Vodiy baraka

Ўзбекистонда 2021 йил 29 июль куни 546 нафар кишида пневмония аниқланиб, жами беморлар сони 9798 нафарга етди. Кеча, 28 июль куни уларнинг 249 нафари соғайиб, умумий соғайганлар сони 3275 нафарни ташкил қилмоқда. Шунингдек, шу кунгача пневмониядан вафот этганлар сони 66 нафарга етди.

👉🏻 @koronavirusinfouz

❗️Ўзбекистонда келгуси ойларда пандемия билан боғлиқ вазиятнинг ўзгариши шароитида дори-дармонлар, тиббий хизматлар ва асосий озиқ-овқат маҳсулотларининг нархлари кескин ошиши мумкин. Бу ҳақда 29 июль куни ўтказилган Марказий банк бошқаруви йиғилишида айтилди.

Қайд этилишича, иқтисодиётда сезилган инфляция ва инфляцион кутилмалар даражасининг юқори қолаётганлиги ҳамда уларнинг асосий озиқ-овқат маҳсулотлари нархлари ўзгаришига таъсирчанлигининг юқорилиги инфляцион вазиятни янада кучайтириши мумкин.

👉🏻 @koronavirusinfouz

Қайси давлатларда вакцинациялаш мажбурий қилиб белгиланган?

🇦🇺 Австралия. Жорий йил июнь ойининг охирида карантинли меҳмонхоналарда кекса ёшдаги ишчилар ва хизматчилар учун COVID-19 вакцинаси билан эмлаш мажбурий қилинди. Токиога борадиган паролимпия спортчилари мажбурий эмланган.

🏴󠁧󠁢󠁥󠁮󠁧󠁿 Англия. «Қариялар уйи» ишчилари учун октябрь ойидан бошлаб коронавирусга қарши эмлаш мажбурий бўлади.

🇫🇷 Франция. 2021 йил 12 июлдан барча соғлиқни сақлаш ходимлари, кинотеатрга кирмоқчи ёки поездга чиқмоқчи бўлганлар эмланганлиги тўғрисида ҳужжатни ёки ковидга чалинмаганлиги бўйича салбий тест натижасини кўрсатиши шарт.

🇬🇷 Греция. 2021 йил 12 июлдан қариялар уйи ходимлари эмланиши мажбурий, сентябрь ойидан фақат вакцина олган фуқаролар барлар, кинотеатрлар, театрлар ва бошқа ёпиқ жойларга киришига рухсат берилган.

🇮🇩 Индонезия. 2021 йил февраль ойидан эмлаш мажбурий равишда амалга оширилмоқда. Индонезия пойтахти Жакартада вакцина олишдан бош тортганлиги учун 5 млн рупия (357 АҚШ доллари)гача жарима қўлланилиши белгиланган.

🇮🇹 Италия. 2021 йил март ойида соғлиқни сақлаш ходимлари, шу жумладан, фармацевтлар мажбурий эмланган. Рад этганларга йил давомида маош берилиши тўхтатилган.

🇰🇿 Қозоғистон. 2021 йил июнь ойидан 20 дан ортиқ соҳада ишлайдиган одамлар мажбурий эмланган, эмлашдан бош тортганларда ҳафталик синовлар ўтказилган.

🇵🇱 Польша. 2021 йил август ойидан бошлаб хавф юқори бўлган айрим тоифадаги одамлар учун эмлашни мажбурий амалга ошириш режалаштирилган.

🇷🇺 Россия. Москвада 2021 йил июнь ойининг охиридан кафе, бар ва ресторанларга фақат эмланганлар ёки ковидга чалинмаганлиги тўғрисида салбий тест натижаси мавжуд бўлганлар киришига рухсат берилган.

🇸🇦 Саудия Арабистони. 2021 йил май ойидан иш жойига бориб ишлаш учун давлат ва хусусий сектор ишчилари мажбурий эмланиши белгиланган (бунга муддат белгиланмаган). Шунингдек, 1 августдан бошлаб ҳар қандай давлат, хусусий ёки таълим муассасаларига кириш, жамоат транспортидан фойдаланиш учун мажбурий эмланиш белгиланмоқда.

👉🏻 @koronavirusinfouz

❗️Депутатлар мажбурий эмлашни қонунийлаштиришмоқчи

Парламент қуйи палатасида «Ўзбекистон Республикасининг айрим қонун ҳужжатларига аҳолининг санитария-эпидемиологик осойишталигини таъминлашга қаратилган ўзгартишлар ва қўшимча киритиш тўғрисида»ги қонуни лойиҳаси муҳокама қилинмоқда.

Қонун лойиҳасида «Фуқаролар соғлиғини сақлаш тўғрисида»ги Қонун 28-моддасида карантинли ва инсон учун хавфли бўлган бошқа юқумли касалликлар тарқалиши хавфи мавжуд бўлган тақдирда Ўзбекистон Республикаси Бош давлат санитария врачининг қарори асосида аҳолини профилактик эмлашдан ўтказиш жорий этилиши мумкинлиги тўғрисида аниқ норма киритилмоқда.

‼️ Меҳнат кодексининг 113-моддасида ходим юқумли касалликлар тарқалиши хавфи мавжуд бўлган тақдирда жорий этиладиган профилактик эмлашдан ўтишни рад этган тақдирда иш берувчи уни ишга қўймасликка ҳақли эканлиги кўзда тутилмоқда.

👉🏻 @koronavirusinfouz

Дунёда коронавирусга чалинганлар сони 194 миллиондан ошди

Касаллик тасдиқланган ҳолатлар бўйича:

➖ АҚШ биринчи ўринда турибди, у ерда 34,443 миллиондан ортиқ коронавирус инфекциясини юқтирганлар аниқланган.
➖ Иккинчи ўринда Ҳиндистон (31,371 миллиондан ортиқ).
➖ Учинчи ўринда Бразилия (19,688 миллиондан ортиқ).
➖ Тўртинчи ўринда Франция (6,056 миллиондан ортиқ).
➖ Бешинчи ўринда эса Россия (6,049 миллиондан ортиқ).

Дунё бўйича коронавирусга қарши 3 миллиард 845 миллиондан ортиқ доза вакцина қўлланилган.

👉🏻 @koronavirusinfouz

❗️25 июль куни Ўзбекистонда 705 кишида коронавирус, 482 кишида пневмония аниқланиб, 7 нафар бемор вафот этди.

👉🏻 @koronavirusinfouz