Репост из: Humoyun Boboyev
7 kunda 7 ta muhim tavsiya
#Mendankeyingilarga
Bizning yoshlar orasida chet elga borish, o'qishga qiziqish juda katta. Bu postlar buning qanchalik to'g'ri yoki bunga turtki bo'layotgan sabablar haqida emas. Bu postlar O'zbekistonda yashab, endi chet elga o'qishga ketishga qaror qilgan yoshlarga atalgan. 7 kunda 7 ta eng muhim deb bilgan tavsiyalarimni e'lon qilaman.
Fransuz tilida 3 yil oliy ta'limni olib, bugun fransuzlar bilan ishlar ekanman quyidagilarni Fransiyaga kelishdan oldin bilishim kerak edi deb o'ylayman. Misollar tushuntirish oson bo'lishi uchun Fransiya/fransuz tili haqida bo'ladi, lekin istalgan xorijiy davlatga to'g'ri kelishi mumkin.
Eng avvalo
Maqsadingiz shunchaki samolyotga o'tirib chet elga borish bo'lmasin. Sizga berilgan vaqt va sarflangan pul - bu investitsiya. Investitsiya o'zini oqlashi uchun to'g'ri qaror qabul qilish, kuch va imkoniyatlarni to'g'ri baholash va astoydil harakat qilish kerak bo'ladi. Qayergadir ketsam, qaysidir universitetda o'qisam bo'ldi, asosiysi, O'zbekistonda qolmay, deb o'ylash tez orada noto'g'ri strategiya ekanligini isbotlab qo'yadi. Davlat/universitet tanlashda har doim sohangiz bo'yicha eng kuchli bilim markazlari, eng talabchan va boy mehnat bozorlari tomon intiling. Masalan, tibbiyot-kimyo sohasida Shveytsariya va Germaniya, moliya-biznes bo'yicha London, balkim Singapur, arxitektura, moda-dizayn sohasida Fransiya, Italiya va hokazo. Fransiyaga borib olsam bo'ldi, bir yo'limni topaman deb o'ylamang, adashasiz. Borayotgan davlatingiz mahalliy tilini bilishingiz, yashash tarzi va umumiy muhit haqida atroflicha tasavvurga ega bo'lishingiz kerak. Davlat, soha va universitet tanlash - bu qiyin yo'lning boshidagi, eng mashaqqatli etap. Unga ixlos bilan, jiddiy yondashuv kelajakda bo'lishi mumkin bo'lgan ko'p xavflarning oldini oladi. Balkim til darajangiz oshishi yoki hayotda nima xohlashingizni bilish uchun sizga “gap year” kerakdir? Oʻylab koʻring. Unutmang, shoshilib tanlab, 4 yil universitetda o'zingizga ma'qul bo'lmagan kasbni majbur o'qib, keyin boshqa sohada muvaffaqiyat qozonish uchun karrasiga ko'p kuch va vaqt sarflashga to'g'ri keladi. Jasoratli boʻling! Balkim, (7-tavsiyada fikrimning yakuni keltiriladi).
Chet elda yurgan yoki bo'lib qaytgan tanishlaringiz bo'lsa, ularga bu postni yuborib, ularning fikrini so'rab ko'ring. Agar shunday ekspertlar oramizda bo'lsa, sizning fikrlaringiz biz uchun juda qiziq va qadrli, izohlarda ular bilan bo'lishing.
@khumoyun_paris
#Mendankeyingilarga
Bizning yoshlar orasida chet elga borish, o'qishga qiziqish juda katta. Bu postlar buning qanchalik to'g'ri yoki bunga turtki bo'layotgan sabablar haqida emas. Bu postlar O'zbekistonda yashab, endi chet elga o'qishga ketishga qaror qilgan yoshlarga atalgan. 7 kunda 7 ta eng muhim deb bilgan tavsiyalarimni e'lon qilaman.
Fransuz tilida 3 yil oliy ta'limni olib, bugun fransuzlar bilan ishlar ekanman quyidagilarni Fransiyaga kelishdan oldin bilishim kerak edi deb o'ylayman. Misollar tushuntirish oson bo'lishi uchun Fransiya/fransuz tili haqida bo'ladi, lekin istalgan xorijiy davlatga to'g'ri kelishi mumkin.
Eng avvalo
Maqsadingiz shunchaki samolyotga o'tirib chet elga borish bo'lmasin. Sizga berilgan vaqt va sarflangan pul - bu investitsiya. Investitsiya o'zini oqlashi uchun to'g'ri qaror qabul qilish, kuch va imkoniyatlarni to'g'ri baholash va astoydil harakat qilish kerak bo'ladi. Qayergadir ketsam, qaysidir universitetda o'qisam bo'ldi, asosiysi, O'zbekistonda qolmay, deb o'ylash tez orada noto'g'ri strategiya ekanligini isbotlab qo'yadi. Davlat/universitet tanlashda har doim sohangiz bo'yicha eng kuchli bilim markazlari, eng talabchan va boy mehnat bozorlari tomon intiling. Masalan, tibbiyot-kimyo sohasida Shveytsariya va Germaniya, moliya-biznes bo'yicha London, balkim Singapur, arxitektura, moda-dizayn sohasida Fransiya, Italiya va hokazo. Fransiyaga borib olsam bo'ldi, bir yo'limni topaman deb o'ylamang, adashasiz. Borayotgan davlatingiz mahalliy tilini bilishingiz, yashash tarzi va umumiy muhit haqida atroflicha tasavvurga ega bo'lishingiz kerak. Davlat, soha va universitet tanlash - bu qiyin yo'lning boshidagi, eng mashaqqatli etap. Unga ixlos bilan, jiddiy yondashuv kelajakda bo'lishi mumkin bo'lgan ko'p xavflarning oldini oladi. Balkim til darajangiz oshishi yoki hayotda nima xohlashingizni bilish uchun sizga “gap year” kerakdir? Oʻylab koʻring. Unutmang, shoshilib tanlab, 4 yil universitetda o'zingizga ma'qul bo'lmagan kasbni majbur o'qib, keyin boshqa sohada muvaffaqiyat qozonish uchun karrasiga ko'p kuch va vaqt sarflashga to'g'ri keladi. Jasoratli boʻling! Balkim, (7-tavsiyada fikrimning yakuni keltiriladi).
Chet elda yurgan yoki bo'lib qaytgan tanishlaringiz bo'lsa, ularga bu postni yuborib, ularning fikrini so'rab ko'ring. Agar shunday ekspertlar oramizda bo'lsa, sizning fikrlaringiz biz uchun juda qiziq va qadrli, izohlarda ular bilan bo'lishing.
@khumoyun_paris