الناشر غيث اللآمي(للقصائد المنبريه)

[ نعه الناعي ]
[  بسم الله الرحمن الرحيم  ]
نعه الناعي ودعو الكاظم المسموم
ودموع الحزن تجري عله المضلوم
..................
من سجن السجن ايات تترتل
عله جتاف الحزن مگوك المغزل
يخيط  بالجرح  والألم  يتنقل
بچفوف القدر من أهله ضل محروم
..................
لوحلت صلاته الواجبه يسأل
سجان السجن ياوكت هذا اقبل
مظلمه ياخلگ طاموره ما تحمل
بني العباس شيمتهه الغدر هالگوم
..................
سنينه خلصن بالآه والدمعه
عله جسر المنيه اليوم نودعه
نواسي عالمصيبه الطاهر البضعه
يعاني بغربته ومنه المنيه تحوم
.................
يعاني بغربته واعله الجسر مطروح
وچبد الولي مچسم مابقت بي روح
عله فگد الغريب الشيعه كلها تنوح
حزينه ديارگم والي ضلم ميدوم
.................
حزينه الدار من بعد الولي الطاهر
وعله فگده  الحزن  بالآه  متناثر
من ذاك المصاب ودوست الحافر
كل لليله ابو صالح يبچي بيها ادموم
..................
كل لليله الشيعه عنك ينشدون
يايوم الفرج  مولاي  مايدرون
غايب وين وبچف القدر مرهون
امر رب الجلاله لغيبتك محتوم
...................
#عمار_الحاشي

#عظم_الله_لك_الاجر_يامولاي_ياصاحب_الزمان

گضه عمره وشبابه ابين السجون
من سجن لسجن ما شاف راحة
خمس سجون شاف انواع تعذيب
وگضه عمره ايتلوه من جراحه
تعمة عيونة لو شافت ضوه نهار
لأن ضي الشمس ما مره لآحة
بظلام السجن مطبوعات العيون
مايدري شوكت ليله و صباحه
أثنعش عام الحديد مشابگ عليه
لحد ما ورمت چفوفه وصفاحه
الگيد و ايده عشرة وعافه مسموم
عافه الگيد بس السم اجتاحه
كيان الدولة ذلة وهو مسجون
تربة و مسبحة جانت  سلاحة
علمنة العبادة من الطوامير
مو شرط الصلاة تحتاج ساحة
خذه كل حيله آخر سجن بغداد
بطامورة السندي طفه نياحه
و أجاه ابن السويد وگله مولاي
ضاگة و الفرج ننطر رياحه
گله ياعلي قربت الأجل حآن
يوم الجمعة من يطر صباحه
جنازة بلا اهل والغربة للموت
محد ورى نعشه علة صياحه ,
وآخر غربة ظل ع الجسر ذآك
يصيح الناعي وين اهل الجنازة
صح وحيد بس مو مثل الحسين
جده هنآك رآد الچفن عازة
فرق بالغربة هاية مو مثل ذيچ
حصيرة حسين صارتله جنازة

حسين علي التقي

ذابحني موتك ياابو الرضا
ومــن اذكــرك ابجـــي دما

يجرحني سجنك وتخـيــلك
بطامــــــوره ياعشــگ السما


///

ابجي .. من اذكرك وافكد عمر
ابجي .. وبكلبي انه نار وجمـر
ابجي.. وليمــتى ابقا منــتظــر


امشي بحسرتي واحـنيـلك ضـلع
تفاركنـي روحــي تــمشيـلك دمع
شما اذكر ابجــي واخلصلك شمع
ومن اسكــت اني صوتك ينــسمع

المهدي.. تجيك دمعاته ..
المهدي.. تجيك دمعاته ..

///

جسر الي شـالك صاير علتي
وبروحي جرحك ياذي الدليل

من اسمع اسمك تكبر حسرتي
وبــكلبي يعلي صوت العويل


///

جرحي ..من المصيـبه ماينـدمل
بكلبي .. حزنك لجمني ماينحمل
واذكر..جن ذيجه زينب فوك الهزل


شحـمــل مصـــابك لو طــف كــربلا
واذكــــر رقيــه ركــضــت بــلــفــلا
موتك يجــرني لــســبـي الـــعــايلا
دمــعــاتـي لجــلــك تبـقــا هــامـلا

المهدي.. تجيك دمعاته
المهدي ..تجيك دمعاته

//

ســابع امام وميــت بلـســجن
ودماعتي لجلك ترسم قافله

معقوله جبدك بلسم انســـحن
وطاموره صارت بيته ومنزله


///

كلشي ..صاير متاها وجرحك ضوى
كلشي..يــرســمــلـــي وادي نيــنوى
كلشي..لباب الحوائج يطــلب دوى


الطاموره حزني وجرحي والمحن
والســم كتــلكم انــتــه والحـــسن
اكـــضي الـــيالي بذكـــراكــم اون
وكلـــشي نسيته ورافگني حــزن

المهدي تجيك دمعاته
المهدي تجيك دمعاته ..

///

وهنانه يخلص صبري وانتفض
وجدمي يجرني يمك وانتظر

يضل كلشي بيه يذكر مااجرا
وايامي تخلص يابعد العمر


///

بگبتك ..نور السما يمك وصل
بموتك.. دمعاتي تنزل جنها خصل
انــي .. اخد بثارك مهما حصل


كلــشي مصـــيبه وموتك جبيـــر
وكلبي بـــــعــتبتك يبـــقا اسيــر
ويـــوم الزيـاره عــيــنــي تديـــر
احــسب جروحك وارجع احــير

المهدي تجيك دمعاتي
المهدي تجيك دمعاتي ..


ماجد بادي الحميدي

نزال .. زيارة موسى بن جعفر ع

ربــح كـلمن زاره .. ودخـل أمـن داره
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،

مـاخـسـر كـلمـن تـعـنــه الكـاظمـيه
شــرط زايـر يعـتـنـيـها مصفي نــيه
اليگصد الكاظم ابو جفوف السخيه
حـاجـتـه يگـضـيـها فـوگـاها هـديه

الحاجه اله يگضيها .. ومايحـيره بـيـها
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،
مايـرد كـلمن يجـيـه ابالـه حـسـبه
وحـتلو مايحـچـي بيها يعرف گلبه
موسى للحـيـران والملـهـوف كـعبه
الــ يـنـرزقــها ازيــارتـه الله يحـبه

هواي موسى اخباره .. مايــرد خـطـاره
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،
شكبره حـظه الي يزوره وصل بـابه
بشاره خل ينسه همومه وكل عذابه
والجرت دمعه لجل موسى ومصابه
ياخـذ اجـره بأيده من عنده وثـوابه

شماطلب واحتاجه .. نقـد ينـطي الحاجه
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،
ابو الخـير الكاظم او وافــر عـطائه
خـل يگـصده الي يعانـي من بـلائه
خـل يزوره بفـطرته ويطلب دعـائه
من السمه الله يجي المعـطي ندائه

ما اردك حـاير .. ابشـر ابشـر زايـر
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،
ولو تريد الحاجه هسه وموش بعدين
بعبره صير اگباله واجري دمعة العين
وحلفه بالمذبوح ضامي بكربله حسين
وبـالگـمر عباس عمـه الگـطـع چـفـيـن

ينكـسرلك گـلـبه .. ويگـضي الك كل طلبه
ابن جعفر .. ابن جعفر
،،،،،،،،،،،،،،،،،،،،،،،،،،،،،،،،،،
ومن تحـلفـه بعـمـته زينـب يزاير
الله يدري بداخله شنـهي المشاعر
مايـرد حـاجه اسمـها علـيـها صاير
ابـد مايكـسر للـيـحب عمته خاطر

اليبچي لجل امصابها .. كـأن طارق بابـها
ابن جعفر .. ابن جعفر

الشاعر عقيل الحسناوي..

قصيدة يلى كوموا عله الجسر والينه
تشيع نعش امام الرافضه ع👇😔💔

يلى كوموا اعله الجسر والينه
نشييع الجثمان وي مهدينه
................ .............. ..............
ابد موهينه علينه مصيبته
نار تتهامل دمعهه شيعته
وسف بالسم ذوبوها جبدته

حيل ذاك الوضع ضل ياذينه
............ ................... ................

عايش الألام واصناف الهضم
شاف ياماشكد عذاب من لخصم
بالسجن لوعات وهموم وضلم

وابد ما ساوم الطاغي بدينه

............... ................. ............

انفاسه تسبيح وترتل بالسور
يجري العبرات بهموم و قهر
راكع واساجد لربه بكل فخر

وعله ابنه الرضى عالي ونينه

............. ................ ...............

حارس الزنزانه ابد مايرحمه
تشابهت ايامه طف الملحمه
من القيود مجرح وينزف دمه

بالسجن خلصهه كل اسنينه

............ ................. .............

الليله ودعنه ومشه ولله الامر
نعيش باللجمات خلصنه العمر
نعزي ابو محمد الكلبه منكسر

برحلة الكاضم شبل هادينه

............. ............... ...........

لجن نبكه بدربه منعوفه ابد
كل سنه نجدد لبوصالح عهد
شيعته وللموت مانخلف وعد

يبقى اسد بغداد عايش بينه

............. ............... ...............
تمت والحمد لله
خادم الزهراء ع
الملا... ياسر الزيادي

في حق باب الحوائج موسى ابن جعفر الكاضم ع

مثل الخرابه السجن
يالكاظم لجدك تون.ــــــــ صبح ومسيه

تذكر عذاب السبي
والدمعه تحبي حبي.ــــــــــ عالخد جريه

عمرك خلص آالام.......بين السجن والشام
صبح ومسيه.....
ـــــــــــــــــــــــــــــــــــــــ
دوم الصــور بعيونك ادور
خيام وشريعه رماح بنحور

بحيطان سجنك يــالولي گاضيها صفنات
تتخيـــــل وترسم صور ضــــعن السبيات
بيدين عماتك تصــــــــــــــد آثار چويات
ياموسى رافگ مسمعك صرخات وآهات

بطيفك تشوف العجب
مالحضه عنك حجب...طف المنيه


تنام وتفز منــــــرعب
بمتنك تحس الضــرب..موش برقيه

تشتم حرگ الخيام...بين السجن والشام
صبح ومسيه.....
ــــــــــــــــــــــــــــــــــــــــــــــــــــــ
ون السجن لونينك اهـــــــواي
ماضــــــل فكر لا ضل الك راي

كلما يطر فجرك حزن تنــــــــعه المصيبه
شفت الحرگ بالك ركض صوب الغــريبه
لامـــــــــره نشافتلك ولا رگضت سليبه
بهذا الفرق گلبگ صبـــــــــح يسعر لهيبه

مهموم عالصار وحصل
لعمتك ولا واحد يضل...بالغاضريه

گلبگ نزف من الألم
چي زينبك شبعت شتم...من ال اميه

تاهت يويلي ايتام...بين السجن والشام
صبح ومسيه....
ــــــــــــــــــــــــــــــــــــــــــــــــــــــــ
لمن تباوع للسمه اتنــــــوح
تذكر كمر زينب بـــــلا روح

عمك وگع صوب النهر مگطوعه ايده
وزينب بقت بين الزلم بالطف وحيده
اتسكت رقيه امن البجي تبجي حميده
والمشـــرعه عن الخــــيم كلش بعـيده

من بعد ابوفاظل تره
عمتك بقت متحيره..... تبچي وتعاتب

الچانت عزيزه مخدره
مدمعها عالوجنه جره.... بين الاجانب

ماتـــرحم الايام.... بين السجن والشام
صبح ومسيه....
ـــــــــــــــــــــــــــــــــــــــــــــــ
بوضعك صرت مثل العقيله
وسط السجن دمعك تسيله

ليل السجن يشبه نعم ليل الــخرابه
چنك تحس بيها ونمت فوگ الترابه
دمعتها ودموعك سوه. خطن كـتابه
ويلي عله حسين الذي سلبـــو ثيابه

ترفع چفوفك للسمه
تصرخ يربي بفاطمه....... عمري اختمه

بالطيف شفته عالترب
ومترس انبال الگـــلب.. ومسلوب هدمه

ونذبحت الاحلام.... بين السجن والشام
صبح ومسيه.....
ــــــــــــــــــــــــــــــــــــــــــــــــــــــــــ
‏بالسم صدك جبدك تفطر
بس جسم ابو اليمه توذر

جسمك تغسل ونرفع نعشـك عله الهام وبجسم ابو اليمه بقت متربعه الاسهام جروحك تروح الكربله وترد عله الشام حته بوسط گبرك تضل تبچي عالخيام‏

جسمك تشيع ونحمل
جدك. بقى فوگ الرمل...سحگته العشره

تگول الجره عليه سهل
عماتي صعدن عــالهزل.... نگادن بحـسره

چفنك سهر مانام... بين السجن والشام
صبح ومسيه....
ـــــــــــــــــــــــــــــــــــــــ
تمت بفضلهم ع
خادم الزهراء ع
الملا ياسر الزيادي ٢٠٢١

صوت اونين..
آيحسين ....آيحسين ..
صوت امن السجن عالي ..
وصداه ايعود حافر خيل...يطش احروفه من يرجع
وآهات ابكثر شوغات عبدالله ..
ابسجن ينعد صبح يَمه ظلام الليل ..
صوت اونين...
آيحسين...
وهم عاد الصدى وياه..
بس هالمرة يا عطشان .(.يا عطشان..)
يظل الماي يعرگ لو سمع بيها
ويم باب السجن ونات...مسموعات ..
أمّ تنعى : "أدور عالمجالس مثل المضيعة"
وما گطعت بواجيها
(آيحسين )
من سمعت أجت..دمعة ابأثر دمعة ..
ومدري اشلون وصلت والضلع مكسور...
تمشي وما يخليها...
صوت اونين ...
آيحسين ...
وصار اوياها : يا مسلوب...يا مسلوب..
أول مرة هايه تصير ..
وجه الله اعله وجه اينام شو مگلوب....
اظن متعوب...اظن متعوب..
وهايه النومة مو حلوة...
( مو كلمن ينام اينام مرتاح
اكو واحد ينام امحمل اهموم ..
واكو واحد ينام وگلبه ملجوم
واكو واحد ينام امسلب اهدوم ..)
وجن جرحه الكلف يحجي : خدر الله انسلب يا ثوب..!!
ومن طاري الخدر زاد الونين اونين...
صوت اونين..
زينب وين ..
راحت وين ...باتت وين ...ماتت وين ...
وطلعت : يا درب يا سوگ و آه الشام ..
يا ديرة وخرابة وليل يا ديوان
مسبية وتگول الناس : هاي امنين
صوت اونين..
يا موتي ...
دنيت وانا مسجون بگبر دنياي ..
لا يمي الرضا ويغمّض اعيوني..
دنيت وهاي بجفوفي السلاسل هاي ..اموت بگيدي يردوني
دنيت وانا عطشان انمرد جبدي...
سمّوني.....وجفوا مايي...
مسموم الجبد...مثل الحسن يردون..
ومثل حسين محروم ابقى من الماي خلوني..
وهاي الليلة صوت اونين
( آيحسين يا عطشان يا مسلوب ..زينب وين)
ما يبقى...يموت الصوت ...صوت اونين..



قاسم المالكي

نزال للامام الكاظم ع
.
.
.

مظلوم .. مــوسـى ابــن جــعفر
مسموم .. مــوسى ابــن جــعفر

___________________

صارله اچـم سـنه غايـب والظـهـوره ننـتظر
گـالـو المـوعـد الجمـعـه بالرصـافه عـالجسر
اصدورنه ضاگت تراها ودخنـت مـن الـصبر
حـقنه لو مـوتنه هجره وهـذا حـال الينـهجر

المهجور .. گلــبـه ايتــفـطر
مظلوم .. موسى ابن جعفر

___________________

عمره خلص بالسجون وگضه من سجن السجن
الحاله حـتى السـجن يبـچي منكسر گلـبه ويون
اگلوب اليوالون موسى انترست وفاضـت حزن
صعـبه مـن شجرة محمد ينگـطـع هــذا الـغصن

والكون .. گـــلــبه تــكـــسر
مظلوم .. موسى ابن جعفر

___________________

تجري دمعات انتظاره وخضرت عالخد جرح
وهـالجـرح كـلما انخـيـطه هــم يــرد ويـنفتحة
مـن كـثر ليـل البواچي صرنـه مانـعرف صبح
صـار واحـدنه يحـس ابـروحه چــنه مــنذبح

والحال .. لا مــــاتـــغـــــــير
مظلوم .. موسى ابن جعفر

___________________

آ يضــحـويـة الجــمــعه اتــأخـرت چــنها سـنه
ويـم جـسر بغــداد الــنه بــيت الاحــزان انبــنه
شوگنه الموسى ابن جعفر يركض اويانه اعتنه
هــوه مــن گــد مايـتاني شـيب وظـهره انحــنه

ويصيح .. اللـــــهُ أكــــبــر
مظلوم .. موسى ابن جعفر

___________________

الجـمعه مـن گـالـو يجـينــه اعـيونه لامـاغـفن
النوب مدري اشبي اويانه گام مايمشي الزمن
اخـدودنه مــن المدامع غصـن ومـو بـس رون
كلـمـن ايفـارگ عـزيـزه لازم ايــشوف المــحن

صرخات .. كلــمـن تـنـــطر
مظلوم .. موسى ابن جعفر

___________________

الدنيه مدري اشصار بيها شو نحس بيها تميل
وبالسمه چـن مـره تبچي وعتله صوت العويل
اهناك لـن اربعـه شرطه اجنـازة الكاظم تشيل
احـنه مـن ذاك الزمـان ولـَـسه دمـعـتنه تـسيل

بالروح .. جمــراتــه تســعر
مظلوم .. موسى ابن جعفر
___________________

حيدر تركي الكربلائي

للامام الكاظم ع
.
.
.

ابصرخات الأمل .. ناديــنه العـجل
يايـوم الفـرج
يـالبـالمـعـتـقل

___________

وينــك اويــنك نـحـس بيـــها بعـــيده
هـواي محتاجـينـك وشخـصك نريــده
ابكــل صــلا هــذا الدعاء احــنه نعيده
عــجــل اللــهــم بالــطلـعــه الــرشــيده

هجـرك مـاكـمل؟ .. ناديــنه العـجل
يايـوم الفـرج
يـالبـالمـعـتـقل

___________

والله يـامـوسى ابــن جعـفر مــو بـدينه
نــار هــجـرك مــاطــفـت مشتعـله بــينه
الفـرگه تكـتـل لـو عـلى الفـرگـه بـچـينه
عـــجــل الله فــرجــك يـمــتــه تـجــينه

الهم بينه اشتعل .. ناديــنه الــعـجل
يايـوم الفـرج
يـالبـالمـعـتـقل

___________

اليـرتــحــل لابــد ايـعـاود مـــن رحــيله
اعلـيك ننــشد ويــن هــالغـيبه الطـويله
بـــالـفـرج دائـمـاً شخــصــك ننــدعيــله
وانتــظارك غـيــره مــاعــدنــه وســـيله

واحـدنه انـذهـل .. وناديــنه العـجل
يايـوم الفـرج
يـالبـالمـعـتـقل

___________

انــرتــل ابـــأيــات حـــزنــك أيــه أيــه
ابمـصحفك يـومـيه نـوصـل للــنــهايــه
تــره غـيمــه شوفـتك واحـنه ضـمايــه
والسـنين اعجـاف راوتـــنـه المـــنايــه

غيــثك مانــزل .. ناديــنه العـجل
يايـوم الفـرج
يـالبـالمـعـتـقل

___________

اعيــونـه ابيـضت تــره يـابــاب المــراد
مثـــل صـــبر ايـوب لازم الــنــه يـــنراد
اعلـيك نســأل والسـؤال ابـهالـوكت زاد
( آ بسجن السندي ام في سجنِ بغداد )

وين ابيا محل .. ناديــنه العـجل
يايـوم الفـرج
يـالبـالمـعـتـقل

___________

النـه يمـته اتـعـود مـو تـعـبنــه الغــياب
وشاب راس الگاع من گد هذا المصاب
ابكـثر ماطـاحن عـليه دمعـات الاحباب
كـون عـنده اللسـان ويـسولف هالتراب

وَيــانــــه ســـئل .. ناديــنه العـجل
يايـوم الفـرج
يـالبـالمـعـتـقل
___________
حيدر تركي الكربلائي