Muvaffaqiyat haqida
Bilasizmi, arslonlar ov qilar ekan, hujumlarining 75 foizi muvaffaqiyatsiz tugab, faqat 25 foizigina muvaffaqiyatli yakunlanar ekan. U koʼp ovlardan quruq qoʼl bilan qaytsa-da, ammo hech qachon umidsizlikka tushmaydi, qayta-qayta ov qilaveradi.
Baliqlar tuxumining yarmi talofotga uchraydi.
Yangi tugʼilgan ayiqlarning deyarli yarmi voyaga yetmay halok boʼladi.
Dunyodagi yomgʼirlarning juda koʼp qismi dengiz va ummonlarga yogʼiladi.
Yerga sepilgan urugʼlarning koʼp qismini qushlar yeb ketadi.
Ha, tabiatda ana shunday yoʼqotishlar yuz berib turadi.
Аmmo urinishlari muvaffaqiyatsiz boʼlgan insongina oʼzini omadsiz deb bilib, qayta urinib koʼrishdan umidini uzadi.
Аslida haqiqiy omadsizlik urinishlarning muvaffaqiyatsiz yakun topishi emas, balki qayta urinib koʼrishdan toʼxtashdir.
Muvaffaqiyat — yiqilishu toyilishlardan xoli hayot emas, balki umidsizlikka tushmay, har bir xatodan xulosa chiqarib, keyingi urinishni davom ettirish va unda avvalgi xatolarni takrorlamaslikdir.
Xullas, inson doim oldinga intilishi, yaxshilikka boʼlgan harakatini toʼxtatmasligi, yuksalish sari odimlashi kerak.
Inson kimgadir yaxshilik qilib, undan rahmat eshitmasa, “Bu mening yaxshiligimni bilmadi, qadriga yetmadi” deb odamlarga yaxshilik qilishdan toʼxtab qolmasin. Zero, uning yaxshiliklarini, muruvvatlarini allaqachon farishtalar yozib, qayd etib qoʼyganlar. Oxiratda esa Аlloh taolo oʼsha yaxshilikka savob, mukofot ato qiladi.
Urugʼni qaerga sepganingizni eslolmayotgan boʼlsangiz, xavotir olmang, yomgʼir yogʼsa, qaerga sepilgani maʼlum boʼladi.
@jinnichalar_N1