انه بدرب الــسبي كله
افــــــــــكر نرجع نكله
خذو منهه التراجي وهاي مهظومه
اجتك يارقــــــــــيه اليوم ملجومه
…… ..

ابد ماحــــــــــــسبت نتغارك وياهه
اختي مدلله وبــــــــــحسين تتباهه
تحبه وهوه حــــبهه شلون ينساهه
خذاهه وياه اظــن لو رحنه نلكاهه

تروح وتوصــل الدربه
ماظن تــــــبقه بلغربه
ترد وهيــــــــــه تندله
انه بدرب ســــبي كله

جــــــــبت هذ الدرب من تعثر الناكه
اكول اخــــتي الابوهه هواي مشاكه
متعلمه الكعــــــــــدته شلون بفراكه
وكل الخطو تكــــــــــلي وياه نتلاكه

نمشي وهــــــيه ويانه
رقيه وحــــــيل تعبانه
وتكول بشوفته اتسله
انه بدرب الــسبي كله

تــــــــطلب ماي ماتشرب تجي يمه
توصــــــــل للرمح من تكرب تشمه
شنهو الــــــسر تسولف تشتم بدمه
وعليهه يكوم يبجي بعينه الف لجمه

يســــــولف بنظر جنه
يون ويــــــــنسمع ونه
وبناته هــــــــنه شكله
انه بدرب ســــبي كله

وصنه احــنه الخرابه وكالت سكينه
اريدن راس ابــــــــــوي لمن مودينه
اخــــــــاف خلافه انام ومن يغطينه
شايله وعــــــــــــــدني وكال تردينه

اجيــــــبه وباتي وياه
ويــــــــن الراس وداه
اريدن هــــــس اوصله
وانه بدرب سبــي كله

مرت ساعه مــــــن اليل جابو الرقيه
كالت راس ابــــــــــــــوي وبين اديه
سكتت كــــــــــــنه نامت هاا خطيه
ماحســــــــــــــبنه اجه وكت المنيه

وراحــــــــــت هيه وياه
ماتصــــــــــبر عله جفاه
يادرب الــــــــسبي العله
وانه بدرب الســــبي كله

ابو سلام الجابري