عباس .رفــــــــــــت رايته وهزاهه
عباس .شــــــده عله العده سواهه
عباس ..تتــــــراجف صدك خلاهه

كال بلوه اليــــوم راح ابليهم
شلون عالو بينــــه ماخليهم
ينمنع حتئ الهــوه يمر بيهم

ما يظل منهــــــــم اثر
اليوم اعبــــــرهه النهر
ودكــت اجراس الخطر
عباس من طبــــــــاهه

عباس ..هــــــزهه والزعل بين عليه
عباس ..يازلمه لوصــــل يمه ويجي
عباس.. ســــــــواهه ذبايح بين اديه

خله اثر بلكــاع حارت كربلاء
والعثر ماكام صــعبه المسئله
غير عباس بخــــزرته الجندله

غير عــــــباس الشهم
يطشر بكــــيفه ويلم
بعني مابيــــــــهم زلم
عباس من طبــــــــاهه

عباس .من يزعل يــــــــــحير لونه
عباس. .ماكــــــــــدر و تره يلاكونه
عباس. يفرح بلحــــــــــرب وفنونه

حيد من يزعل شــــرار بسيفه
يكوم يحــــــصد بركاب بكيفه
شلون رحئ يفرهه ياخذ حيفه

رحئ بزنود الكمــــــــر
يطحن بيوم الخــــطر
والموت غيــمله ومطر
عباس من طــــــــباهه

عباس.. يشــــــــــهدله العدو. بفعاله
عباس .يتونس الســــــــــيف بجاله
عباس .ملك الــــــــموت ظل يبراله

يونس الــــــموت ويلم بزوده
الدنيه يكــــلبهه عليهم سوده
جنه شمرت حيــدراا وبزنوده

چنه حيــــــدر بلحرب
من يطب طب الرعب
الكاع ولحــــدره تشب
عباس لو طــــــــباهه

عباس .ريشــــــــــــاته يزامط بيهن
عباس. واليوم العســــــــــــر حامين
عباس .مثل الســــــــيف ومسويهن

ذني ريــــشات البخت سماهن
وطخن ارگـاب العده خلاهن
غيره من راس الــكفيل اطاهن

الشاف ريــــشاته يكول
طبهه يافــــحل الفحول
منين ما مالن ينــــــــول
عباس لو طبــــــــــــاهه

ابو سلام الجابري