“FAOL KUTUBXONACHI”
respublika ko‘rik-tanlovi
Xalq ta’limi vazirligi va Respublika bolalar kutubxonasi kutubxona sohasining yuqori standartlarini saqlab qolish, kasbiy mahorat bo‘yicha yetakchilarni aniqlash, yosh mutaxassislarni rag‘batlantirish, ijtimoiy ahamiyatga ega bo‘lgan kutubxona va axborot loyihalarini targ‘ib qilish hamda kitobxonlik madaniyatini oshirishga doir targ‘ibot ishlarini samarali tashkil etish, kitobxonlar uchun kutubxona xizmatiga yangiliklarni keng joriy qilish maqsadida “Ijod, istedod va mahorat-do‘stlik I bolalar festivali” doirasida “Faol kutubxonachi” respublika ko‘rik-tanlovi o‘tkazilishini e’lon qiladi.
Ushbu tanlov O‘zbekiston Respublikasi Prezidentining 2019-yil 30-sentyabrdagi “Xalq ta’limi tizimidagi maktabdan tashqari ta’lim samaradorligini tubdan oshirish chora-tadbirlari to‘g‘risida”gi 4467-sonli qarori hamda 2019-yil 19-martda o‘tkazilgan videoselektor majlisining 12-sonli bayonida belgilangan vazifalar ijrosini ta’minlash maqsadida tashkil etiladi.
“Faol kutubxonachi” respublika ko‘rik-tanlovi 2021 yil iyul-avgust oylarida Respublika bolalar kutubxonasining telegramdagi “Faol kutubxonachi” (
https://t.me/faolkutubxonachi) kanalida o‘tkaziladi.
📌Ijodiy ishlarni
@nargiza_berdiyeva hamda
@RBKFERUZA manziliga yuborish kerak.
ISHTIROKCHILAR
Tanlovda Xalq ta’limi vazirligi tizimidagi umumiy o’rta ta’lim maktablarining kutubxonachilari ishtirok etishlari mumkin.
Tanlov uch bosqichda o‘tkaziladi:
✅ birinchi bosqich - joriy yilning 10-iyuliga qadar kutubxonachilar maktab kutubxonasi qanday bo'lishi lozim va o‘quvchilarni kutubxonaga jalb qilish bo‘yicha qanday zamonaviy metodlar orqali qiziqtirayotganliklari haqida 2 daqiqalik (20 megabaytdan oshmasligi lozim) videorolik tayyorlashadi hamda kanalga yuborishadi.
✅ ikkinchi bosqich - joriy yilning 20-iyul kuniga qadar ushbu videoroliklar mualliflaridan 30 tasini tanlab olib, ularga 30-iyul kuniga qadar kitob.uz saytidagi 100 ta badiiy adabiyotlar asosida tayyorlanishlari uchun vaqt beriladi.
✅ uchinchi bosqich - joriy yilning 5-avgust kuni 30 nafar ishtirokchilar bilan ZOOM orqali suhbat qilgan holda g'olib va sovrindorlar aniqlanadi.
Baholash mezonlari va g’oliblarni aniqlash:
✅ Tanlov davomida Respublika bolalar kutubxonasi tomonidan kutubxonarchilarga uyga vazifa qilib berilgan badiiy adabiyotlardan tuzilgan savollar asosida ZOOM dasturi orqali suhbat qilinadi. Mazkur suhbat jarayonida eng tez va to'g'ri javob bergan, eng faol qatnashgan ishtirokchilar g'olib deb topiladi.
📌 G‘OLIBLARNI ANIQLASh TARTIBI QANDAY ❓
✅ “Faol kutubxonachi” ko‘rik-tanlovi g‘olib va sovrindori bo‘lgan kutubxonachilar 1-, 2, 3 –o‘rinlar;
Tanlov g‘olib va sovrindorlarini taqdirlash marosimi yuqori darajada ommaviy axborot vositalarini jalb qilgan holda o‘tkaziladi.
Festival g‘oliblari deb topilgan maktab kutubxonachilari xalq ta’limi vazirining maxsus diplomi hamda qimmatbaho sovg‘alari bilan taqdirlanadlilar.
Diqqat: Tanlov talablari va mezonlariga mos bo‘lmagan ishlar qabul qilinmaydi.
