console.log

#day1 #challenge

Assalomu alaykum!
Bugundan challenge imizni boshlaymiz.
1 - topshiriq: Testimonial (ya'ni izoh) ko'rinishini HTML va CSS da tuzish.

shartlar
- rasm
- izoh qoldiruvchining ismi
- matn

qo'shimcha qo'shish mumkin, dizayn fantaziyangizga qarab🙂

link yuborish esingizdan chiqmasin😊

Dasturlashni o'rganishni o'ylab yuribsizmi?
Dasturchi bo'lmoqchimisiz?
- unda hoziroq boshlang.

Buning uchun sizga kompyuter, internet va bo'sh vaqtning o'zi yetadi.
Bepul video darslar, kitoblar va ma'lumotlarning ko'pligi, endi mustaqil o'rganishni boshlagan odamni chalg'itishi turgan gap.

Shu sababli, challange qilishga nima deysiz? Frontend da o'zingizni sinab ko'rish uchun.

Challange da har kuni 1 ta kichik topshiriq uchun post qoldiraman, shu post uchun kommentariy da o'zingiz bajargan ishni link qilib tashlaysiz.
Bahonada tajribamiz oshadi😎

Assalomu alaykum!
Yaqin orada videodars qilishni rejalashtiryapman, o'zbek tilida boshlang'ich darslar ko'p ekan, shu sababli framework da amaliy dars uchun 2 ta yo'nalish tanladim.

1 - Angular da crm tizim
2 - React da sayt katalog (city listings)

Rivojlangan IT kompaniyalarida ish beruvchilar, bo'lajak xodimning jinsi haqida emas, balki uning imkoniyatlari haqida o'ylashadi. Agar siz ishingizni yaxshi bajarsangiz, va bu bilan zavqlana olsangiz, jinsingiz muhim emas.

Tajribamdan kelib chiqib shuni ayta olaman - nomzodga munosabat uning kasbiy mahorati, javobgarlik darajasi va boshqa insoniy fazilatlariga qarab shakllanadi.

➖"Asosiy qiyinchilik "dasturchi qiz" emas, balki dasturchi bo'lishdir. Qizlarga nisbatan tarafkashlik bor, ammo bu ijobiy.
Lekin, har yerda bo'lgani kabi, hamma narsa insonga bog'liq. Ko'pincha, jamoa ayol dasturchini ishga olishdan mamnun. Va har qanday aqlli qiz, agar xohlasa, dasturlashi mumkinligiga ishonaman" - Julia Shibun (.NET Developer, BETLAB )

➖"Farzandli bo'lganimdan keyin, ishlash ancha qiyinlashdi. Ammo baxtimga, kompaniya menga yarim kun va masofadan turib ishlashga ruxsat berdi" - Мария Найда ( 10+ yil tajribaga ega dasturchi)

➖"IT ixtisosligi bo'yicha oliy ma'lumot olish men uchun vaqtni behuda sarflashga aylandi. Menimcha, IT-da to'g'ri yo'l bu bir yoki ikki yillik kurslarda qatnashish va tajriba orttirish uchun bo'sh vaqtdan foydalanishdir." - Алина Туранская (.NET developer)

Yurtimiz ayollari uchun asosiy qiyinchilik vaqt deb oylayman.🕔 Doimiy izlanish bolmasa, dasturchi sifatida o'sish qiyin.
Uy yumushlari, ish va oila - barchasini birdek eplay olish juda qiyin. Yaqinlarimizning yordamisiz buni iloji yoq.
Tajribasi katta bolmagan dasturchilar kun davomida 8-10 soat vaqtlarini ishga qaratadilar va bu odatiy hol.💻 Qolgan vaqtda barcha narsaga ulgursangiz ham, yangi narsa organishga vaqtingiz ham kuchingiz ham qolmaydi.
Bu borada faqat oila - azolaringiz sizni qo'llab quvvatlashlari va tushunishlari muhim. 👨‍👩‍👧‍👦

🔸Agar sizni narsalarda ketma-ketlikni qidirish qiziqtirsa, biron bir narsani o'ylashga ko'p vaqt sarflasangiz, bir necha kunlik doimiy ishingizdan so'ng siz nihoyat mantiqiy va matematik muammolarni hal qilishda muvaffaqiyatga erishganingizdan xursand bo'lsangiz sizdan yaxshi dasturchi chiqishi mumkin.

📎Va eng muhimi, siz bilgan narsalaringiz doimo eskirishiga tayyor bo'lishingiz va doimo yangi narsalarni o'rganishingiz kerak.

Assalomu alaykum, juma ayyom barchamizga muborak bo'lsin.

Bugun kechroq ayollar va qizlar ham yaxshi dasturchi bo'la olishlari haqida post yozmoqchiman.

Post tajribali ayol dasturchilar bergan tavsiyalar va yengib o'tish kerak bo'lgan qiyinchiliklar haqida bo'ladi😊

Dasturchilarda tajriba oshgani sari, ularga bo'lgan ish takliflari ham ortib borar ekan) Yaxshi dasturchilar ish qidirishmaydi, ularni ish beruvchilar qidirib yuradilar.

Mendan ham doim tajribali tanishlaringiz bormi deb so'rashadi) Orangizda ish qidirib yurganlar bor bo'lsa ayting, tanishtirib qo'yaman😊

Yangi post yozish uchun mavzu kerak. Nima haqida ko'proq bilishni hohlardingiz?

Koplab oilalarning sevimli kelinchagiga aylanib ulgurgan kir yuvish mashinasiga kir yuvishni kim o'rgatgani haqida hech o'ylab ko'rganmisiz?

Albatta, ular dasturchilar😊

Kim biladi, balki o'sha dasturchi ayol kishidir😄

Assalomu alaykum hurmatli kanal a'zolari
Bu kanalni ochishdan maqsadimiz, o'zbek tilida web dasturlashga oid ko'pchilikda tug'iladigan savollarga imkon boricha javob berishdir.
Agar sizning yaqinlaringiz orasida kimdir shu sohaga qiziqsa, ularga albatta kanal linkini yuboring🙂
Qo'limizdan kelgancha qiziqarli ma'lumotlar ulashib boramiz..