قصائد استشهاد مولاتي الزهراء ع




#خطاب_مولاي_امير_المؤمنين_ع_لسيدتي_الزهراء_ع
--------------------------

الحزن ليش بتفاصيلي يحب
يستوطن ويگعد

فرد زهره الي چانت وبعدها مابقالي احد



انه وگلبي تباصرنه وحچينه
بعد ياهو الذي يسمع بچينه
طفت گمرت حياتي وگمرة البيت
مشت زهرة حياتي والحنينه

_______

يذكرني بمحاچينه مچان البي گبل نلتم

يالتعرفيني من اگبل ولو بليل وملثم



منو يلم حيلي بعيونه وحتانه
الگلب مايرهم اتبدل مچانه
الهلا منج تزيح همومي الجبال
الموت شبي خذاج ماخذانه

_______

عله الباب من اريد اصفن شتجي بالبال ياذكره

بچفج من تفتحينه الي لو شدة العصرة



يباب الدار وينك خل اشوفك
اجيك بحسرتي وبضيمي اطوفك
اشد گلبي اعله بسمارك نياشين
ولا اكدر اشلعك لا اعوفك

_______

تنام عيونها الوادم واروح بعيني لطيوفج

واگولن بلكي لومره بحلم وتصادف تشوفج



اغمضها ولاقصدي انه راحة
ولا اتعب عليج من النياحة
اريد تصادف عيوني خيالج
اگول بحلمي بلكي الگالي راحة

_______
الضاهر خلصت العشره وخذاج الموت من عندي

شيقنع روحي واتصدگ مماتج يابعد چبدي



بعد مالي امل بس موتي يقرب
علي من دنيته صار يتهرب
يريد يموت خاطر يلقتي بيج
لان من ذكرياتج حيل متعب

_______


طالب الصالحي