Beruniy Education

🙋🏻‍♂️ Farzandingizni Prezident Maktablariga tayyorlamoqchisiz, ishni nimadan boshlashni bilmayapsizmi?

🇺🇿 Barcha ota-onlarning orzusidagi Prezident Maktablariga tayyorlov kursi uchun ertalabki va kechki guruhlarga qabul boshlandi.

📃 Har bir o'quvchi sinov-imtihoni asosida qabul qilinadi!

🎒Hoziroq ushbu darslarga yoziling!

(Eng yaxshi investitsiya o'zingizni rivojlanishingiz yoki farzandingiz kelajagi uchun kiritilgan investitsiya!) - ushbu kalit jumlani etsangiz 10%li chegirmaga ega bo'lasiz!

👤 Qabulxona: @mental6

📞 Тел: +998 93 944 00 98

🏢 Bizning manzil: Madaniyat saroyi yonida 2-etaj


Beruniy ta'limi - prezident maktablariga mental arifmetika asosida tayyorlovchi intellektni rivojlantirish markazi.

👉🏾@newbridgeMTG
@beruniyed

Javoblarni: @beruniyedu ga yuboring

#Ma’lumot uchun

Qaysi temperamentga mansub ekaningizni bilib oling!

TEMPERAMENT— har bir odamning o‘ziga xos asab tizimiga bog‘liq bo‘lib, bu odamlarning harakat tezligi, yurishi, ovoz tempi va balandligida ko‘rinadi. Bundan bir necha asrlar avval qadimgi Gretsiyada yashagan buyuk tabib Gippokrat odamlarni to‘rt guruhga bo‘lish mumkin, deya o‘z ilmiy nazariyalarini yozib qoldirgan. Keyinchalik bu guruhlar quyidagicha nomlandi.

1. ️MELANXOLIKLAR — asab tizimlari zaif, tezda ranjiydigan, ta’sirchan, yangi sharoitga sekin ko‘nikadigan, bir qarorga kelishlari o‘ta mushkul bo‘lgan xarakter egalaridir. Ko‘pincha ularning ovozlari past chiqadi. Hayotda arzimas muvaffaqiyatsizlikka uchrasalar ham tez tushkunlikka tushadilar. Shuning uchun bunday paytda ularni qo‘llab-quvvatlash kerak.
Melanxoliklar maqsad sari intilsalarda, bu yo‘lda uchraydigan to‘siqlarni yengishga irodalari yetmasligini, asablari dosh bermasligini bilsalar, maqsadlaridan osonlikcha voz kechishlari mumkin. Kundalik hayotda melanxoliklar har narsaga e’tiborli va ehtiyotkor bo‘lishadi. Tavakkal qilishni yoqtirishmaydi. Ular shuning uchun ham kamdan-kam hollarda xavf-xatarga uchraydilar.
Melanxoliklar go‘zallikka intiluvchan, iste’dodli, ijodkor guruh vakillaridir. Ko‘pgina buyuk yozuvchilar, shoirlar, musiqachilarning temperamenti aynan mana shu guruhga mansub bo‘lgan.

2.️ XOLERIKLAR —melanxoliklarga batamom qarama-qarshibo‘lgan temperament vakillaridir. Ular juda faol hayot kechirishga o‘rganganlar. Bir ishga qiziqib ketsalar, oxirigacha yetkazmasdan qo‘ymaydilar. Ko‘pincha ularning harakatlari va so‘zlarida keskinlik, ba’zida esa qo‘pollikni ham ko‘rish mumkin. Ular kutishni yomon ko‘radilar.
Xoleriklar olmasdan — olib qo‘yadigan, gapirmasdan — baqiradigan, yurmasdan — uradiganlar toifasiga kiradilar. Ularning harakatlari fikrlaridan oldin yuradi, shuning uchun ham ular bir ishni qilib qo‘yib, keyin fikr yuritadilar. Xoleriklarni vazmin, deyish noto‘g‘ri bo‘ladi. Ular gohida xushchaqchaq va dilkash suhbatdosh, gohida esa serjahl va asabiy holatda bo‘ladilar.
Ana shunday paytda ularni umuman gap tushuntirib bo‘lmaydigan darajadagi odam qiyofasida ko‘rishingiz mumkin. Boshqa tarafda esa, xoleriklar fanlarni, bilimlarni oson o‘zlashtiradilar. Ulardan yaxshi, qiziqarli fikrlar chiqadi, lekin bu fikrlarni hayotga tadbiq qilish uchun ularga sabr-toqat yetishmaydi.

3.️ SANGVINIKLAR — xoleriklarga o‘xshab mustahkam asab tizimiga egalar, lekin ularga nisbatan vazmin va bosiq temperament vakillaridirlar. Ular o‘z his-hayajonlarini (emotsiyalarini) jilovlashni ham, ortiqcha asabiylashmaslikni ham yaxshi uddalaydilar. Sangviniklarni yangi sharoitga tez ko‘nikadigan, odamlar bilan darhol til topishib ketadigan, tavakkal qilishni yaxshi ko‘radigan insonlar deyish mumkin. Ularning nutqlari tez, ovozlari baland bo‘ladi va shu bilan birga ular mimika va imo-ishoralar bilan gapiradilar.
Sangviniklarning didlari hamda qiziqishlari tez-tez o‘zgarib turadi. Bir ish bilan doimiy shug‘ullansalar, bu ishdan tez zerikadilar va o‘zlariga boshqa mashg‘ulot topishga harakat qiladilar.

4. ️FLEGMATIKLAR — xotirjam, og‘ir, bosiq va uncha-bunchaga pinaklarini ham buzmaydigan temperament egalaridir. Ular ko‘p gapirishdan ko‘ra ish bilan shug‘ullanishni afzal ko‘radilar.Ularning harakatlari sekin, nutqlari ravon bo‘ladi.
Har qanday muvaffaqiyatsizlik ularning asab tizimlariga zarracha ham ta’sir qilmaydi. Flegmatiklar juda yomon sharoitlarda ham uzoq va tirishqoqlik bilan ishlashlari mumkin. Yangi sharoitlarga sekin ko‘nikadilar, shuning uchun o‘zgarishlarni yomon ko‘radilar.
Bu kabi temperament egalarining yaxshi xususiyatlaridan biri — kuta olishlari yoki kuta bilishlarida namoyon bo‘ladi. Uzoq kutish ularga hech qanday noqulayliklarni yoki asabbuzarliklarni keltirib chiqarmaydi. Kerak bo‘lsa, ular o‘n-yigirma yillab kutishlari mumkin.