Anvar Baxtiyorov

Oxirgi kunlar ikki yil oldingi Anvardagi energiya va ishga bo’lgan xohishni his qilyapman.

Tez kunda…

Agar bu narsaga e'tibor bermasangiz, katta sotuvlarni unuting.🙅‍♂️

Sizga savol?

Biznesda eng muhim narsa nima? Aynan nima biznesni muvaffaqiyatli qiladi? Nimaga e'tibor bersangiz, sotuvlaringiz oshadi?

- "Barcha biznes egalari, marketolog, prodyuser va sotuvchilar shu savolga javob qidirishlari kerak" deb o'ylayman.

Chunki bu muhim narsa, jarayonga qarab barcha uchun xar xil narsa bo'ladi.

Biznesda 3 ta eng muhim narsa bor.

Bular produkt, marketing va sotuv.

Biznes endi boshlanganda - barchani diqqat-e'tibori marketing va sotuvda bo'ladi. Hamma qanday qilib $1 marketingga pul sarflab, evaziga $2, $3, $5 va $10 daromad qilishni xohlaydi.

VA BU TABIIY HOLAT.

Bu sohada 4 yildan beri ishlayotgan bo'lsam...

Birinchi 2 yil davomida, o'qigan kitoblarim, ko'rgan darslarim hammasi - marketing va sotuv haqida bo'lgan.

Produktning qanchalik muhim ekanligini tushunmaganman.

Lekin hozir bir narsani aniq bilaman. O'z mahsuloti ustida ishlamagan, unga e'tibor bermagan bizneslar bir kun kelib yo'q bo'lib ketadi.

- Xulosa:

"Siz 2 yil davomida kuchli mahsulot yaratish ustida ishlashingiz mumkin va mijozlaringizni o'zi - uni bir umr reklama qiladi.

Yoki siz 2 oy o'rtacha produkt ustida ishlashingiz mumkin va umringizni oxirigacha - uni qiynalib sotishga harakat qilasiz.

Sizni mahsulotingiz - aslida bu eng kuchli marketing."

Kecha Qo’qonga keldim.

Bir muhim ishim bor edi. Lekin keyinga surildi.

Shuning uchun bugun kun bo’yi uyda bo’ldim.

Ota-onam va qarindoshlar davrasida suhbatlashib o’tirdik. Yoshlik paytimizdagi voqealarni esladik.

Dadam bilan playstation o’ynadik. Keyin esa shashka. Bir marta man yutdim. Bir marta dadam.

Oldinlari ham har kuni dadam bilan shashka o’ynardik. Man yutmaganumcha soatlab qayta-qayta o’ynayverardik. Esimda, oxiri o’zlari ataylab yutkazib berardilar.

Shuning uchun juda ham sog’ingan ekanman. Mazza qildim. Ajoyib xotiralarni esladim.

Ishdagi, hayotdagi barcha muammolarni bir muddatga unutganimni sezdim.

Shunaqa gaplar.

Olimlarning aniqlashicha, insonlar kun davomida qiladigan 90-95% ishlarini uning odatlari asosida bajarar ekan.

Tasavvur qiling siz 100 yil yashaysiz. Demak 90-95 yil umringiz, sizning odatlaringiz asosida o'tadi.

Shu yerda savol tug'iladi.

- Sizni nima boshqaradi?

Sizning maqsad va rejalaringizmi?

Yoki sizning odatlaringizmi?

Javobi aniq.

@anvar_bakhtiyorov

Odatda bir necha haftalab "ishim ko'p, hech narsaga ulgurmayapman" deb vazifalarni kechiktirib yuramiz.

Aslida esa, oddiy rejalashtirish va bir necha soatlik fokus bilan ishlash orqali juda ko'p haftalik qolib ketgan vazifalarni bajarish mumkin.

Rejalashtirish va fokus.

@anvar_bakhtiyorov

Muammolardan xursand bo'ling.

Ko'pchilik insonlar kattaroq qiyinchilik yoki qandaydir muammo paydo bo'lsa, stress va tushkunlikka tushishni boshlashadi.

Yechimini qidirish o'rniga, muammoni borgan sari kattalashtiradi va miyadagi fikrlash tartibsiz bo'lishni boshlaydi.

Lekin bundan bir necha yil oldin bir narsani tushunganman.

Katta pul topadigan boy insonlar - asosiy bir ishni qilganliklari uchun katta pul topishadi.

Bu nima bilasizmi?

Muammolarni hal qilish. Qancha katta muammoni hal qilsak - shuncha katta pul topamiz.

Shuning uchun, har doim ishimda yangi biror qiyinchilik yoki muammo paydo bo'lsa, xursand bo'laman.

Demak, o'sish vaqti kelgan bo'ladi.

Sizga ham tavsiyam. Muammo va qiyinchiliklardan qochmang. Ularga yechim topishni o'rganing.

Shunda borgan sari har tamonlama rivojlanasiz.

@anvar_bakhtiyorov

Masshtab.

Oxirgi 3 kun davomida o’quvchilarimiz uchun 5 soatdan praktikum o’tkazdim.

Jonli tarzda. 50 dan ortiq o’quvchilar bir zalda. Bu 3 kun hech qachon esimdan chiqmasa kerak.

O’quvchilaringiz sizni qarsak bilan kutib olishi, sizga savollar berishi, siz bilan rasmga tushishi va o’rgatganlaringiz ularga qanchalik foydali bo’lgani haqida soatlab gapirishi.

Bu juda yoqimli bo’lar ekan.

Xullas, Masshtab universitetimiz - birinchi o’quvchilarini qabul qildi.

Masshtab bu online kurs.

Lekin uni uch kunlik offline prakatikum bilan boshladim.

Bunga asosiy bir sabab bor.

Agar qiziq bo’lsa, 🔥 qoldiring. Biror kun aytib beraman.

Katta baliqlar kichik baliqlarni yeydigan vaqt tugadi.

Endi tez baliq, sekin baliqni yeydi.

Pul tezlikni yoqtiradi.

@anvar_bakhtiyorov

100 qoidasi haqida eshitganmisiz?

Agar istalgan inson yiliga 100 soat, bu kuniga taxminan 18 daqiqa bir ish bilan doimiy shug'ullansa...

Farqi yo'q bu - sotuv, marketing, biznes, sport istalgan yo'nalish bo'lishi mumkin.

Agar kuniga 18 daqiqa shu ish bilan shug'ullansangiz, bir yil ichida siz shu sohada dunyodagi 95% insonlardan tajribali bo'lasiz.

Eng muhimi doimiy shu ish bilan shug'ullanish.

@anvar_bakhtiyorov

Dunyodagi millioner va milliarderlarning 80% qismi bu - birinchi avlod, ya'ni o'zini kuchi bilan shu darajaga chiqgan.

Qolgan 20% qismiga esa boylik avlodda avlodga ya'ni meros bo'lib qolgan.

Mana shu millionerlardan "Qanday qilib qisqa muddatda bunday katta moliyaviy muvaffaqiyatga erishgansiz" deb so'rashganida…

Ular "Biz kitob o'qiymiz" deb javob berishgan.

Qancha kitob?

Yiliga 50 ta kitob. Bu haftasiga bitta kitob degani.

E'tibor bering. Millionerlar haftasiga 1 ta kitob o'qishyapti.

Bu nimani anglatadi:

O'qish bilan daromad topish o'rtasida bog'liqlik bor.

Ko'proq o'qing. Ko'proq daromad qiling.

@anvar_bakhtiyorov

Qaror qabul qilish kuchi.

Manimcha, hozirgi kunda ko’pchiligimizga yetishmayotgan narsa - bu aynan qaror qabul qilish kuchi.

Bu nima degani? Misol uchun...

"Bugundan har kuni kitob o'qishni boshlayman" deb o'zingizga va'da berasiz. Ya'ni kitob o'qiyman deb qaror qabul qilasiz. Lekin o'qimaysiz.

"Yomon odatlarni to'xtataman" deb qaror qabul qilasiz. Lekin to'xtatmaysiz.

"Ertaga 5 da turaman" deb qaror qabul qilasiz. Lekin turmaysiz.

Nega? Chunki qaror qabul qilish kuchi juda kam.

Bir ko'pchilikka tanish akamiz, ham ustozimizni gaplari bor. Manga hozirgi kunda doim yordam beradi.

- Agar san o'zingni qarorlaringni o’zing hurmat qilmasang, nima uchun boshqalar yoki jamiyat sani qarorlaringni hurmat qilishi kerak?

Shuning uchun birinchi navbatda o'zimizni qarorlarimizni, o'zimiz hurmat qilishni boshlashimiz kerak.

@anvar_bakhtiyorov

2023. Yil sarhisobi.

Bu yil hayotimdagi eng esda qolarlik yil bo’ldi. Har tamonlama bilim, daromad, networking, fikrlash va dunyoqarashda juda katta o’sish bo’ldi.

Davron aka, ustozim bilan juda katta natijalar qildik deb o’ylayman.

Bu yil 5 ta produktning ustida birga ishladik. O’quvchilarga natija berish va ularning hayotini ozgina bo’lsa ham o’zgartirish uchun qo’limizda kelgancha harakat qildik.

Umumiy hisobda 7000+ o’quvchilar ta’lim olishdi.

Gulora opa bilan IELTS va ingliz tili bo’yicha kurs zapuskini qildik. 600 ga yaqin o’quvchi ta’lim olishdi.

Bundan tashqari o’zimning infobiznes bo’yicha mentorlik kursimni boshladim. 15 ta o’quvchi ta’lim olishdi. Va har bir o’quvchi o’zining zapuskini o’tkazdi.

Natijalarni ko’rsatishga hali vaqt bo’lmadi. Lekin juda katta natijalar bor. Albatta keyingi postlarda ko’rsataman.

Bu yil birinchi marta o’zimga mashina sotib oldim.

Sayohat qilishni boshladim.

Oldinlari kurslarida o’qishni orzu qilgan chet eldagi mentorlarimning kurslarida o’qishni boshladim.

Xullas, ajoyib yil bo’ldi.

Yil davomida mani kuzatib kelgan va birga bo’lgan hammaga rahmat!!!

2024-yil uchun hali ham maqsadlar yozyapman. Xudo xohlasa, bu yil ham jamoa bilan birga insonlarga foyda va qiymat beradigan loyihalar ustida ishlaymiz.

Chunki…

Berayotgan qiymatingiz = topayotgan daromadingiz.

Yangi yilingiz bilan!!!

Anvar Baxtiyorov

Anchadan beri kanalga post yozmadim. Lekin endi ushbu kanalni aktiv yuritishni boshlayman.

Bilaman, bu kanalda o'zini ustida doim ishlaydigan va fikrlaydigan auditoriya yig'ilgan.

Shu sababli bu kanalni, o'zim uchun kundalik sifatida foydalanaman.

Qiziqarli bo'lishga yoki diqqatni tortishga harakat qilmasdan, o'z fikr va bilimlarimni yozib boraman.

Biznes, marketing, sotuv va shaxsiy rivojlanish haqida ko'proq gaplashamiz.

Hozir yoshim 22 da.

18 yoshimda hozirgi holatimga kelishimni tasavvur ham qilmagandim.

Ko'p narsani bildim, ko'p narsani o'rgandim. Va yana tushundimki, hali ko'radigan va o'rganadigan bilim, tajriba va qiyinchiliklarim ko'p.

Ishonchim komil - pul, biznes, marketing va sotuvdagi fikrlarim kimningdir yillab vaqtini tejashga hamda rivojlanishiga yordam beradi.

Lekin muammo shundaki, o'zim uchun doimiy tarzda hech qachon telegram kanal yuritmaganman. Doimiylik esa bu juda qiyin.

Shuning uchun postlarda sizlarning reaksiya va fikrlarlaringizni kutib qolaman.

Bu yilgi birinchi postni 2023-yil sarhisobi bilan boshlaymiz. Ketdik!👇

Anvar Baxtiyorov