قناة عزيز المياحي

تكضي الحاجات
كلهن     سهلات
ام البنين .... ام البنين
،،،،،،،،،،،،،،،،،،،
وين الزاير ورايح كصدها
اخذ اتراب من كربله لعدها
ماكو مرت ابو صارت مثلهه
اول مرت ابو تفدي ولدهه

فدت ولدهه وما حجت ابد
رادت حسين من الغرب يرد
رادته يرجع سالم ونست
الماتو  اخوته يرد لمن بعد

مجروحه هواي
من طاري الماي
وشبعت حسرات
تكضي الحاجات

ام البنين .... ام البنين
،،،،،،،،،،،،،،،،،
اليوصل بالجرح والدمعه يمها
من يذكر عطش  يعني  لجمها
اكعد يمهه وانعه حسين عطشان
تنطي الحاجه لو واحد ولمها

صوت النعي جوه الترب جرح
من تنعه يمهه حسُين منذبح
صيح بونينك منسلب حسُين
وراسه بدمومه عالي ع الرمح

اندب يحسين
وهل دمع العين
وجر بال اهات
تكضي الحاجات

ام البنين .... ام البنين


،،،،،،،،،،،،،،،،

لا تذكر ضعن هاذه الجرحها
غريبه والبعد هوه الذبحها
تون ليل ونهار تنادي وتنوح
فراك الاهل جن ذابح صبحها

الراح   منهه   ما  اضن  يجي
ومن عدهه خلص وانتهه الحجي
بالروح تحرك  والفكد   صعب
اليوم  يبدي   وينتهي اب  بجي

كاتلهه   النوح
ومتروسه جروح
من هل ونات
تكضي الحاجات

ام البنين .... ام البنين

،،،،،،،،،،،،،،
الخادم لو طلب منهه وندبها
تقدم الطلب هيه وتدعي ربها
يرد مسرور والحاجه كضتها
ما خيبت  واحد  لو  طلبها

الخادم ولدهه وبيهه لو طلب
تنحل قضيته وماكو اي صعب
ام البنين النيه يعني البيضه
بوكت الشدايد تكشف الكرب

ام العباس
شي ماينقاس
والها الدمعات
تكضي الحاجات

ام البنين .... ام البينين
""""""""""""""
خادم القصيده
عزيز المياحي

الحب حلال ياغرام
عيشني حبك السلام
زيدني حنيه وهيام
حبك جنون

حسين ابا عبدالله .... حسين ابا عبدالله
*
الحـب حياة ويه الحسين
تعيش الحياة حبك صحيح
عيش ابجروحه ودور دواه
كله اعله مودي رايح ذبيح

الما حبك ما حــبه ولا امشي وياه
والحبك بنص گلبي وكل يوم الگاه
علموني وعيشوني اهلي اعله الــ اه
اخيـــامك لـــمتنه و انــطتنه جـاه

بخُــيامــك تلگاني گاعد
وعن اهلي كلهه انا باعد
وانسـاهه كـــلهه المواعد
ويمك اكون
حبك جنون

حسين ابا عبدالله .... حسين ابا عبدالله
*
الدمــعـه قبلك تحــــضر اكيد
لمجلس عــــزائه طلع الجروح
من تدخـــــل كون فاگد اخوك
ارجع بس جسمك ابلايه روح

اجـروحي اعله اجروه اطبگهن سوه
الما يدخل من عنده بريتي مو هوه
ما محسوبه ايامي الماهي ابنينوى
بالضلمه افتح عيني والگاك الضوه

ياريــتي انته وهواها
وجروحي يمك دواها
الدنيه كلهه وسـماها
تبجي عيون
حبك جنون

حسين ابا عبدالله ... حسين ابا عبدالله
**
خالقنه شيعه نبجي عليك
نطفي العيون لاجل الحبيب
احنه الغرب وانته الاصيل
ايعجبني اليگول انته غريب

تستاهل كل دمعه او وجنه التحترگ
يارزق العيـشنه ودخلنـه ابــــ عشگ
والميت بخيامـك حبك من صــدگ
جــــم عابس بحروفك ابگلبه يــدگ

حبك اخذنه وسبانه
بس انته صارت سمانه
ونتتفسك ابـ هوانه
وللشده عون
حبك جنون

حسين ابا عبدالله ... حسين ابا عبدالله
**
لون الضريح وكت الغروب
يسطع عشگ بس من حسين
لـــو تاهت ولو ضاعت عليِ
اوصـــل الك لو مدري وين

اتعــنه لشبــاكك ابكـــل الـــشدد
احضر انا و وجرحي صــدك ما ارد
تطـردني بـــلا ودام ارجـعلك عبد
من عندك ما اشبع ياعـــطر الورد

يا اهلي انته واخوتي
يجبرني يمك سكوتي
انته بدعائي وقنوتي
ياسيد الكون
حبك جنون

حسين ابا عبدالله ... حسين ابا عبدالله
***
خادم القصيده
#عزيز_ المياحي

ام البنين قاضية الحاجات


باب الحوائج كلهه حنين
انطت زلمهه لعين الحسين
تكضي الشدايد ام البنين
كرمهه الله ورفعها

ام البنبن .... ام البنين
__________________________
اربع نجوم خلفت سماج
ام الفحول حيدر خذاج
بكلبج عشگ بس لحسين
اربع زلــم هــاذه فداج

كلج كرامه وغيره وعطاء
عنوانج انتي رمز الوفاء
تتباهه بيج ام الحسين
يم الله الج خلت رجاء

باب الله انتي بابج جبير
الما يــصير بسئمج يصير
انتي اميره وزوجج امير
البسمج الله سمعها
كرمهه الله ورفعها

ام البنين ... ام البنين
________________________
ابـــــ كربله وديتي جيش
والـــي يموت يمج يعيش
كلهــم فده لعين الحسين
بعتي الحياة ماكلتي بيش

يافحـًله مــن خــلفتي الكفيل
ساقي العطاشى بجفه الجليل
ابـــ فتحة عيونه كل الـحياة
ينطيهه منـضر كــلش جميل

ماكو ابــ وفائج ماكو تره
يم اسمج انتي ماكو مره
امنج الله يـــم حيـدره
والدنيه يمج وضعها
كرمهه الله ورفعها

ام البنين .... ام البنين
________________________
الدنيــــه حيــل شحت عليج
وحسين ويــــن ضل مايجيج
الـ اعتقده راح بدوس الخيول
وضليتي انتي تصفكين اديج

فگدتي الحبيب وابن الحبيب
مات ابجروحه موتت غريب
ضل عاري محد شاله وخذاه
وضليتي انتي بگلبج نحيب

الدمعه تنزل بــس بجـروح
فگدتي ولدج ابلايه نوح
نوحج او ونج بس المذبوح
هاي الحياة او وجعها
كرمها الله او رفعها

ام البنين .... ام البنين
________________________
جاج الخبر حسينج شهيد
انعــــى بــشر ون لا تهيد
ام البنين مــكسوره حيل
تتمنــه موت ضلـــت تريد

بجروحج انتي عشتي وراه
بالحسره حيل تلجمج الـ اه
اليفگد حبيب يتمنه كـــون
يتمنـه كون مـــوت الخذاه

يادمعه بعيـــون الزمان
كلج وفاء وغيره وحنان
والناده بيج حس بالامان
وعيونه يمج دمعها
كرمهه الله ورفعها

ام البنين ... ام البنين
________________________
تسهيل امـــر يمج يسير
والزارج هيج حضه جبير
باب الحـوائج انتي اكيد
ام البنين تنطــي اليحير

من الاشاوس طالع ضواج
البريته خنگه يشتم هواج
اليبــجي حسينج لا ما يرد
تنطيهه بيده اليحصل رضاج

يـــم الكل انتي ومولاتي
ياعين ابحـضرة دمعاتي
مقصرات ابحقج چلماتي
الصعبه جاهج دفعها
كرمها الله و رفعها

ام البنين ... ام البنين

________________________
خادم القصيده
#عزيز_المياحي
#شور

الفارس الشجاع

ابو فاضل ... بشر ما يتكرر
ابو فاضل ... اسمه وارث حيدر

دخيله ... دخيله
________________________

برسومه شايل علي
بعيونه ماتت زلم
ماينغلب لو دخل
وبضهره ثابت علم

ليث الحرايب
قائد محارب
اليگربله ميت
لو شافه غاضب

دخيل اسمه ... وبرسمه ... ترجف الگاع
مايهتز .... بس ايحز ..... ابروس السباع
والشافه. ... ما شافه .... من الخوفه ضاع
حبيته ...... وسميته ....... فارس شُجاع


ابو فاضل ..... الگابله يتعور
ابو فاضل ... اسمه وارث حيدر
دخيله ... دخيله
________________________
ابعينه حومه وخيم
ولحسينه ينگط عشگ
حضر مهرته او نزل
بالمهره يسحگ سحگ

بالمهره حامل
ماحي الجحافل
ضل يمحي بيهم
وبصوته قائل

بعالي الصوت .... انا الموت .... احرگ زلم
حيل ايهد .... ..من ايشد ..... يترسهه دم
بصولاته.... او حملاته ......... العسكر ندم
والعرگه ...... يحرگهه ...... حامي الخيم

ابو فاضل ........ منو لجفه يگدر
ابو فاضل ...... اسمه وارث حيدر

دخيله .... دخيله
________________________
بالجربه شال النهر
وللخيمه جابه سحل
ياهو اليلاگي الكمر
جف ايده لا مو سهل

ليث الكتيبه
عيونه عجيبه
لو فك جفوفه
طاحت مصيبه

من عنده ..... وبزنده .... الكل جلبت
القاده ........ والساده ......... منه جرت
من صدره...... وابنحره ..... الخوه بدت
كاع الله ..... ابئسمه ......... هل هودت

ابو فاضل .... ابحضرته اتشم عنبر
ابو فاضل ..... اسمـه وارث حيدر

دخيله .... دخيله
________________________
بالحضره اشمك هوه
ابصدري يدخل چفت
ما شفتك وامنت
وبالحضره يمك خفت

للشده اهلهه
بيدك تحلهه
الدنيه عوجه
وچفك عدلهه

نستلهم ..... ونتعلم ...... منك وفه
ابگلبك ....... وبحبك ..... جم عاطفه
كلك حب.... ولزينب ..... صوتك خفه
ياكلي .... ويا اهلي ........ حبك شفه

ابو فاضل ..... الصعبه بسمك اعبر
ابو فاضل ... ... اسمه وارث حيدر
____________________________
خادم القصيده
عزيز المياحي

عطــرك تطـشر اه يا حسين
امك تموت و تمشي السنين
بين المصايب جرحك يصير
وانته الحنين او جرحك حنين
اجروحه هواي
عطشان الماي
عريان او نام
ابلايه افياي
اسمه المذبوح

احسين احسين
____________________________
بذكرة امصاب امك احنه نذكرك
ابـ محرم فاطمه انشــم عــطرك
كســر ضلع امـك يشابهك كسرك
فـرق كسر الضلع عن رض صدرك

رض الحوافر جرحه جبير
امك اميره وانته امير
حسين اليجيك من الله لذيذ
والي يريده ربك يصير

ايامك وين
امك يحسين
كاسرهه الباب
ومسطوره العين
كاتلهه النوح
اسمه المذبوح

احسين احسين
____________________________
تبجي بفراگ امك اتهل دمعك
الخيل باجــر هم تكسر ضلعك
فوك كل هالخيل ينحز صبعك
هم شتم وصياح يترس سمعك

بيك السوالف كلش غرام
نعمه انته ويدوسونك حرام
امك كسرهه الباب او جروح
بيك انته تدري مسك الختام

بـ امك احساس
باجر تنداس
شافت بالطيف
رمح اعليه راس

اتشمك وتروح
اسمه المذبوح

احسين احسين
___________________________
بيوم عاشر طبگت السبعه طبگ
والوگف لحسين بالخيل انسحگ
والسهام ابكــل كتر جــتك رشگ
حسين اسس ممـلكه كلهه عشگ

يومك جبير او مامنه يوم
لضلع امك انته شايل هموم
عاري او سليب وكلك سهام
نايم خضيب ابلايه اهدوم

حبك بالراس
بجاه العباس
حبيتك حيل
روح او احساس
تارسني اجروح
اسمه المذبوح

احسين احسين
____________________________
تحول البـسمار حــــافر بــ الطفوف
الداس بيت الله كطع بيده الجفوف
النار ما تعـرف و لا تـكدر تـــشوف
دارت اعله حسين كثرانه الـــسيوف

من امك لحد قتلك جروح
مكسوره امك انته مذبوح
دارت عليك وانته وحيد
عشت الحياة امفاركلك روح

عشاگك دوم
نذكرك كل يوم
شارينه حسين
سوگ ابلا سوم

عليك احنه انوح
اسمه المذبوح

احسين احسين

____________________________
خادم القصيده
عزيز المياحي

شمس الصباح
متروسه حزن
اه وصياح
ابيتج يم حسن
يافاطمه مكسوره ليش اضلوعج
يافاطمه
""""""""""""""""""""""
شمس ماطلعت سلامه
اختفه ابيتج الفرح
روح طارت كـ الحمامه
زغير عندج انذبح
علي متهشم غرامه
عاش عمره منجرح
راح كل عمره وهيامه
عينه سهرت للصبح

ميت علي
من وره افعال الطغات
ميت علي
ابداخله جم صبح مات
ميت علي
كرهه عگبج الحياة
ميت علي

ابـ ونه ناح
اه وصياح
يافاطمه مكسوره ليش اضلوعج
يافاطمه
"""""""""""""""""""""""""'
حسينج يصيح ييمه
يبجي ويلوع ابقهر
من الزغر ويشوف حرمه
گبال عينه تنهطر
عاش عمره بصدره هضمه
ضلت اوياه للكبر
كبر عاش ابگلبه سهمه
عاش لوعات وهجر

صايح عليج
يمه گعدي راح اموت
صايح عليج
الهوه بصدري ما يفوت
صايح عليج
جرحي اشكي بالقنوت

كل عمره راح
اه وصياح
يافاطمه مكسوره ليش اضلوعج
""""""""""'"""""""""""""""""
زينب ويه الحسن بيهم
الم يوجع مايطيب
هوه الي امه ماتت
يقتنع هم ابطبيب
ريحة بيهم حيل فاحت
ريحة الفاگد حبيب
جروح كثره حيل هاجت
عمر خلصو بس نحيب

الگلب مات
وانتي معناتج گلب
الگلب مات
وين ما راحو غرب
الگلب مات
العيش من دونج صعب

بيهم جراح
اه وصياح
يافاطمه مكسوره ليش اضلوعج
""""""""""""""""""'"""

نشوف حيدر شنو حاله
من فگد ام او ابن
شلون شيصبر عياله
وهوه متروس ابحزن
فلشو بيته او حلاله
بالترب راح الحضن
عرفنه نقطه من خلاله
المات عشگه ينسحن

جرحه الجبير
عاش كل عمره عذاب
جرحه الجبير
خله بيته ابلايه باب
جرحه الجبير
عشگه حصه للتراب

بالحسره ناح
اه وصياح
يافاطمه مكسوره ليش اضلوعج
""""""""""""""""""""""""
فاطمه يوم القيامه
تروح تتشكى لمحمد
ترضه ايدين الضلامه
بويه ع الزهراء تنمد
انا خلفت الامامه
والدليل السطره ع الخد
جيش هجمو وانا حرمه
واكف ابابي يهدد

ثاني لعين
راد يقضى ع النبوه
ثاني لعين
انطه بالزهراء فتوه
ثاني لعين
سوه بالاسلام فجوه

انلعنه راح .....اللهم العن عمر
اه وصياح
يافاطمه مكسوره ليش اضلوعج

خادم القصيده
عزيز المياحي

ياروح حيدر رحتي منه ابسرعه
فراگج يهــز جرحه وينزل دمــعه
ليله الطويل
اه او عويل
ايناجي ربه
_____________
ثمن طعش عمرج زغيره
بگـلب حيدر بس جبيره
انــتي ســماج الامـــيره
فاطمه
جرحج الكلش صعب
عاش عگبج بس غرب
حــيدر الفــاگد گـلب
ارتمه
ع التراب من فگد حبيبه
يبجي حيل وانسمع نحيبه
انتي وين وهوه بس يريدج
يمج راد كون الموت ايجيبه

قصة عشگ عايشهه حيدر صعبه
من دون عطرج يگضي ليله بغربه
دمعه اليسيل
اه او عويل
ايناجي ربه
__________
جرحه واضح جرحه باب
يذكره بذاك المصاب
يعيش لوعات وعذاب
غيابج
من بعد فگدج بده
ينام يكعد وحده
فراگج البي ماهده
مصابج
حيدر راد يحرگ الطوايف
ابن الخطاب رد يمشي خايف
الله يلعنه هوه ويه گومه
خلف الباب طشر السوالف

بنت النبي وضوگوج طعم الكسره
شوفي ابنج الميدان صار ابصدره
سحگته خيل
اه او عويل
ايناجي ربه
____________
حيدر ايضوگ الهضيمه
بگلبه شايل جم حريمه
يشوف عامل الجريمه
بعينه
يلوع من يشوفه يمشي
موصى ما يفعله اي شي
وانتي جنتي عنده كلشي
سنينه
كلهن فگدهن من مشيتي انتي
مولاتي انتي سوالفه وسالفتي
والرضه بقتلج موت اله اهوه واهله
الله يلعنهم دوم هاي ابشفتي

منهــم الـــى الله والج انا اتبره
مواليج بالدم انا اشــهر نصــره
انطيج الدليل
اه او عويل
ايناجي ربه
___________
ضلعج انتي كله نار
مثل بتج والزغار
ماكو حامي ولاكو جار
ايعينهم
تشابهت هاي او يذيج
ماكو عوان او يجيج
مثل بتج تالي هيج
والينهم
شفتي بعيونج زينب المسبيه
شنهي الجره عليهه وغدت محنيه
ذبحو اخوها وكل اهلهه راحو
ردت طرگ نسوان ما ملويه

صــبر آلعقيله كبـــر فـــاق احدوده
ثمن طعش عمرج يم حسن معدوده
شمعة الليل
اه او عويل
ايناجي ربه

خادم القصيده
عزيز المياحي

لسان حال السيده زينب ع والامام علي السجاد ع
بعد مادفن الاجسام الطاهره

من دفنت احسين عمه تغيرت حيل
شفت بعيونك حزن ودموعك اتسيل
ياعلي حاجيني
زيدتلي ونيني
كسر ابوك وانته تجمع بالــمچــاتيل

ياعلي رديت تمشــي مغورگه العين
وسدت عبدالله فوگ ابصدر الحسين
هــم نقلته بالگــبر ياعمــه مــرتــين
من دفنته شــلون حاله زين مـو زين
ياعلي صدره انفرش
شلون شلته بالنعش
شلون لميته وجمعته لجثته اتشيل
كسر ابوك وانته تجمــع بالمـچاتيل
ياعلي حاجيني
زيدتلي ونيني

ياعلي من تمشي شو مكسور ظهرك
بليله وحده شو خلص ياعمه صبرك
دفنت ابوك وسلمت للــباري امــرك
بليله وحــده صــار بالـــسبعين عمرك
ياعلي ياعمه اصبر
انا هم ابروحي اقهر
مثل جدك علي صير وصاحب الليل
كسر ابــوك وانــته تجمع بالمچاتيل
ياعلي حاجيني
زيدتلي ونيني

استوطنت بيك المصايب واعتله النوح
ياعلي من اذكـــر ابوك اتزيد الجــروح
ذكريات الطــف جبيــره ابــالي متروح
مــن اذكــر العباس نــام اگبـالي مذبوح
يا علي بعـينك حزن
وانته ماتحجي وتون
ليش وناتك علي ايصيرن تراتيل
كسر ابوك وانته تجمع بالمجاتيل
ياعلي حاجيني
زيدتلي ونيني

عمه بس حاجيني شو صوتك خنگته
مــاي بــديت اعــله گــبره لــو تــركته
ضامي مات او طــاري الميــه كرهته
كل نفس غالي اعله گبره ابحرگه عفته
ياعلي باجر سبي
وتحترگ حته العبي
كل بنات المصطفى فوگ المهازيل
كسر ابوك وانته تجمع بـالمچاتيل
ياعلي حاجيني
زيدتلي ونيني

ياعلي احــجي يعمه او رجع الـصوت
ياذي دخــان الخــيم والــهزل اتـفوت
لو شــفت عــمتك سبيه يمكن اتموت
تحجي بالدمعات بس دمعتك ياقوت
ياعلي هاذه القدر
نصبر ابهاذه الامر
بالحوافر شوف عينك سحگته الخيل
كسـر ابــوك وانتــه تجــمع بالمچاتيل
ياعلي حاجيني
زيدتلي ونيني

هيج صــار ابحـال اخوي ابن الزجيه
انسـلب ثوبه وانسحگ بالــ اعوجيه
ودارو الجيش اعله اهله ابهل مسيه
والجثث ع الغـبره نامت ع الــوطيه
واحنه شدونه بحبال
والخــوارج ذاك گـال
احنه اخذونه سبي فوگ المحاميل
كـسر ابـوك وانته تجمع بالمجاتيل
ياعلي حاجيني
زيدتلي ونيني

خادم الحسين
عزيز المياحي

قصيده بعنوان ( گمر غافي)

يا عباس شــايل چـــم جود ابجفينك
راسك حار او ماتنقاس الدنيه بعينك
جنك رساله ونزلت من السمه
عباس هم ايصير ابن فاطمه

عله وجهك گمر غافي ويتامه هواي
ودبه حته النمل لمن رحت للـــماي
عله عيونك عزف حته النخل بالناي
الكفاله تريد واحد يعطش او وفاي
الدنيه تموت لو ماشربت نص من جودك
وانته هواي نص للــدنيه ونــص لعــودك
لو ما عيونك كون كــله انعمه
عباس هم ايصير ابن فاطمه

بده بغيضك عطش واطفال بس اتلوع
طــفل طلــبوله مــاي ورد ابو مفجوع
اليـطلب ماي يرجع بس نحـر مگطوع
صوت الريج من العطش ضل مسمـوع
وجـــهك نـــور ايشــع لــحسين او للخميه
وصــيت المـاي طــــلعته وانــطيته قــيـمه
وجهك علاج يشربه كلمن ضمه
عبـــاس هم ايصير ابن فاطمـه

اضـن عــندك عطاشه هواي كلهه زغار
واضــن عـندك خيام اهواي شبعت نار
شـمرو عله الــجربه سهام بــس كبــار
اليذبحك حــيل بارد وانته راسك حار
راسك حار وجـــان ايــسولف جــود لــزينب
وعـگبك طاحت تمشي اهلال او راس مشيب
رويت كل الــگاع مــنك دمه
عـباس هم يصير ابن فاطمه

مــطر مطرت عـليك الحومه بس اسهام
وحــرگ لايــح دليلًــك من حرگ الخيام
گطيعه جفــوفه حلـًوه اوياك حيـل اولام
وعــگب كسرك احســـينك ليله لا ما نام
كــسر احسين تعــده الــخيمه وطــر اعيــاله
مٕــات الــجود اوضـــع احــسين اتـغير حـاله
الضعن عگبك ما الـه اي حـمه
عباس هــم يصــير ابن فاطمه

طحت والضلمه كامت عله ضواك تعيل
وصـدرك صار مفرش للسحگ والخــيل
ونـــزل بــ الـلـهُ اكـــبر يــندبك جبــريل
هضم صار ابرقيه او ونـه طلعـت حـيل
كـلـشـي انـبــاك خـلافـك باكـو قـرط ارقـيـه
فـوگ الـضـيـم شـبــعـت چـويــات او مسبيه
سهم الهجر فوگ السبايه انرمه
عباس هم ايصير ابــن فـاطمه

✍️
خادم الحسين
عزيز المياحي

قصيده
بعنوان (صوت النحر)

تعبني يم عون الرمح يجوي الراس
بالغربه دهرج والمشي گبال الناس
ترسوج الام او ضيم
مسبيه بالغربه اتهيم
بالغربه دهرج والمشي گبال الناس

صـوت النحر يوصل الج يم عون يختي
ضـيم او الـــم مـن الرمـح عــور رگبتي
مًـن التفـت واســمع شــتم تنـزل دمـعتي
يوجعني راسي من الضرب لو طگج انتي
مهمــومه وبگلبج قـهر عيــني تشوف
واطفال ميته من الكتل ومن الخوف
من ع الرمح انضر ليج
ضــميتي الام البــيـج
خفتي ينضر ويطيح راس العباس
بالغربه دهرج والمشي گبال الناس

من ع الــرمح ضــل ينسمع زايـد ونينـي
شفــت الحــبل جر يمنتج فــريت عينـي
زينب قهر راسي انعـرف هـــايج حنينـي
راح العمر يابت علــي او راحـــن سنينـي
وناتي صارن ع الرمح عالي الصوت
كل خطوه تمشيهه ابئلم بيه اتفوت
بعيوني دمع ودم صار
نار اشــيــطـــفيهه النار
نار الحــوافر والصــدر ذاك انداس
بالغربه دهرج والمشي گبال الناس

ما اكدر احجي ولو حجه ينسچب دمــعي
يم عون لي هسه السحگ واجعلي ضــلعي
ولــي هسه امناغه الولد تــارسلي سمــعي
شكد مو حلو صيت الذبح صار اعله صبعي
مو خوش مشجوخ الرمح كام يطيح
تالــيهه راس ابــن امــج اتهـزه الريح
جروح السبي حيل هواي
مـن الله لا ينـــطي الماي
سواها بيج وسوط لمـتونج جاس
بالغربه دهرج والمشي گبال الناس

محــتاجـه كــلش لـلـحضن والــراس عالي
يا زيــنب او دمــع الــجفن شگگ خــيالي
لحــضن الــزچـيه فــاطمه مـشتاگ بــالـي
شــما اذكــر لــباقي الــصور ينــذبح غالـي
ياخويه كل ما اقترب منج حيل
اشتاگ لمي فاطمه ودمعي يسيل
كل ذكره يوجعني عتاب
بجروحي طايح جم باب
يكسر ضلعهه الباب مابي احساس
بالغربه دهرج والمشي گبال الناس

اخـــر رســاله مــــن الـــنـحر زيــنــب اه
جم لوعه صـــارت جــم جــرح جم ويلاه
وجفوف فـــوگ المــشرعه اتــشل مگفاه
وجرح العبي وجرح الطفل منه احـــاه
يازينب اسوالف نحر وصلن الج
من ابن گــلبج الحـسين امدللج
جروح العشك هيج تريد
كــل يـــوم تــكبـر وتزيد
جروح وغرام بهل عشگ ما تنقاس
بالغربه دهرج والمشي گبال الناس

✍️
خادم الحسين
عزيز المياحي

اه يزينب وين رحتي
هاي عدهم ناگه هزله
ابد ما واحد ركبهه
صعدو زينب عليهه
راحت وشامت ضربهه
هاي زينب بس اسيره
هاي بت بيت الدلال
هاي ابو فاضل ضواها
وهسه بيهه الوكت مال
وين جانت وين راحت
جانت امن تكول اخ
تنگلب كل المضايف
شيوخ ماتت من وراهه
هيه غير ام السوالف
عين جانت لبو فاضل
جان بس بيهه يشوف
كعبه هيه ابيت حيدر
وكلهه تتوضه وتطوف
اورثت اوصاف فاطم
وجانت تحضر عبايه
كلهه تسئلهه يزينب
هاي المن هاي المن
كالت اليوم السبايه
ادري يوم حسين يكتل
وما اكو اعظم منه يوم
لجن يومج اه زينب اه زينب
حسره بــ الدلٰال دوم
حملت انواع المصايب
تحملت ضيم الجهال
تحملت كل سوط جارح
تحملت كل الثگال
لانبي يصبر مثلهه
ولا بشر يحمل وجعهه
زينب ابحرگة گلبهه
تبجي وتنزل دمعهه
تعاين وعدهه عليل
تلاثه وثمانين طفله
نوگ كثره وسوط يضرب
والحبل محد يفله
احتارت ابطبة السوگ
غمضت تمشي كثيفه
شلون باجر بالمجالس
تدخل بنص الشماته
وكلهه تحجي اعله المحابس
حيره والله اعله الاميره
من ترد صوب المدينه
ماكو احد من اهلهه
كلهه تسئل تسئل
حسين وينه
حسين وينه
وزينب ابعبره حجيهه
ماتن اسنيني الطويله
جفوف وعيون وشريعه
ماتن او ردت عليله
ورد جوري ابنحره شفته
بنحر عبدالله الزغير
وين راح الورد كله
شمه طف الله الجبير
اه زينب تعب گلبج
واخر حاجايه ارد اكلج
زينب انتي مو اسيره
الكون كله فده لجدمج
اه يزينب وين رحتي
_________________
عزيز المياحي

يشــايل راس ابـن احسـين جيبـه
العطش من ريجه ضل يطلع لهيبه
عبدالله
سباح الگلب
عبدالله

يشايــــل راس عبٕــدالله ولــك ليش
راد امــيـــه هـــــوه غثــكم ابيـــش
تذبحــونه بســهــم جتـــال افيـــش
اعله عملت حرمله ضل يصفگ الجيش
هاذه الــشايلـه الله يعــثـره
وبدلاله كــون تطــيح جمـره
وكون سهام مو واحد بنحره
تذبـحون الطـفل والـلـه مـصـيبـه
العطش من ريجه ضل يطلع لهيبه
عبدالله
سباح الگلب
عبدالله

حســـين احــتار مـا يگـــدر يــرده
زغيـــر الطـًفل عــمره بعــمـًر ورده
تفطمًــونه بسهــم مـــا كــبر بعـده
ابو من الالـًم ضـل يبــجي وحده
حسين وصـاح بويه اللهُ اكبر
راد اميه گطـٕــعو اله منــحر
مـات اوليـــده دلالــه تــوجـر
حســين او ميــت ابيــده حــبيبه
العطش من ريجه ضل يطلع لهيبه
عبدالله
سباح الگلب
عبدالله

مــا عــنـدك ولا گطــره من الاحساس
گطعت گــلب الـرباب ابگطعت الراس
يشـايل راســـه كـون ابـخيل تنـداس
وكــون الـلـه يسـطـرك بـيـد عـبــاس
ذبحتو وليده ادري بياجريمه
باجــر ينــدفن ابــاب خيــمه
وامــه تصـيح يايمـه هضـيمه
امـك رادتـــك بــــالــكبـر هــــيبه
العطش من ريجه ضل يطلع لهيبه
عبدالله
سباح الگلب
عبدالله

رمحك حـــيل يــوجع يله وخـره
عوف ابن الـــرباب وعــوف نحـره
كطــعتو راس ابو من نفـــذ صبـره
مو كـافي سحكتو بخيًــل صـدره
طلعتو لزينب ابجيش الشماته
شلتو الروس واحتارن بــناته
ولطمن ع الوجه كلهـن خـواته
واخــذتو زينـــــب لــديره غــريبه
العطش من ريجه ضل يطلع لهيبه
عبدالله
سباح الگلب
عبدالله

هذول ال النبي ويـن الشــرف وين
گضيتوهم ذبــح گـدام كـــل عيـــن
وحــٕـرگتو فــوگهم كــل الصـواويــن
ورمحكم شــال عبــدالله والحسين
شرد احجي عليكم وارد اكوله
بـال البيــت ســـويتو بطوله
مــاعـدكم ولا ذرة رجــولــه
جثثــهم ع التـًرب نامــت سـليبه
العطش من ريجه ضل يطلع لهيبه
عبدالله
سباح الگلب
عبدالله

خادم ام البنين
عزيز المياحي

زينب ... محروگ گلبج بالضعن وتونين
زينب ... ابيا كتر ضيعتي خنصر الحسين
راكضــه بــالهيمــه والنــاس تشــوف
حرگ الخيم واطفال ميته من الخوف
زينب ... مـــا ادري وين اتروحين

اه زينب اه زينب اه

ليـــل اهـدعش زينب اخذ منج حيل
ما نمتي ذيــج الليله من ركض الخيل
من كــربله ماشفتي بس لوعه او ويل
عگب الكفل الجيش بـم عـون ايعيل
باجر ... تشبعين بس طگ او شتم
باجر ... دايــر خيـًمجن بس زلــم
زينب ... بالحسره انتي تموتين
زينب ... ما ادري وين اتروحين
اه زينب اه زينب اه

شلون ابحصيره ينجمع كل هل طول
ايـــام نــــايم بالــشمس مــا مشيول
متوسد الكاع او زلــم حوله اتـجول
فوگ الحمل زينب اجتــج الحـمـول
ويلي ... مـات الورد والاحساس
ويلي ... ع النــهر ميـت عبــاس
زينب ... ع الناگه انتي تصعدين
زينب ... ما ادري وين اتروحين
اه زينب اه زينب اه

تصدين بالحومه حــرك مال اخيـام
راس الــولي زينــب ع رمــاح يــنام
عگــب الــدفن سفرتكم اتـصير الشام
محتاره انتي وعــندج اهواي ايــتام
ماتت ... كل غيره مــاضلت بعد
ماتت ... عباس بعده اعله الوعد
زينب ... من راسه يطلع الونين
زنيب ... ما ادري ويـن اتروحين
اه زينب اه زينب اه

مچتوفـــه ايدج زينب بعــگد احــبال
بت حيـــدر تگوم اتعثر شوف الحـال
تاليهـه تمــشي بالسبي اويـه الچــتال
لا ضل اخــو يحمــيهه لا عـم لا خــال
راحت ... مسبيه بالناگه اتحدي
راحت ... بالسوط خطوه تبتدي
زينب ... بالروحه مشبوحه العين
زينب ... ما ادري وين اتروحين
اه زينب اه زينب اه

بدرب السبي زينـب ايرامــون احجار
وبعيون اخوج اعله الرمح وجــت نار
تمــشين والــراس ايعــثر لنــه ايغــار
والسوط يضــرب ع الگفه كبار ازغار
دمعه ... من عيونج تطيح اوتهد
دمعه ... مرفوع راسه البل مهد
زينب ... ماتنفع الـ چلمة وين
زينب ... ما ادري وين اتروحين
اه زينب اه زينب اه

عبد ام البنين
عزيز المياحي

ركب مهره واتقدم حته يترس ماي
صفنت كربله ونستمع دبيي الدود

ابو فاضل طــلع مـن الخيم مختاض
ويسولف لسيفه اليوم اشبعك جود

اشبعك من رگــب ماسامعين ابموت
خسف گـاع الله بيهم من طلع هادود

اشبعك من رگب خيرهم اعله الماي
لابس شال اخته ويحجي هوه بزود

اشبعك من رگب زامطو ويه حسين
مايدرون عد حســين حر صـــايود

غنم خله الــزلم لمــن هجم عبــاس
كلهه تصيح بس امهلنه حته نعود

درب الشرده سده وقفل بيده الكاع
احتار الجيـــش يتقــدم يرد اردود

ابوفاضل شمس حراگه نص الصيف
وين الوجهه ابيض يطبگ ويه السود

ضم سيفه تعب عباس هد بالــ ايد
نسمع بالخيم بس سطر مال خدود

وابو اليمه ندهله كله ياعباس بهيده
الجيش خـل ياخذ نـــفس مگــرود

ادري انتــه الكفيل وكافل الــــقران
وتقــدم العين انته وتگـــطع انته ازنود

ريض بالحـــرب لا تنحـــسد عباس
تره خلافك حسين يصير مشيه بعود

تره خلافك ام عون تموت مثل الطيف
وتسافر درب غربه ابحــبل معگود

وعيالك تضوگ الهـجر من اتطــيح
او اولاد الزنا ايگودون بيهم گود

#عباس_نحنو_بحماك
#السلامُ_على_ال_الله
✍️ عزيز المياحي