Assalomu alaykum!Bugun may oyining so'ngi yakshanbasi - yurtimizda
kimyogarlar kuni sifatida soha xodimlarining kasb bayrami nishonlanadi.
Kimyo shubhasiz hayotimizdagi eng muhim amaliy ahamiyatga ega ilm sohalaridan biridir. Bugungi kunda hayotimizning barcha jabhalarida kimyo fani yutuqlari kirib bormagan sohaning o'zi yo'q. Maishiy kimyo vositalari oshxonalarimizdan o'rin olgan, kimyoviy tolalar asosida tikilgan kiyimlarimizni kiyib yuribmiz, kimyogarlar ishlab chiqargan mineral o'g'itlar bilan dehqonlarimiz hosil olishmoqda va ho kazo.
Biz ushbu kasb bayrami munosabati bilan, soha xodimlarini, kimyogar texnolog, muhandis, laborantlarni, kimyo fani olimlari va mutaxassislarini, ushbu yo'nalishda tahsil olayotgan bo'lajak kimyogar talabalarni va kimyo fani o'qituvchilarini chin dildan tabriklaymiz. Ishlab chiqarish faoliyatingizda va ilmiy ishlaringizda muvaffaqiyatlar tilaymiz.
Yashasin kimyo va kimyogarlar!!!