هو البگبله انتَ يحسب حزنه عيد
عيدي من اتخــط جدامـي بعتبتـك
يالـــ معيشني بعشگ مــالــه مثيـل
عيـدي من تنزل دموعـي بمجلسك
انتـه عيــد الحب ومرجــع للهيــام
ومنــك احنــه ومــا نرد لا بس الك
زحمة لـو غيرك اعيـد يالــــ حنيـن
وآنــه عيدي مــن اشــوفن گبتــك
جمرة كاعد وسط گلبـي من صباي
و أدعــي لآ تبـرد و أجيـك اتوسلك
خادمـك لا والله هـم جبيـرة هــاي
عبـدك و رايــد بكلشــي  يواصــلك
وانتـه مــا تگطـع وصــال العاشقين
يالـــملكت احسـاس گلبي ومــاملك
دمعة رزقك رحمـة حيل جبيرة هاي
وسعـــت كـــل الــمجالس رحمتــك
حتــه لو درت الوجه تاخذني لــيك
وانتــه منــطيني قبـــل لا أســألــك
حتــه مو نظـرة ردت رايــد رضــاك
يــابو الاكبـــــــر والله مــا نستاهلك

#ومن_مثلك_حبيب