حماس بدري عابر
ته د سولې سپین ریبار یې مجاهده
د رقــیب د سترګو خار یې مجاهده

ته د ماتو او زخمي زړونو درمـل یې
ته سپــرلـی یې ته بهار یې مجاهده

ته منصور یې ته خالد د وخت موسی یې
ته سپین لمر یې ته سهار یې مجاهده

هر یاغی مغرور ستا شملې ته خم دی
ته د هر باغي تزار یې مجاهده

ته پالوونکی ته بچی یې د دې خاورې
هر دښمن لره ښامار یې مجاهده

هسک ساتلی تا شعار مو د نیکونو
د ننګونو دنګ منار یې مجاهده

که جهان دې ټول دښمن شي د زړه سره
د عابر به بیا هم یار یې مجاهده
@hamas_badri