Shahnoza_Olimovna

O’zim bilmay

Sog’inmayman, degandim bir kun,
Sog’inmayman, degandim har kun.
Ontim buzib qo’ydim-ku bugun,
O’zim bilmay sog’inib qo’ydim.

Goho oshkor, goho yashirin,
Sog’inch toti bunchalar shirin.
Avvallari anglamay sirin,
O’zim sezmay sog’inib qo’ydim.

Yuragimga sanchilib hijron,
Hayolimda bo’ldi namoyon.
Ko’rgim kelib ketdi shu zamon,
O’zim bilmay sog’inib qo’ydim.

O’tgan yillar tushmi, ro’yomi,
Shirin hayot va yo hayolmi,
Uzoqdagi bir bevafoni
O’zim sezmay sog’inib qo’ydim.

@baxtiniso

Notanish qiz kundaligidan
ILTIJO
Hayot! Sendan hali umidlarim ko'p
Ollohim kirgizma ko'zimga xas-cho'p
Yashayin eng baxtli dilbanding bo'lib
Ollohim yosh jonim erta olmagin!

Do'stlar davrasida davron surayin
Onam uchun loyiq farzand bo'layin
Bir kun oq libosda oyday to'layin
Ollohim yosh jonim erta olmagin!

Hali to'yolmadim hayot mehriga
Bir bor kirolmadim sevgi shahriga
Sevib sodiq bo'lay yorim ahdiga
Ollohim ungacha jonim olmagin!

Mayli xiyonatlar tutsin qo'limdan
Turfa dard alamlar chiqsin yo'limdan
Baxtni baxtli bo'lib tuyay umrimda
O'tinchim yosh jonim erta olmagin!!!
Shahnoza Olimovna
@artofpoetry

Haqiqat

Tun bo'yi yig'ladim, qalbim o'ksindi
Huvillagan ko'nglim muzladi tamom
O'zgardim! mehribon qizcha yo'q endi
Birovdan mehrni kutmam hech zamon

Mehrning bahosin oltinga chaqib
Shirin so'zlarini qizg'onganlar bor
Yuziga do'stlikning niqobin ta'qib
Shaytonning qo'lini uzatganlar bor

Baridan charchadi xasta yuragim
Kecha barchasiga aytdim ALVIDO
Yorning jafosiyu, do'stning vafosi
Qilishga arzimas umrimni fido

Barchasi bir kelib ketadi yana
Kamiga yuragim ezib tilkalab
Men uchun yorim ham do'stim bu ona
Jahl qilsam boshim silar erkalab

U mendan charchamas, zerikmas aslo
Har bir aytgan so'zim yangi bir kitob
Onamdir dunyoda men uchun tanho
U menga zulmatda bo'ladi oftob

Ey inson! Agarda imkoning bo'lsa
Onang uchun yasha, Onam deb yasha
O'lganda qabriga gullar ekkuncha
Tirigida poyiga guldasta to'sha

Yoring ham do'sting ham teng kela olmas
Jannating davlating Onangni asra
Dunyo tashvishlarin sochin oqida
Yig'lashingdan oldin shularni esla!!!

Shahnoza Olimovna
@artofpoetry

Kechiring
Qaniydi buyurib bo'lsaydi qalbga
Sizni sevish qanday gunohligini
Sevib qolganimni buyurmang aybga
Bilmasdim sevgining azobligini

Sog'inchdan sarg'ayib otdi tonglarim
Shirin suhbatlarni kutdim orziqib
Bugun ayriliqda yuragim yarim
Balki siz kularsiz bularni o'qib

Beg'ubor hislarim qilishar isyon
Qani yuragimga U day yaqinim
Sog'inib kutyapman sog'inib hamon
Bugun muhabbatim qalbimga g'anim

Endi ostonamda hijron o'lanchi
Sog'inchning nolasi meni allalar
Aslida sevgan ham kuygan men axir
Sevgim bir sog'inchli kunlarim bilar....

Shahnoza Olimovna ijodidan
@artofpoetry

МЕН КИМГА СУЯНГУМ

Бир кун савол берди ёшгина углон:
- Нечун Аллохим деб йиглайсиз нолон.
Дедим, жавобимдан булмагин хайрон,
Мен кимга суянгум Аллохдан бошка.

Тинимсиз алдаса мухит, маконинг,
Тортса оёгингдан дусту ёронинг.
Шундай утар булса хар зум, хар онинг,
Мен кимга суянгум Аллохдан бошка.

Ношукур эмасман дунёда гарчанд,
Кайдадир менга хам бор балки дилбанд.
Ва лекин тириклай куйдирса фарзанд,
Мен кимга суянгум Аллохдан бошка.

Инсофу ишонч хам ширин суз бари,
Тириклик тошкиндир ёки купкари.
То хаёт экансан кочгайдир нари,
Мен кимга суянгум Аллохдан бошка.

Шунчалар каж эрур дунёи гардун,
Ундан диёнатни ахтармок нечун.
Падар шод уз углин багрин этса хун,
Мен кимга суянгум Аллохдан бошка.

Мингта куз пойлайди битта жонингни,
Жонингмас, мартабанг, балки шонингни.
Ут куймай ёкарлар хонумонингни,
Мен кимга суянгум Аллохдан бошка.

Бу кухна дунёда яшадим нега,
Яйдок от мисоли булдим беэга.
Маломат килурман, оломон, сенга:
Мен кимга суянгум Аллохдан бошка.

Мендан ранжимасин булса дуст агар,
Балки уларнинг хам дилида кадар.
Хойнахой мендайлар дегай мукаррар:
Мен кимга суянгум Аллохдан бошка.

Умр хам охирлаб бормокда секин,
Энди саргаймокда мен эккан экин.
Майли, сен узингга суянгил, лекин,
Мен кимга суянгум Аллохдан бошка.

А.ОРИПОВ
@SherlarCom