Duel

Kosa tagida nimkosa

Bahs-munozaralar, tortishuvlar kelib chiqqanidan, shoirlar uchun jon kuydiruvchilar borligidan quvondik.

Bundan keyin ham tayyorlagan videolarimiz tarqalishi uchun o'z hissangizni qo'shing. Shunda "Duel" va uning ishtirokchilari jamoatchilik e'tiborida bo'ladi.

Bizga sizning qo’llovingiz juda muhim!

Qalamga hech kim e’tibor qilmagandi-a? 😅

@duelloyihasi

Biz sirni aytdik. Fosh bo’lish navbati endi sizga…

“Duel”ga moddiy manfaat uchun emas, SO’Z ga muhabbat uchun qatnashayotganlargina maydonda qoladi. Buni o’zingiz hal qilasiz.

G’oliblar diplom, maxsus statuetka va adabiyotsevarlarning mehri bilan taqdirlanadi.

Xo’sh, finalda qatnashishga haliyam tayyormisiz?

Pul uchungina topshirganlar bemalol qarg’ish va malomatlarini izohlarda qoldirishlari mumkin:)

@duelloyihasi

#Duel_kashfiyotlari
Duelning navbatdagi topildigʻi:
Shahboz Fayzullayev

Videoni tasvirga olgan va mantaj qilgan Abdumannon Muhammadga minnatdorchilik bildiramiz!

ANORZOR QO‘SHIGʻI

I
O‘shanda yomg‘ir yog‘gan emas, daraxtlar yig‘lagan edi, ona. Axir eslolmaysanmi, momom ko‘zlaridek xira, uning qovog‘idek tundmasdi osmon.
Ona,
o‘shanda
Payg‘ambar shamolning vahiysin tinglab,
Duv-duv ko‘zyosh to‘kkan edi daraxtlar...

II
Nechun jam bo‘ldi ruhlar,
Anor toji uchinda?
Alvon tush ko‘rib uxlar,
Osmon anor ichinda.

Qanoti chaqmoq-chaqmoq,
Qushlar to‘kar ko‘zyoshi.
Sitilib ketar, jono
Yomg‘ir anor ichinda.

Shovullagan devona,
Rubobiy til, ohang yuz,
Gulmohilar o‘ynagan
Daryo anor ichinda.

Ona, qaydaman o‘zim?
Atrofim tah-batah qon.
Qolib ketdim so‘yilgan
To‘qson malak ichinda.

Ona, na odam shakl,
Na daraxtga o‘xshayman.
Kalamushdek ochofat
Bir kovakda qishlayman.
Yirtqichman!
Gʻazabu o‘t
Bora-bora o‘ldirar...
Faqat seni o‘ylasam,
Qushga aylangim kelar.

Osmon anor ichinda,
Yomg‘ir anor ichinda,
Daryo anor ichinda...
(Senu menda masofa yo‘q,
Senu menda makon yo‘q!)
Sen anor ichindasan,
Bolang anor ichinda.

Sitilib ketar jono...

III
Shahar shamoyilin unutdim.
Na bir bino, na bir fonus,
Zahar yutgan bog‘larning suvrati o‘chdi nigohimdan.
Na soyalar olomoni bor,
Na soyasiz olomon.
Nigohimda yagona suvrat qoldi.
O‘zgasi yo‘q.
Yagona —
sog‘inchdan qaqragan lablarim bilan o‘pishga tayyor
anor uzayotgan qo‘lning suvrati...

@duelloyihasi

Xo’o’o’sh, kechagi sir nima edi, deb loyiha menejeri, koordinatori-yu, direktorining “lichkasi” savollarga, taxminlarga to’lib ketdi.

Rostdan nima ekan bu sir?

Balki Respublika bosqichi ishtirokchilaridan kimdir loyihada qatnashishdan voz kechdimikin?😨

Balki javoblardan norozi bo’lgan biror qatnashchi appelatsiya berib, natijalar o’zgarib ketdimi?🤔

Yoki Respublika bosqichiyam onlayn o’tkaziladimi?🫣

Va balki finalda loyiha shartlari o’zgardimi?🌚

Qanday sir bo’ldi ekan endi bu?😒

Vanihoyat, “Duel”ning Respublika bosqichiga yaqinlashmoqdamiz!

Biz kutgan daqiqalarga juda oz qoldi.

Yangi bosqich oldidan sizga muhim sirni ochmoqchimiz…

Bu hammangizni hayron qoldirishi aniq.

Kutilmagan sirni oshkor qilishimizga tayyormisiz?😉