալիքը բանկային ոլորտի՞նն է լինելու 🤔

Տեխնոլոգիայի դերը բանկային ոլորտում պետք չէ թերագնահատել։ Այսօր բանկային ոլորտում մենք ականատես ենք տեխնոլոգիական աննախադեպ աճի հատկապես արհեստական բանականության զարգացման շնորհիվ: Այս հեղափոխական փոխակերպումը կարող է հիմնովին վերափոխել բանկային գործառնություններն ու հաճախորդների փորձառությունը։ Տեխնոլոգիական զարգացման շնորհիվ հայկական բանկերի առջև բացվում են բազմաթիվ հնարավորություններ, ինչը թույլ է տալու նրանց զգալիորեն ամրացնել իրենց դիրքը շուկայում 📈
Այսօր տեխնոլոգիաների արդյունավետ կիրառումը վճռորոշ է բանկերի հաջողության համար»։

Հետևեք մեզ, որ բաց չթողնեք մեր խոսնակների ելույթների ամենատպավորիչ հատվածները 😉

#DoingDigitalForum2024 #DDF24 #embracing_opportunities #DigitalTransformation #Ameriabank

ameriabank.am | 010/012 561111
Բանկը վերահսկվում է ՀՀ ԿԲ կողմից

Եկավ սպասված օրը 🤩
Այսօր մեկնարկեց Doing Digital ֆորումը՝ ֆինթեքի ու բիզնեսի թվայնացման ընձեռած հնարավորություններն ուսումնասիրելու և դրանց ընդառաջ գնալու լավագույն հարթակը:

✅ Այսօր ֆորումը մի հարկի տակ է միավորել թվային տնտեսության տարբեր դերակատարներին, որպեսզի մենք համատեղ ուժերով Հայաստանը դարձնենք տարածաշրջանային հանգույց, որտեղ ֆինանսական տեխնոլոգիաներն ու թվային բիզնեսն կունենան լայն կիրառություն։

Ինչպես գիտեք, Ամերիան Doing Digital Forum-ի ֆինթեք գործընկերն է։
Մինչ ֆորումի հյուրերը լսում են խոսնակների ելույթները և մոտենում մեր տաղավարին՝ ներդրումների MyInvest օգնականի հետ շփվելու համար, կիսվենք ձեզ հետ առաջին լուսանկարներով 💚

#DoingDigitalForum2024 #DDF24 #embracing_opportunities #DigitalTransformation #Ameriabank

ameriabank.am | 010/012 561111
Բանկը վերահսկվում է ՀՀ ԿԲ կողմից

✅ Մոհամեդ Բարդաստանի
Visa-ի CEMEA-ի ավագ տնտեսագետ և Business and Economics Insights-ի տնօրեն։
Visa-ի համար CEMEA տարածաշրջանում ռազմավարական կարևորություն ունեցող հաճախորդների հետ հաղորդակցություններում Մոհամեդի դերն առանձնահատուկ կարևոր է։
Նա փորձառու կերպով ներկայացնում է թե՛ համաշխարհային, թե՛ տարածաշրջանային ամենաթարմ տնտեսական զարգացումները, ինչպես նաև վճարումների, ճամփորդությունների ու տուրիզմի ոլորտների միտումները։

✅ Դիրք Օլմայեր
«Just Better» կազմակերպության գործադիր տնօրեն և փորձառու ձեռնարկատեր։
Դիրքը մարդկային ռեսուրսների կառավարման իր անգնահատելի փորձով օգնում է կազմակերպություններին ստեղծել մեկ գաղափարի ու տեսլականի շուրջ միավորված թիմ։ Նա այս ոլորտում ունի ավելի քան 15 տարվա փորձ։

Շտապիˊր ծանոթանալ Doing Digital ֆորումի օրակարգին և ձեռք բերել քո տոմսը` https://doingdigital.am

#DoingDigitalForum2024 #DDF24 #embracing_opportunities #DigitalTransformation #Ameriabank

ameriabank.am | 010/012 561111
Բանկը վերահսկվում է ՀՀ ԿԲ կողմից

Ինչի՞ց սկսել 🤔
👉 Սկսիˊր վարել եկամուտների և ծախսերի աղյուսակ
Սա կարող է ձանձրալի թվալ, բայց երկու-երեք ամիս հետո կտեսնես, թե ինչքան այն կօգնի քեզ ֆինանսները կառավարելու հարցում։ Հաշվետվությունը պետք է վարել մանրամասնորեն՝ ներառելով բոլոր եկամուտներն և ծախսերը։

👉 Ուսումնասիրիˊր եկամուտներն ու ծախսերը
Առանձնացրոˊւ ամեն ամիս կրկնվող ծախսերը, հաշվիˊր դեղերի, տրանսպորտի, հագուստի, ուտելիքի և կոմունալ վճարների համար միջինում ծախսվող գումարի չափը։

👉 Սահմանիˊր նպատակներ
Սահմանիˊր նպատակ ու այն իրագործելու Ժամանակահատվածը` երկարաժամկետ (5-20 տարի) կամ կարճաժամկետ (մի քանի ամիս)։

👉 Կազմիˊր պլանը
Պլանի մեջ ներառիˊր ամսական բոլոր ծախսերը, սահմանված նպատակին հասնելու մի քանի տարբերակ` չմոռանալով խնայողությունների մասին։
Հետևիˊր պլանին և ժամանակին խմբագրիˊր այն
Պլանն օգնում է հետևել նպատակին հասնելու գործընթացին, ժամանակին նկատել սխալները, իրադրության փոփոխության դեպքում խմբագրել ծախսերը և չկորցնել մոտիվացիան։

Ինչպե՞ս հեշտացնել հաշվարկը 🤔
Ֆինանսական շատ հարմար հավելվածներ կան, որոնք օգնում են բյուջե վարել և գրագետ կառավարել ֆինանսները։ Կան հավելվածներ, որոնք հնարավորություն են տալիս մի քանի հոգու հասանելիություն ունենալ տվյալներին, ինչը հեշտացնում է ընտանեկան ֆինանսական պլանի կազմումը։ Ահա մի քանիսը.

YNAB հավելվածը բյուջեն լրջորեն կառավարողների համար է։
Goodbudget-ը հիանալի հավելված է սկսնակների համար, նաև հնարավորություն է տալիս հետևել պարտավորությունների վճարումներին։
PocketGuard-ը տեսակավորում է ծախսերը, հաշվում և կանխատեսումներ է անում:
Simplifi-ը թույլ է տալիս մանրամասնորեն հետևել ֆինանսներին և պլանավորել ծախսերը։
Mint-ն առաջարկում է ֆինանսների կառավարման լայն շրջանակ։

Կարող ես ընտրել ամենահարմար տարբերակը և սկսել ֆինանսներիդ պլանավորման ուղին, ինչը, վստահաբար, կապահովի քո ընտանիքի բարեկեցիկ ապագան 💚

📗 Տատյանա Պոպովա «Կախարդական բանկոմատը․ տնտեսագիտության մասին՝ երեխաներին»
Սա հետաքրքիր և ուրախ պատմություն է կախարդական բանկոմատով 🏧 կղզում հայտնված երեխաների մասին։ Գրքում ներկայացված են բանկային տերմինների բացատրությունները, իսկ ամեն գլխի վերջում կան փոքրիկ վարժություններ, հանելուկներ և խաղեր՝ ստացած գիտելիքը ամրապնդելու համար։
Գիրքը նախատեսված է 5 և ավելի բարձր տարիքի երեխաների համար։

📗Սերգեյ Ֆեդին «Ֆինանսական գրագիտություն»
Սա ֆինանսական գրագիտության «այբուբեն» է` նախատեսված տարրական դասարաններում սովորող երեխաների համար։ Գրքի առաջին մասում հեղինակը պատմում է, թե ինչ է 🪙 գումարը և դրա առաջացման պատմությունը, իսկ երկրորդ մասի հիմնական թեման ընտանեկան բյուջեն է։ Գրքում կան զվարճալի վարժություններ, նկարներ և կատակներ։ Գրքի ամեն մասի հետ հատկացվում է աշխատանքային տետր, որով կարելի է զբաղվել թե՛ տանը, թե՛ դպրոցում։

📗Բոդո Շեֆեր «Մանի անունով շունը կամ ֆինանսների այբուբեն»
Արկածային այս գիրքը վերլուծում է մարդու և ֆինանսների փոխհարաբերությունները։ Հերոսների օրինակով հեղինակը սովորեցնում է խնայել և քայլ առ քայլ վերլուծում է երազանքին հասնելու բանաձևը։ Գրքում քննարկվում է մեկ կարևոր թեմա ևս. ինչպե՞ս թույլ չտալ, որ փողը փչացնի մարդուն։
Գիրքը հիմնականում նախատեսված է տարրական և միջին դասարաններում սովորող երեխաների համար, սակայն մեծերի համար ևս գիտելիքների լավ աղբյուր է։

📗Ջերի Բեյլի, Ֆելիցիա Լո «Քո փողերը»
Այս գրքից դեռահասները կարող են սովորել՝ ինչպես լինել ֆինանսապես անկախ, ինչու են վտանգավոր մոլախաղերը և նման կասկածելի աղբյուր ունեցող եկամուտները, ինչպես հասնել նպատակին և ինչպես հետագայում սեփական բիզնես սկսել։ Գիրքը կօգնի խուսափել պարտքերից և պաշտպանվել զեղծարարներից, իսկ գրքի վերջում ֆինանսական բառարան կա, որը կօգնի ցանկացած պահի թարմացնել գիտելիքները։
Խորհուրդ է տրվում միջին դասարաններում սովորող երեխաներին։

📗Եվգենիա Բլիսկավկա «Երեխաները և փողը․ ընտանեկան ինքնուսույց երեխաների համար»
Եթե չգիտես՝ ինչպես սկսել երեխաների 👦 հետ զրույց ֆինանսական թեմայով, ապա այս գիրքը քեզ համար է։ Այն սկսվում է պարզագույն հարցադրումներով և սովորեցնում հաշվարկել բյուջեն, համեմատել տարբեր ապրանքների գները՝ առաջնահերթությունները տարբերակելու համար։ Գրքի օրինակներով երեխան կհասկանա, թե արդյոք արդարացված է այս կամ այն ծախսը։ Ամեն թեմա ունի համապատասխան վարժություն:
Այս գիրքը նախատեսված է 5 և ավելի բարձր տարիքի երեխաների համար։

📗Իգոր Լիպսից «Զարմանալի արկածներ Տնտեսագիտություն երկրում»
Տնտեսագիտական գիտությունների դոկտոր Իգոր Լիպսիցն իր այս գրքում պատմում է Տնտեսագիտություն անունով երկրի և դրա օրենքների մասին։ Հեղինակը երբեմն խոսում է ոչ այնքան մանկական թեմաներից, օրինակ՝ ինչպես է տնտեսագիտությունն ազդում համաշխարհային իրադարձությունների վրա։ Գիրքը ոչ միայն երեխաների, այլև մեծերի համար է։

📗Ռոբերտ Կիյոսակի «Հարուստ հայրիկ, աղքատ հայրիկ» դեռահասների համար
Ի սկզբանե գիրքը մեծերի համար էր, բայց բեսթսելլեր դառնալուց հետո հեղինակը որոշեց այն հասանելի դարձնել ավելի լայն լսարանի։ Գիրքը մոտիվացնում է դեռահասներին հնարավորինս շուտ սկսել ֆինանսական որոշումներ կայացնել, սահմանել հստակ նպատակներ և մտածել ապագայի մասին։ Գիրքը դեռահասներին օգնում է ընդարձակել ֆինանսական աշխարհայացքը և մտածել ստանդարտներից դուրս։

Հույս ունենք, որ հավանեցիր նյութն, իսկ մեր առաջարկած գրքերն օգտակար կլինեն քո երեխաներին:😇

👉 «Հարուստ մարդիկ մտածում են` «Ես եմ ստեղծում իմ կյանքը»։ Աղքատ մարդիկ մտածում են՝ «Կյանքն ուղղակի անցնում է»

Հարվ Էքերի «Միլիոնատիրոջ մտքի գաղտնիքները․ հարստության ներքին խաղի յուրացումը» գիրքը նվիրված է մտքի 🧠 «հարուստ» կառուցվածքին: Հեղինակը հանգում է այն եզրակացության, որ ֆինանսական անկախությունը սկսվում է ճիշտ մտածելակերպ ունենալուց։ Հեղինակն ասում է, որ հարուստ մարդիկ պարզապես ձեռքերը ծալած չեն նստում, այլ իրենք են մոդելավորում իրենց կյանքը։

👉

«Քո ակտիվները քո աշխատակիցներն են։ Ավելի շատ մոտիվացրոˊւ նրանց, որոնք լավ են աշխատում, բա՛ց թող նրանց, որոնք իրենց չեն արդարացնում»

Մ․ Արորայի «Առնետների մրցավազքից՝ ֆինանսական անկախություն» գրքում խոսվում է փողի հետ հարաբերությունների մասին։ 🪙 Հեղինակը կոչ է անում ստիպել փողին աշխատել այնքան քրտնաջան, ինչքան վաստակողը։ Գիրքն ուղղորդում է խնայողական հաշվին գումար կուտակելու փոխարեն ներդրումներ կատարել բարձր եկամուտ ապահովող ոլորտներում և տնօրինել փողերը, ինչպես ղեկավար։

👉

«Գումարը երևույթ է, որի համար մենք նախընտրում ենք վաճառել մեր կյանքի էներգիան»

Այսպես է բնութագրում գումարը Վիքի Ռոբինն իր «Քո կյանքը կամ քո գումարը» գրքում։
Պատահում է, չէ՞, որ, աշխատավայրում նստած, երազում ես լինել ընտանիքիդ հետ։ Գումար վաստակելու համար մենք վատնում ենք մեր կյանքի ռեսուրսը, որը կցանկանայինք այլ բանի համար օգտագործել։ Խնայելով և հասնելով ֆինանսական անկախության՝ կարելի է ապրել այնպես, ինչպես ուզում ես, այլ ոչ այնպես, ինչպես կարող ես։

👉

«Հարստության գաղտնիքը պարզ է։ Գտի՛ր մյուսների համար ավելին անելու ճանապարհ։ Դարձի՛ր ավելի արժեքավոր։ Արա՛ ավելին։ Տո՛ւր ավելին։ Եղի՛ր ավելին։ Մատուցի՛ր ավելին»

Ֆինանսապես անկախ լինել նշանակում է շարունակ ընդարձակվել՝ չսահմանափակվելով ունեցածով։ Թոնի Ռոբբինսի «7 պարզ քայլ դեպի ֆինանսական անկախություն» գրքից մեջբերումը հուշում է. ֆինանսապես անկախ դառնալու համար պետք է անել ավելին և՛ քեզ, և՛ շրջապատի համար։

👉 «Հարուստ լինելը շատ գումար ու շատ ժամանակ ունենալն է»

Ըստ Մարգարետ Բոնաննոյի՝ գումարը ֆինանսական անկախության անբաժանելի մասն է, բայց այն պարզապես միջոց է կյանքն ապրելու համար։ Միշտ կարելի է ավելի շատ գումար վաստակել, սակայն ժամանակ վաստակելն անհնար է։ Ֆինանսական անկախության հասնելու ճանապարհին այս 2 կարևորագույն երևույթների ճիշտ տարբերակումը անհրաժեշտ քայլերից մեկն է։

👉 «Հարուստ լինելու համար պետք է քնած ժամանակ էլ վաստակել»

Դեյվիդ Բեյլին կարծում է, որ ֆինանսական անկախության հասնելու համար օրական 8 ժամ աշխատելով չի կարելի սահմանափակվել։ Սա ենթադրում է ներդրումներ ու խնայողություններ կատարել, գտնել եկամուտի պասիվ ճանապարհներ։

👉 «Ռիսկն առաջանում է, երբ չգիտես՝ ինչ ես անում»

Մեր արած գրեթե ամեն բան ռիսկ է պարունակում։ Ուորեն Բաֆեթի խոսքերը ազդակ են այն մասին, որ ներդրումներ կատարելը կարող է ռիսկային թվալ, սակայն երբ գիտես՝ ինչպես է շուկան աշխատում, ավելի վստահ կարող ես հասնել ֆինանսական անկախության։

👉 «Իսկ եթե»-ներից ազատ լինելը ֆինանսական անկախության մեծ մաս է»

Սուզե Օրմանը հավատացած է, որ ֆինանսական անկախության հասնելու համար պետք է մտքի խաղաղություն։ Նա կոչ է անում ազատվել կյանքի «իսկ եթե»-ներից։

👉 «Ֆինանսական անկախությունը վախից անկախ լինելն է»

Վախը մեզ կարող է սպառել և հետ պահել առաջխաղացումից։ Ռոբերտ Կիյոսակին խորհուրդ է տալիս ֆինանսական անկախություն ունենալու համար հաղթահարել վախերը։

👉 «

Աղքատ

չէ

այն

մարդը

,

ում

ունեցվածքը

քիչ

է

,

այլ

այն

մարդը

,

ով

ուզում

է

ավելին

Սենեկան նկատում է, որ հարուստ մարդիկ հիմնականում ասոցացվում են լավ տների և մեքենաների հետ, սակայն դա պարտադիր պայման չէ հարուստ համարվելու համար։ Իրականում, երբ անընդհատ ուզում ենք ավելին, մնում ենք աղքատության անվերջ շրջանի մեջ։ Բավարարվելով և երախտապարտ լինելով ունեցածի համար՝ կարելի է կյանքը ստեղծել առավել կարևոր արժեքների շուրջ։

🖋️ Շահաբաժին (Dividend) - Բաժնետիրական ընկերության շահույթի բաշխումն է բաժնետերերի միջև գումարի կամ բաժնետոմսերի տեսքով: 🪙 Շահաբաժին վճարելը ընկերության պարտավորությունը չէ, և կախված ֆինանսական արդյունքներից` վերջինս որոշում է կայացնում շահաբաժինները վճարելու կամ չվճարելու մասին:

🖋️Արտոնյալ բաժնետոմս (Preferred share) - Բաժնետոմսի տեսակ, որի սեփականատերերը, ի տարբերություն սովորական բաժնետոմսերի, չունեն ընկերության կառավարմանը մասնակցելու իրավունք, սակայն այս բաժնետոմսերի դիմաց ընկերությունը պարտավոր է միշտ շահաբաժին վճարել:

🖋️Անվանական արժեք (Nominal value) – Արժեթղթի (պարտատոմսի) արժեքն է թողարկման պահին, և այն գումարը, որը պարտատոմսի սեփականատերը ստանալու է պարտատոմսի մարման ժամանակ: 📜 Բորսայում պարտատոմսի գինը կարող է տարբերվել իր անվանական արժեքից:

🖋️Արժեկտրոն (Coupon) - Նախապես սահմանված տոկոսագումար, որը հաշվարկվում է պարտատոմսի անվանական արժեքի վրա և վճարվում պարտատոմսի տիրոջը որոշակի, նախապես սահմանված պարբերականությամբ:
Մինչև մարում եկամտաբերութուն (YTM, Yield to Maturity) - ներդրողի փաստացի եկամտաբերությունն է, եթե նա ձեռք բերի պարտատոմսը տվյալ պահին ձևավորված շուկայական գնով, պահի մինչև մարումը և վերաներդնի ստացված արժեկտրոնները։

🖋️Ներդրումային պորտֆել (Investment Portfolio) - Տարբեր արժեթղթերից` բաժնետոմսերից, պարտատոմսերից և ֆինանսական այլ գործիքներից կազմված պորտֆել, որը հնարավորություն կտա տրված ռիսկի պայմաններում ապահովելու ավելի բարձր եկամուտ, քան առանձին արժեթղթերը:

🖋️Դիվերսիֆիկացիա (Diversification) - ռիսկերը նվազեցնելու միջոց, երբ գումարը ոչ թե ամբողջությամբ ներդրվում է մեկ արժեթղթի մեջ, այլ բաշվում է տարբեր արժեթղթերի մեջ՝ դրանով իսկ խուսափելով միայն մեկ ընկերության ռիսկը կրելուց:

Շուկայական պատվեր (Market order)- Արժեթղթերով գործարք կատարելու պատվերի տեսակ, երբ գործարքը կատարվում է պատվերը տալու պահին բորսայում ձևավորված գնով:

🖋️Լիմիտային պատվեր (Limit order) - Արժեթղթերով գործարք կատարելու պատվերի տեսակ, երբ սահմանվում է լիմիտային գին. գնման պատվերի դեպքում արժեթուղթն ավելի բարձր գնով չի գնվում, իսկ վաճառքի պատվերի դեպքում` ավելի ցածր գնով չի վաճառվում։

🖋️Ֆինանսական ինդեքս (Financial index) - թվային ցուցանիշ է, որն արտացոլում է ակտիվների խմբի գները մեկ թվով: Ավելի պարզ ասած՝ հիմնվելով տարբեր չափորոշիչների և մեթոդաբանության վրա ինդեքսը մեկ թվային արժեքով ներկայացնում է մեծ թվով ակտիվների արժեքը և թույլ տալիս հետևել ակտիվների գնի շարժին։ Ֆինանսական ինդեքսներ են, օրինակ, բոլորիս հայտնի S&P500, Nasdaq, Dow Jones, Russel և այլ ինդեքսներ:
Հիմա արդեն մենք նույն լեզվով ենք խոսում ու հասկանալու ենք իրար կես բառից:

Եթե սկսնակ ներդրող ես, ներդրումային գործիքներին կարող ես ծանոթանալ մեր YouTube-յան հայալեզու վլոգում:
Telegram-ի մեր ներդրումային բլոգը ներդրումային ոլորտի նորությունների, գործիքների, ներդրումային հնարավորությունների մասին է:

Իսկ այստեղ մեր հաճախորդները բացում են բրոքերային հաշիվ օնլայն` առանց բանկ գալու, ընդամենը հինգ րոպեում` ameria.me/myinvest

Կարծես թե ոչինչ չմոռացանք: Հարցերի դեպքում առաջարկում ենք գրել կամ զանգահարել մեզ՝ +37410513169, +37410513170 brokerage@ameriabank.am