📚📚📚Kutubxona 📚📚📚

​​🌐 O'zbek adabiyoti namunalari
👤 Ne'mat Aminov
📙 "Yolg'onchi farishtalar" (roman)
🔎 PDF (11.5 MB)

Dunyoda kulish bilan yigʻlashdek tabiiy narsa yoʻq. Odam quvonsa, kuladi, xafa boʻlsa, yigʻlaydi… Biroq kitob yozib birovni kuldirish yoki yigʻlatish benihoya mushkul yumush. Buning uchun isteʼdod, Xudo bergan isteʼdod kerak.
Neʼmat Aminov mana shunday tugʻma isteʼdod sohibi edi. Adibning “Yolgʻonchi farishtalar” romanini kulgisiz, tabassumsiz oʻqish mumkin emas.
1976 – 83 yillarda „Yelvizak“ va „Suvarak“ qissalari asosida „Yolg‘onchi farishtalar yoxud yelvizakfeʼl va suvarakmijoz Bashirjon Zaynishev hayotidan“ hajviy romanini yaratgan adib ushbu kitobi uchun 1987-yilda Oʻzbekiston Yozuvchilar uyushmasining Oybek nomidagi yillik mukofotiga sazovor boʻldi va oʻzbek adabiyotida birinchi boʻlib hajviy-satirik roman yozgan adib sifatida tarixda qoldi. “Yolgʻonchi farishtalar” asari bundan keyin ham koʻplab kitobxonlarga manzur boʻlishi tabiiy. Chunki ularda harakat qiluvchi obrazlar shunchaki “personajlar” emas, tirik odamlar. Bu masalada adib bir tomondan Chexovdan, ikkinchi tomondan (ayniqsa, til orqali inson feʼlini ochishda) Abdulla Qodiriydan, tesha tegmagan iboralar topish, manzaralarni yarq etib kitobxon koʻz oʻngiga keltirib qoʻyish mahorati masalasida ustoz Said Ahmaddan ijod sirlarini oʻrgangani koʻrinib turadi.

📚 ️https://t.me/joinchat/AAAAAEnv1NC8jC1PJkYmWA
Bizdan uzoqlashmang
Barcha yangiliklar, kitoblar, darslik bizda
🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿O'zbekiston kutubxonasi kanali
@kutubxona_rustam

ОЙ ҚИЗ

Кўзларингда йиғлайди дунё,
Нигоҳингда ҳувуллайди куз,
Кўз ёшларинг қалбингда -дарё,
Нега бунча ҳомушсан ,ой қиз.

Умр шошқин сойлардек елар,
Ҳисларимни ғам -элак ,элар,
Дардларингни тинглагим келар,
Нега бунча ҳомушсан ,ой қиз.

Кўкламларга йиғлаб келдингми,
Ишқ боғидан тикон тердингми,
Сен кўнглингни музга бердингми,
Нега бунча ҳомушсан,ой қиз.

Ҳаёлларинг сочиб сабога,
Ишондингми ёлғон дунёга,
Раҳмим келар сендек зебога,
Нега бунча ҳомушсан ой қиз.

Кўз ёшларинг қалбингда -дарё,
Нигоҳингда ҳувуллайди куз,
Юрагимда йиғлайди дунё,
Нега бунча ҳомушсан ой қиз.

ХУРШИД КАРИМ.
https://t.me/joinchat/AAAAAEnv1NC8jC1PJkYmWA
Bizdan uzoqlashmang
Barcha yangiliklar, kitoblar, darslik bizda
🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿O'zbekiston kutubxonasi kanali
@kutubxona_rustam

Ҳикоя қилишларича, бир аёл тушида бир одамни заҳарли илон чақиб, ўлдирганини кўрди. Бу туш аёлни жуда қўрқитди. Тонг отгач, аёл ўша тушида кўрган одамнинг уйига бориб, кўрган тушини унинг ўзига айтиб берди. Ундан эҳтиёт бўлишни, хушёрроқ бўлиб юришни илтимос қилди. Аёл кетгач, халиги одам Аллоҳ учун иккита қўй сўйиб, садақа қилишни назр қилди. Шояд, ўша сўйган қўйлари сабабли халиги қўрқинчли тушнинг хатаридан саломат бўлса.
Ўша куни кечга яқин иккита қўйни сўйиб, қўшнилар ва қариндошларни уйига чақирди. Улар учун шоҳона зиёфат уюштирди. Ҳамма гўштни тарқатиб, ўзида қўйнинг биргина оёғи қолди. Қалбини тўлдирган қўрқув, тинчини бузган безовталик сабабли ўзи хали таом ва гўштдан тотиб кўрмаган эди. Бояги оёқни нонга ўради-да, ейиш учун энди оғзига олиб келган ҳам эди, бир қари кампир қўшниси эсига тушиб қолди. У заифлиги ва қарилиги туфайли зиёфатга кела олмаган эди. Бояги киши ўзини маломат қилиб: “Сен у кампирни эсдан чиқарибсан. Мана шу оёқ унинг насибаси бўлади” деди-да, тезда ўша кампирнинг уйига чопди. Бориб, қуй оёғини кампирга тутқазди ва бундан бошқа гўшт қолмаганини айтиб, узр сўради. Қария аёл бундан жуда севинди ва гўштни еб, суягини ташқарига улоқтирди. Ўша кечаси халиги оёқ суягидан келаётган ёқимли ҳидга бир илон судралиб келди ва суякда қолган гўшт қолдиқларини ея бошлади. Бир пайт суякнинг бир учли жойи илоннинг бўғзига тиқилиб қолди. Ҳар қанча уринса ҳам илон ундан қутула олмади. Унинг барча уринишлари бесамар кетди. Суяк унинг томоғига санчилиб қолган эди.
Эртаси куни тонг отгач, халиги одамнинг ўғиллари уйларининг орқасида бир нарсанинг ҳаракат қилганини ва шитир-шитир қилган овозини эшитдилар. Оталарига бунинг хабарини етказдилар. Бояги киши дарҳол воқеанинг тафсилотини билиш учун уйининг орқа тарафига ўтди. Қараса, бир илон ерда типирчилаб ётибди, оғзида эса тиқилган суяк. Дарров уни ўлдирди ва ундан қутқаргани учун Аллоҳга ҳамду санолар айтди. Уйига кириб, оиласига бўлган воқеани гапириб берди. Кейин кўчага чиқиб, қўни-қўшниларига ҳам ўша ҳодисани сўзлаб берди. Бу қисса тилдан тилга кўчиб, мана бугунги кунгача етиб келди.

Одамлар бу қиссадан қуйидаги мақолни пайдо қилишган:
“Луқманинг кўплиги балони қайтаради”. Яъни кўп садақа қилиш, кишиларга кўп таом улашиш сендан балоларни даф қилади.

Каналга аъзо бўлинг
👇👇👇
https://t.me/joinchat/AAAAAEnv1NC8jC1PJkYmWA
Bizdan uzoqlashmang
Barcha yangiliklar, kitoblar, darslik bizda
🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿O'zbekiston kutubxonasi kanali
@kutubxona_rustam