TABIATGA MEHR BERINGBugun tabiatni muhofaza qilish har qachongidan-da muhim ahamiyat kasb etmoqda. Negaki, yillar davomida yig‘ilib qolgan ekologik muammolar endilikda o‘zining salbiy natijasini namoyon qilmoqda. Shu bois atrof-muhitni asrab avaylash, uning boyliklaridan, ne’matlaridan oqilona foydalanish, xususan, yer, suv hamda havoni ifloslanishdan saqlash har bir yurtdoshimizning vijdon amriga aylanmog‘i lozim
Viloyat ekologiya, atrof-muhitni muhofaza qilish va iqlim o‘zgarishi boshqarmasining Qo‘rg‘ontepa bo‘limi xodimlari bugun joylardagi mehnat jamoalari, o‘quv yurtlari, mahallalarda tashkil etayotgan targ‘ibot tadbirlarida bu xususda atroflicha ma’lumot berishmoqda. Xususan, sohaga doir qabul qilangan qonunlar, farmon va qarorlarning tub mohiyati, maqsad va vazifalariga alohida urg‘u berilyapti. Negaki, ekologik muammolar yechimida aholining huquqiy va ekologik madaniyatini oshirish asosiy omil hisoblanadi.
Ta’kidlash joizki, o‘tgan yilda tumandagi ayrim sanoat, ishlab chiqarish korxonalarida ekologik vaziyat barqarorligini ta’minlash borasida amaliy tadbirlar bajarildi. Xususan, O‘zbekiston Respublikasi Prezidentining 2022 yil 28 yanvardagi “2022 – 2026 yillarga mo‘ljallangan Yangi O‘zbekistonning taraqqiyot stretegiyasi to‘g‘risida”gi farmoni bilan tasdiqlangan Davlat dasturining tegishli bandiga ko‘ra
“Khantex oil ” mas’uliyati cheklangan jamiyatida zamonaviy oqova suv tozalash inshootlari qurilib ishga tushirildi. “Andijon suv ta’minoti” mas’uliyati cheklangan jamiyati Qo‘rg‘ontepa tumani filiali tomonidan suv tozalash inshootlarini modernizatsiya qilish hisobiga 212,4m3 oqova suvlari tozalanishiga erishildi.
davomi⏬⏬⏬