Введите текст для поиска
Расширенный поиск каналов

TGStat Academy | Большой урок

Бесплатный открытый урок по трафику в Telegram!
img
реклама

3 урока по Telegram бесплатно

TGStat Academy создали бесплатный мини-курс для всех!
img
реклама

Прямой эфир по Таро. Любые вопросы

Каждый четверг в 12 дня по Мск, отвечаю на любые темы
img
реклама

«Азаттык» радиосу

@Azattyk_radiosu
Гео и язык канала: Весь мир, Русский
Категория: Новости и СМИ

«Азаттык» радиосунун кызыктуу маалыматтарын окуңуз.
Кайрылуулар үчүн: @azattyk_elunu +996550988755
Орусча канал: @azattykrus

Связанные каналы  |  Похожие каналы
Гео и язык канала
Весь мир, Русский
Категория
Новости и СМИ
Статистика
Это ваш канал? Подтвердить История канала
Фильтр публикаций

«Азаттык» радиосу

21 Nov, 11:23

Открыть в Telegram Поделиться Пожаловаться
❗️Сот троллейбус зымдарын бузууну токтотууну чечим кылды

Бишкектин Административдик соту борбор калаадагы троллейбус зымдарын бузууну токтотуу чечимин кабыл алды. 21-ноябрда аталган сот экологиялык активисттердин Бишкек шаардык кеңешинин 29-августтагы токтомун жокко чыгаруу өтүнүчүн карап, аны канааттандырды.

Активисттер мэрия шаар кеңешинин чечими менен эле шаардын басымдуу жолдорунда троллейбус зымдары алынып, аларды электр кубаты менен камсыздаган подстанциялар да бузулуп калганын белгилешүүдө.

Бишкек шаардык мэриясы сот чечими боюнча комментарий бере элек.

@azattyk_radiosu
Сот троллейбус зымдарын бузууну токтотууну чечим кылды
Бишкектин Административдик соту борбор калаадагы троллейбус зымдарын бузууну токтотуу чечимин кабыл алды. 21-ноябрда аталган сот экологиялык активисттердин Бишкек шаардык кеңешинин 29-августтагы токтомун жокко чыгаруу өтүнүчүн карап, аны канааттандырды. Активисттер мэрия шаар кеңешинин...
178 0 0 5
«Азаттык» радиосу

21 Nov, 08:44

Открыть в Telegram Поделиться Пожаловаться
Ноокат: Милиция бөлүмүнүн башчысына байланыштуу видео териштирилип жатат

Ош облусундагы Ноокат районунун Көк-Жар аймактык милиция бөлүмүнүн башчысы Тимур Абдисатар уулунун иш бөлмөсүндө тартылган делген видео боюнча ички иликтөө башталды. Бул тууралуу “Азаттыкка” Ош облустук милициясынын басма сөз катчысы Таалай Байтиков билдирди.

20-ноябрда социалдык тармактарда жарандык кийимчен Тимур Абдисатар уулуна окшош адамга милициянын формасын кийген адамдар акча берип жатканы тартылган видеолор жарыяланган. Бул тасма боюнча Тимур Абдисатар уулу түшүндүрмө бере элек.

Ноокат районунун Көк-Жар аймактык милиция бөлүмүнүн 10дон ашык кызматкери жакында эле өлкө бийлигине кайрылуу жолдоп, райондук милициянын жетекчиси Талгат Өскөналиевге каршы даттанышкан.

@azattyk_radiosu
384 0 1 5
«Азаттык» радиосу

21 Nov, 07:08

Открыть в Telegram Поделиться Пожаловаться
Бишкекте 10 айда мопед, скутер аралашкан жол кырсыгынан 10 адам каза болду

Бишкек шаарында соңку 10 ай ичинде эки дөңгөлөктүү автоунаа каражаты аралашкан 503 жол кырсыгы катталып, 10 адам каза болуп, 550 адам түрдүү жараат алган.

Бул тууралуу “Азаттыкка” Бишкек шаардык жол коопсуздугун камсыздоо башкармалыгынын басма сөз катчысы Тилек Исаев билдирди.

@azattyk_radiosu
452 0 2 9
«Азаттык» радиосу

20 Nov, 16:25

Открыть в Telegram Поделиться Пожаловаться
Камчыбек Ташиев өзүн жана үй-бүлөсүн "коркуткан" кат алганын билдирди

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 20-ноябрда чукул маалымат жыйынын уюштуруп, өзүн жана үй-бүлөсүнүн коопсуздугуна "коркунуч келтирерин билдирген" кат алганын маалымдады.

Ал журналисттерди кагаз конвертти көрсөтүп, анын ичинде кат жазылган флешка болгонун айтты. Катта белгисиз бирөө анын өзүн жана үй-бүлөсүн өлтүрүү үчүн атайын жалданган баш кесер экенин, ал олигархтардан жана кримтөбөлдөрдөн бул тапшырманы аткаруу үчүн өтө көп каражат алганын, демек, сөзсүз түрдө аягына чыгарарын айтканын билдирди.

"Эгер эртеңки күнү мага же үй-бүлөмө бир нерсе болсо, коомчулук бул алдын ала эскертилгенин билиши керек. Мен өзүмдүн коопсуздук кызматы аркылуу иликтөө жүргүздүм. Президент да бул иликтениши керектигин айтты. Каттын ээси мага шарттарды коюп, аны аткарсам, үй-бүлөм аман каларын жазыптыр. Булардын шартынын бир тарабына менин үй-бүлөм, бир тарабына коопсуздук коюлуптур", -

Ташиев.

Атайын кызматтын төрагасы кат ээлерине кайрылып, алардан коркпой турганын, өлкө үчүн иштерин, Кыргызстанда уюшкан кылмыштуулук, олигархтар болбосун эскертти.

УКМК төрагасынын маалыматына караганда, президентке да эки ирет кол салуу даярдалып, коопсуздук кызматы ага жол берген эмес. Толук окуңуз 👉🏻 https://smarturl.click/0eRdm
Камчыбек Ташиев өзүн жана үй-бүлөсүн "коркуткан" кат алганын билдирди
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 20-ноябрда чукул маалымат жыйынын уюштуруп, өзүн жана үй-бүлөсүнүн коопсуздугуна "коркунуч келтирерин билдирген" кат алганын маалымдады. Ал журналисттерди кагаз конвертти көрсөтүп, анын ичинде кат жазылган...
734 0 1 15 21
«Азаттык» радиосу

20 Nov, 16:15

Открыть в Telegram Поделиться Пожаловаться
Жаңылыктар | 20.11.2024 | Ташиев "коркутуу" катын алганын айтты, Путин өзөктүк доктринаны бекитти
Жаңылыктар | 20.11.2024 | Ташиев "коркутуу" катын алганын айтты, Путин өзөктүк доктринаны бекитти
Парламент бир катар айылдардын тарыхый аттарын кайтаруу боюнча мыйзам долбоорун биринчи окууда колдоду. Бишкектеги төрт райондун аталышын алмаштыруу демилгеси кайрадан көтөрүлдү. Орус президенти Владимир Путин ядролук сокку уруунун сценарийлери кеңейтилген жаңы доктринага кол койду. Өткөн түнү Укр...
677 0 0
«Азаттык» радиосу

20 Nov, 16:12

Открыть в Telegram Поделиться Пожаловаться
Атайын кызматтын төрагасы пара алган элчи камаларын айтты

УКМК төрагасы Камчыбек Ташиев анын атына жамынып пара алган элчи камакка алынарын билдирди.
Бул тууралуу Ташиев айрым маалымат каражаттарынын журналисттери үчүн уюштурган маалымат жыйында билдирди.
Атайын кызматтын төрагасынын маалыматында, аталган элчи бир учурда өзү менен бир партияда мүчө болгон жана ал 250 миң доллар пара алууга шектелип жатат.
Камчыбек Ташиев аталган элчинин аты-жөнүн ачык айткан жок.
Тышкы иштер министрлиги бул тууралуу азырынча маалымат бере элек.
https://smarturl.click/mpVJ0
Атайын кызматтын төрагасы пара алган элчи камаларын айтты
УКМК төрагасы Камчыбек Ташиев анын атына жамынып пара алган элчи камакка алынарын билдирди. Бул тууралуу Ташиев айрым маалымат каражаттарынын журналисттери үчүн уюштурган маалымат жыйында билдирди. Атайын кызматтын төрагасынын маалыматында, аталган элчи бир учурда өзү менен бир партияда мүчө...
707 0 1 6
«Азаттык» радиосу

20 Nov, 14:04

Открыть в Telegram Поделиться Пожаловаться
⚡️УКМК экс-депутат Эмил Жамгырчиевди суракка чакырды

Улуттук коопсуздук боюнча мамлекеттик комитет (УКМК) Жогорку Кеңештин экс-депутаты Эмил Жамгырчиев АКШда жашаган активист Тилекмат Кудайбергенов (Куренов) менен Бириккен Араб Эмираттарындагы жолугушуусу боюнча УКМКга суракка чакырылганын билдирди. Атайын кызмат жолугушуунун себеби такталып жатканын кошумчалады.

Кыргызстандан мажбурланып чыгарылган журналист Болот Темиров 19-ноябрда Фейсбуктагы баракчасына Дубайда Эмил Жамгырчиев менен Тилекмат Кудайбергенов жолугушканын, Эмил Жамгырчиев активист Дубайдан чыга албай калышы үчүн анын паспортун уурдап кеткенин жазган.

@azattyk_radiosu
716 0 0 5
«Азаттык» радиосу

20 Nov, 13:37

Открыть в Telegram Поделиться Пожаловаться
710 0 0
«Азаттык» радиосу

20 Nov, 11:02

Открыть в Telegram Поделиться Пожаловаться
Нааразылыгын ич кийимчен билдирип чыккан ирандык кыз боюнча маалымат берилди

Иран бийлиги нааразылыгын көчөгө ич кийимчен чыгып билдирген студент кызга эч кандай айып тагылбаганын, ал ооруканадан чыкканын билдирди. Сот мекемесинин өкүлү Асгар Жахангир 19-ноябрдагы пресс-конференцияда маалымдагандай, ага каршы кылмыш иши козголгон жок:

"Аны ооруканага жеткирип, илдети бар экенин аныкташкандан кийин үй-бүлөсүнө өткөрүп беришти. Ага кам көрүлүүдө".


Окуяга байланыштуу териштирүү таптакыр токтотулдубу же убактылуубу, сот өкүлү тактап айткан жок.

@azattyk_radiosu
749 0 0 3
«Азаттык» радиосу

20 Nov, 09:51

Открыть в Telegram Поделиться Пожаловаться
УКМК Ташиевге кол салууну пландаган адам кармалганын билдирди

Улуттук коопсуздук боюнча мамлекеттик комитеттин (УКМК) басма сөз кызматы атайын кызматтын төрагасы Камчыбек Ташиевге кол салууну уюштуруу планын иштеп чыккан шектүү кармалганын билдирди.

Атайын кызмат ал “кримчөйрөнүн анабашы” аталган Камчы Көлбаевдин (Камчыбек Асанбек) кылмыштуу тобунун мүчөсү Руслан Дүйшеев экенин, шектүү 16-ноябрда Жалал-Абад облусунун Токтогул районунун аймагынан кармалганын кабарлады.

“Издөөдө жүргөн Руслан Дүйшеев УКМК жетекчилигине кол салууну уюштуруу планын иштеп чыккан”, - деп айтылат маалыматта.

@azattyk_radiosu
УКМК Ташиевге кол салууну пландаган адам кармалганын билдирди
Улуттук коопсуздук боюнча мамлекеттик комитеттин (УКМК) басма сөз кызматы атайын кызматтын төрагасы Камчыбек Ташиевге кол салууну уюштуруу планын иштеп чыккан шектүү кармалганын билдирди. Атайын кызмат ал “кримчөйрөнүн анабашы” аталган Камчы Көлбаевдин (Камчыбек Асанбек) кылмыштуу тобунун...
759 0 0 4 11
«Азаттык» радиосу

20 Nov, 08:41

Открыть в Telegram Поделиться Пожаловаться
Акыры адилеттикке жетермин деп жүргөн Айнагүл Борбиеваны үч жылдан кийин гана Орусиядагы сот күнөөсүз деп тапкан. Мигрант келин эки жылга жакын тергөө абагында отурган.

"Мени сот толугу менен актап, реабилитацияга укук берди. Тагыраагы, эми мен бейкүнөө отурганым үчүн кенемте талап кылып, сотко кайрыла алам. Мени сотко берген адам эмне болгонун деле билбейм. Негизи ишти кайра тергөөгө жиберишкен. Кийинки инстанцияда прокурор биз тарапта болуп, жардам берди".

@azattyk_radiosu

Макаланы толугу менен шилтемеден окуңуз.
"Үч жылдан кийин акталдым". Орусияда камалган Айнагүл 7 млн кенемте сурайт
Новосибирск облустук соту 7 млн рубль акча уурдоого айыпталып, 2,5 жылга соттолгон Айнагүл Борбиеваны актады. Кыргызстандык аял жумушка баратып көчөдөн баштык таап алган. Борбиеваны ал баштыктын ээси уруулукка айыптап, сотко берген. Мигрант келин эки жылдай абакта бейкүнөө отурган.
743 0 0 1 9
«Азаттык» радиосу

20 Nov, 06:41

Открыть в Telegram Поделиться Пожаловаться
Путин Орусиянын жаңыланган өзөктүк доктринасын бекитти

Орусия президенти Владимир Путин 19-ноябрда өлкөнүн өзөктүк доктринасын жаңылоо жана кеңейтүү тууралуу жарлыкка кол койду. Анда өзөктүк курал эгер "аскердик-космостук кол салуу каражаты жапырт старт алганы тууралуу так маалымат" болсо жана эгер ал Орусиянын чек арасынан өтө турган болсо, колдонулушу ыктымал экени белгиленди.

Өзөктүк куралы жок кайсы бир өлкө ошондой куралы бар башка өлкөнүн катышуусу же жардамы менен Орусияга каршы агрессия көрсөтө турган болсо, орус бийлиги муну "алардын биргелешкен кол салуусу" катары карай турганы айтылды. Бирок куралдын мындай түрү ошондой учур жаралса, дароо колдонулабы же жокпу, так жазылган жок.

@azattyk_radiosu
753 0 0 5 13
«Азаттык» радиосу

19 Nov, 19:18

Открыть в Telegram Поделиться Пожаловаться
Футбол: Кыргызстан Иранга 2:3 эсебинде утулду

Кыргызстандын футбол боюнча улуттук курама командасы Дүйнө чемпионатынын тандап алуу оюндарынын 3-раундунун алтынчы турунда Иран курамасын менен беттешип, 2:3 эсебинде утулду.

Оюн 19-ноябрда Бишкектеги Дөлөн Өмүрзаков атындагы борбордук стадиондо өттү.

Кыргызстанга таандык эки голду тең Жоэл Кожо киргизди. Ирандын эсебине жазылган голдор Мехди Тареми, Салех Хардени жана Сердар Азмунга таандык. https://smarturl.click/9zkwG
Футбол: Кыргызстан Иранга 2:3 эсебинде утулду
Кыргызстандын футбол боюнча улуттук курама командасы Дүйнө чемпионатынын тандап алуу оюндарынын 3-раундунун алтынчы турунда Иран курамасын менен беттешип, 2:3 эсебинде утулду. Оюн 19-ноябрда Бишкектеги Дөлөн Өмүрзаков атындагы борбордук стадиондо өттү. Кыргызстанга таандык эки голду тең Жоэл...
830 0 0 3 1
«Азаттык» радиосу

19 Nov, 14:35

Открыть в Telegram Поделиться Пожаловаться
Журналист Адыл Акжол уулунун иши боюнча сот 9-декабрга жылдырылды

Улуттук телерадиоберүү корпорациясынын директорунун мурдагы орун басары, журналист Адыл Акжол уулунун иши боюнча Бишкектин Биринчи май райондук сотунда 19-ноябрга белгиленген отурум жабырлануучулардын бири келбей калгандыктан 9-декабрга жылдырылды. Бул тууралуу “Азаттыкка” анын адвокаты Назик Ажымаматова билдирди.

Ал журналисттин бөгөт чарасын өзгөртүү боюнча өтүнүчүн судья четке кагып, Адыл Акжол уулун 31-декабрга чейин Бишкектеги №1 тергөө абагына камакта калтырганын айтты.

@azattyk_radiosu
850 0 0
«Азаттык» радиосу

19 Nov, 13:53

Открыть в Telegram Поделиться Пожаловаться
‼️Ноокат: Милиция кызматкерлеринин жетекчисине каршы арызы боюнча ИИМде комиссия түзүлдү

Ош облусундагы Ноокат районунун Көк-Жар аймактык милиция бөлүмүнүн башчысы, милициянын майору Тимур Абдисатар уулунун райондук милициянын жетекчиси тууралуу айткандары боюнча Ички иштер министрлигинде комиссия түзүлдү.

Бул тууралуу министрликтин басма сөз кызматы билдирип, айтылган дооматтарды текшерүү үчүн комиссия Ноокат районуна кеткенин кабарлады.

Бул маселе ИИМдин жетекчилигинин көзөмөлүндө экени айтылды.

@azattyk_radiosu
818 0 1 1 10
«Азаттык» радиосу

19 Nov, 13:23

Открыть в Telegram Поделиться Пожаловаться
Жалал-Абад облусуна караштуу Ноокен районунун Бүргөндү айылынын тургуну 47 жаштагы Шерали Насимовду жакындары эки жылдан бери издеп, дайынын таппай келет.

Алардын "Азаттыкка" айтканына караганда, Шерали 2022-жылы сентябрдын аягында Украинадагы согушка катышуу үчүн келишимге кол койгон. Бул учурда ал Орусиянын Армавир шаарында абакта отурган.

Кийинки жолу байланышка чыкканда Ульяновск облусунда машыгуу лагеринде экенин билдирген.

@azattyk_radiosu
"Абактан согушка кеттим деген". Дайынсыз жоголгон Шерали
Орусияда абакта жаткан кыргызстандыктын дайыны эки жылдан бери чыкпай жатат. Акыркы жолу 2022-жылдын аягында жакындарына чалып, Украинага согушка кеткенин айткан экен.
786 0 0 2
«Азаттык» радиосу

19 Nov, 12:45

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Түндүк Кореянын миңдеген аскери Орусия тарапта согушууда

Түндүк Кореядан Орусияга жардамга жиберилген аскерлер Курск облусунда согушка киргени тууралуу АКШнын мамлекеттик департаментинин басма сөз катчысы Ведант Пател маалымдады.

Анын сөзүнө караганда, Орусияга жиберилген он миңден ашуун аскердин басымдуусу Курск облусунун батыш тарабында. Алар "орусиялык аскерлер менен чогуу согушка киришти". Түндүк кореялык жоокерлер Орусиянын аймагында аскердик машыгуудан өтүп, артиллерия, учкучсуз учактарды колдонуу, жөө аскерлерди колдонуу менен согуштук тактикаларды жүргүзүү, окоп тазалоону үйрөнүшкөн.

@azattyk_radiosu
764 0 0 14
«Азаттык» радиосу

19 Nov, 08:42

Открыть в Telegram Поделиться Пожаловаться
Милициянын майору, Ноокаттагы Көк-Жар аймактык милиция бөлүмүнүн башчысы Тимур Абдисатар уулу райондук милициянын жетекчисин басым-кысымга айыптап, кызматкерлерди уставдан тышкары ар түрдүү иштерге жумшап жатканын айтып, кайрылуу жасады.

“Бизге кысым көргөздү моралдык, материалдык да кысым болду. Биринчи келгенде эле айткан өздүк курамды чогултуп алып "Улан Ниязбеков менен бир айылдан болом. Мени ал киши дайындады, менин айтканымды кылбасаңар эмне болорун өзүңөр билесиңер" деген. Бул деле кысым. Бул тосмону менин балдарым тургузду. Эртең менен чогулушка келсең эле "тосмону качан баштайсың, качан бүтөсүң" дейт. Райондук милиция курулуш компаниясы, анын жетекчиси Талгат Акылбекович болуп калды. Муну өзүбүздүн акчага тургуздук, мамлекеттен каражат бөлүнгөн жок. Андан сырткары "жылуулукту бүтүргүлө" деди мен аны кантип бүтүрөм?”.


@azattyk_radiosu
Ноокаттын милициясы курулушка салган жетекчиге нааразы
Ноокаттагы Көк-Жар аймактык милиция бөлүмүнүн башчысы өлкө бийлигине кайрылуу жолдоп, райондук милициянын жетекчисинин басымына даттанды. Ош облустук милициясы кайрылуу боюнча териштирүү болуп жатканын билдирүүдө. Адатта укук коргоо органдарында коомчулукка ачык кайрылган учурлар сейрек.
815 0 1 7
«Азаттык» радиосу

19 Nov, 07:28

Открыть в Telegram Поделиться Пожаловаться
❗️Адвокат Турдуев Султанбеков ачкачылык кармоону улантып жатканын айтты

Социал-демократтар партиясынын Бишкектеги №1 тергөө абагындагы лидери Темирлан Султанбеков ачкачылык кармоону улантып жатат. Бул тууралуу адвокаты Айбек Турдуев билдирип, 18-ноябрда аны менен жолугуп чыкканын, Темирлан Султанбеков тамак жебей жатканына жетинчи күн болуп баратканын айтты. Анын сөзүнө караганда, ал кармалгандан кийин биринчи үч күн суу да ичкен эмес. Азыр суу ичип баштады.

Бишкектин Свердлов райондук соту 15-ноябрда Темирлан Султанбековду, Социал-демократтар партиясынын Бишкектеги шайлоо штабынын башчысы Ирина Карамушкинаны жана партиянын тарапташы Роза Түрксеверди эки айга камакка алган.

@azattyk_radiosu
807 0 2 5 9
«Азаттык» радиосу

19 Nov, 07:14

Открыть в Telegram Поделиться Пожаловаться
Новосибирскиде мигранттарга бала бакчада иштөөгө тыюу салынды

Орусиянын Новосибирск облусунда мигранттарга мектепке чейинки билим берүү мекемелеринде иштөөгө тыюу салынууда. Бул тууралуу аталган аймактын полиция мекемеси билдирди.

Облус губернатору Андрей Травников кол койгон токтомго ылайык, чектөө келерки жылдын 1-мартынан башталат.

Быйыл апрель айында Новосибирскиде мигранттарга таксиде, тамеки жана алкоголдук ичимдик саткан дүкөндө иштөөгө тыюу салынган.

@azattyk_radiosu
828 0 0 8
Показано 20 последних публикаций.