Ағылшын тілін үйренушілердің бастапқы қателіктері 🖍
⠀
Ағылшын тілін үйрену - күрделі және ұзаққа созылатын процесс болып көрінуі мүмкін, бірақ олай емес. Көздеген нәтижеге жету үшін үйрену әдісін дұрыс ұйымдастыру және базалық қателіктерді ескеру керек.
⠀
▫️Үміт ету
Өкінішке орай, ақпараттық кеңістіктегі жарнама әрқайсымызға кері әсер етеді. Сіздің қалаңызда жаңадан «мықты тіл үйрететін мектеп» ашылды, ол сіздің деңгейіңізді бірнеше апта ішінде көтеруге уәде етеді. Ол мүмкін емес. Қысқа уақыт ішінде сіз ағылшын ғана емес, неміс, испан немесе қытай тілдерін де үйрене алмайсыз. Оңай әрі жылдам жолмен білім қорытылмайды. Шамамен 1 жыл тұрақты және жүйелі оқудың арқасында нәтиже көрсету әбден мүмкін. Күтіміңізді осы уақытқа созыңыз.
⠀
▫️Мақсат дұрыс емес
⠀
Тілді тек сән үшін немесе «ағылшын тілін үйрену заман талабы» деген мақсат қойып оқысаңыз, дұрыс нәтижеге жетпейсіз. Ынта-құлшыныс төмен болады. Нақты мақсат - жаңа және әлеуеті жоғары салада қызмет ету, біліктілікті толығымен өзгерту, беделді оқу орнына түсу (мысалы, шетелде), саяхаттау. Жаңа білім сізге қандай пайда әкелетінін нақты түсінуіңіз қажет.
⠀
▫️Жинақы еместік
⠀
Оқу темпін бұзу, тапсырмаларды орындамау, үнемі оқытушы немесе тіл орталығын ауыстыру әлбетте көздеген уақытта, көздеген нәтижеге жеткізбейді, одан әрі созады.
Біріншіден, жеке уақытыңызды жүйелі жоспарлаңыз. Өздігінен оқу моделін таңдасаңыз, жауапкершілікті сезініп, аптасына кемінде 3-4 рет сабақтың өтілуін қадағалаңыз. Екіншіден, оқу графигін немесе “жол картасын” сызыңыз. Қай уақытта бастағаныңызды бекітіп, қай уақытта курсты аяқтайтыныңыз белгілі болу қажет.
⠀
▫️Тіл орталығына немесе оқытушыға үміт арту
⠀
Көп тіл үйренушілер жаңа қабілетті бірінші кезекте қздеріне керектігін ұмытып жатады. Соңында оқытушы жаман, тіл орталығын қымбат әрі эффективсіз болып шыға келеді. Ең маңыздысы, өзіңіздің қалауыңыз және мақсат-арманыңыз, сөзіңіз іспен дәлелдену керек, өзіңізге жұмыс жасау керек. Сізді өзіңізден басқа ешкім жақсы білмейді.