Mahin's World


Гео и язык канала: Узбекистан, Узбекский
Категория: Книги


PhD student (Academy of Sciences) Specialization: International Relations and Politics
YouTube blog: https://www.youtube.com/channel/UCLR6VeCivHaoF_RBcfVAwGg
Contact @mahins_world

Связанные каналы

Гео и язык канала
Узбекистан, Узбекский
Категория
Книги
Статистика
Фильтр публикаций


Репост из: 📚 Madina Musayeva 🎧
🎧 Одил Ёқубовнинг “Яхшилик” аудиоҳикоясини эътиборингизга ҳавола этмоқдаман. Дўстларингиз билан албатта бўлишинг 🙏

👉 @madnifique


#yozganim
#nimadirim

Ming azoblar iskanjasida yashasa-da, qalbida bir umid uchquni unga taslim bo'lmaslik uchun kuch berar, hayot sinovlariga mardona boshini tik tutib kirishiga turtki bo'lardi. Ko'p zamonlar o'ylab qolardi, o'ziga o'zi savollar berardi; "Qachongacha bunday? Qay vaqtga qadar yana kuchim yetadi?" deya, ming savollar girdobiga ko'milmasin u bilardi, qiyinchiliklar ortidan baxtli kunlar kelishi va mashaqqatlar qanchalik murakkab bo'lsa, go'zal kunlar ham shunchalik chiroy ochishini. Yeldi, yugurdi hayotning barcha sinovlariga, zarbalariga yuz tutdi, hech qoqilmadi.

Inson eng ko'p nimaga muhtoj? Muvozanatini yo'qotar ekan tutinajak bir yelkaga, yoki hayot tashvishlari boshni egib qo'yar ekan, boshni suyaydigan bir yelkaga. Taassufki bu qizaloqning hech bunday yaqini yo'q edi. Go'yoki o'zga olamdan kelib qolganda, hech kim bu qizni o'z olamiga olib kirishni istamas, bu qiz ham yanglish olamlarda tentirab yurishni xushlamas edi. Bu jingalak sochli qizning ismi (...) bo'lsada uni tanigan bilganlar B-216 deb chaqirar edi.

@mahinsworld




#reading

@mahinsworld


​​#book_review

Bundan bir necha kun muqaddam Shuhratning "Oltin zanglamas" romanini o'qib tugatdim. Mazkur asar bir nafasda o'qib tugallansada, bir necha kun davomida o'z ta'sir doirasida ushlab turishi bilan boshqa romanlardan ajralib turadi. Albatta, asarni tahlil qilganda uning shaxsga sig'inish davrining salbiy oqibatlari tan olinib, sovet davlati ideologiyasi ayni gullagan davrda yozilganini hisobga olmasak bo'lmaydi. Hozirgi davr prizmasidan qarasak, ba'zi joylari milliy mafkuramizga to'g'ri kelmasligi mumkin, biroq bundan oltmish yil ilgari sal oldinroq "sovet davlatiga xiyonat"da ayblanib, qamalib chiqib, oqlangan, hanuz qatag'on og'riqlaridan aziyat chekayorgan yozuvchidan boshqacha asar kutib bo'lmasdi. Asar bosh qahramonlari quyidagilar:

Sodiq: Ismi-jismiga mos ravishda sovet yurtining sodiq fuqarosi, sodiq o'g'loni, sodiq xodimi.

Mirsalim: Sovet davlati uchun yot unsur hisoblangan, dard-u dili pul, tanish-bilish orqali ish bitirishni xushlaydigan, ig'vogar va tuxmatchi.

Dilovarxo'ja: Sovet davlatiga qarshi urush e'lon qilib, umrining oxirigacha tuzumga qarshi kurashgan, olabo'ji qilib ko'rsatilgan "bosmachi".

Qodir va Aziza. Sodiqning ukasi va Mirsalimning qizidan tashkil topgan sevishganlar juftligi.

Uch qismdan iborat mazkur asarning har bir qismi o'ziga xos. Birinchisi, odatiy sovet davrida yozilgan barcha asarlar kabi sotsialistik realizm elementlaridan tarkib topgan. Sodiq va Mirsalim qarama-qarshiligi ham mo'tadil rivojlantirilgan. Ikkinchi qismidan boshlab voqeilik biroz reallikdan uzoqlashadi. Lekin o'sha paytda "sovet kishisi"ni boshqacha tasvirlab bo'larmidi? Uchinchi qism voqealari esa hozir bizga kulgili tuyuladi, lekin yana o'sha davr o'lchovlariga murojaat qilsak, yozuvchini tushungandek bo'lamiz. Stalin davrida qamalib, Xrushchyov davrida ozod bo'lgan yozuvchining sovet propagandasini bo'rttirishi tayin edi. Darvoqe, u paytlarda adabiyot eng katta propaganda vositasi bo'lganini ham unutmaylik. Hozirgi kunda odamlarimiz ongi video maxsulotlar yoki telegram kanallari orqali boshqarilayotgan bo'lsa, u paytlarda adabiyot kun tartibini belgilab bergan. Shu bois ham hozir milliy ozodlik harakati deya tasniflanayotgan bosmachilar o'ta qoralangan, hozirda millat umidi deb achinilayotgan Germaniyaga o'qishga ketgan talabalardan olabo'ji yasalgan. Juda katta mavzularni qamrab olgani uchun ham mazkur asarni o'qishni tavsiya beraman. Yuqorida aytaganimdek, bir nafasda o'qiladi, biroq ta'sir doirasidan biror hafta chiqib keta olmaysiz.

@mahinsworld


#reading

Har bir kitobning o’z vaqti soati bor. Bizning vazifa o’sha lahzalarni tutish xolos.

@mahinsworld


Update info: kecha men ham birgalikda mutolaa tariqasida “Oltin zanglamas”ni boshlagan edim. Oy kitobi tarzida tanlagandik. 24 soatga bormay tugatibman. Juda berilibman o’ziyam kitobga🫠


#maslahatcha

Sevganingiz bilan kitob tanlang va birga mutolaa qiling. Kitob mazasi boshqacha bo’ladi.

#rahmatshartmasbolalarim
@mahinsworld


​​#book_review
#specialty

Xabaringiz bor mutaxassislikka oid kitoblarni qayta o’qish va o’qish bilan mashg’ulman. Aynan shu sabab bloglarda ham yo’qman va kamnamoman. Tim Marshallning “Prisoners of geography” kitobini 2020-yilda o’qiyman deb, to read listimga qo’shgan ekanman. Hayotni qarang, ba’zida muhim ishlar hamda vazifalar qolib, boshimiz umuman boshqa yoqlarga oqadi, aralashadi. Maqsadimiz-u, rejalarimiz bir on uzoqlashadi. Xullas, hechdan ko’ra kech deya naqd 4 yildan keyin o’qidim.

Muallif geosiyosat nuqtai nazaridan davlatlarni tahlil qiladi. Kitob 10 bobdan iborat bo’lib: Rossiya, Aqsh, Xitoy, Hindiston, Janubiy Amerika, Arktika, Afrika va boshqalarni davlatchilik tarixidan boshlab aynan geografik joylashuvigacha qisqa, lo’nda tushuntiradi.

Bilasiz, Why nations fail kitobida mualliflar mamlakat rivojlanishi hamda farovonligida siyosiy institutlar muhim ekanini ta’kidlaydi. Biroq, ushbu kitobda mamlakatlar joylashuvi uning taqdirini qanchalik belgilab berishini tahlil qiladi. Rossiya timsolida biz eng gegemon davlatlatdan birini ko’rishimiz mumkin. U shunday bir omadli joylashganki tog’lar zanjirini bosib o’tish mushkul. Oqsaydigan tomonlari (joylashuv bo’yicha)dan biri issiq suvlikka chiqish muammosi. Ya’ni agar Qrim uning qo’lida bo’lmas ekan, unda joylashgan suvliklar (bilasiz suv logistikasi arzon hisoblanadi) 3-4 oylab muz holatda bo’ladi, bu esa o’z navbatida uning iqtisodiga yaxshigina o’z ta’sirini o’tkazadi.

Xitoy timsolida esa siyosiy institutlarga e’tibor ham bermay ishlab chiqarishga berilgan holda butun dunyoni egallashga urinayotgan mamlakatni ko’rishimiz mumkin. Ammo uning tutadigan yo’llari, genotsidlari haqida ham to’xtalmasak bo’lmas. Tibetdagi monklarni 20+ nafarini qirib tashlagan esingdadir. Tibet ustidan bo’layotgan ochiq va yashirin tortishuvlar hanuz bosilgani yo’q. Undan qizig’i esa Xitoy Hindistonning bir tumanini asli bizniki edi, deya sekingina qistirib ketishni ham boshlagan.

Janubiy Amerika haqida so’zlaydigan bo’lsak - muallif ularning rivojlangan davlatlar qatoriga kirolmagani sababi viloyatlar (shunday deyish mumkin bo’lsa)ning bir-biridan uzoqda joylashuvi deya ta’kidlaydi. Poytaxtlar suv bo’yida joylashishga uringani va tuman, viloyatlar ajralma holda ekani ular bir-biri bilan uzviy aloqa qila olmasligi, bu esa o’z navbatida iqtisodiy rivojlanishga halal berishini aytib o’tadi.

Ya’na bir e’tiborga molik bob boya aytganimdek Arktika. Unda mavjud tabiiy boyliklar hozirda gegemon mamlakatlar ko’z ostida ekani - Rossiya meniki desa, bu tomondan Norvegiya ham aslida o’zi tegishli ekanini aytib o’tayotganini ko’rish mumkin. Ammo muzliklar bag’ridagi ushbu boyliklarni qazib olish uchun nafaqat katta mablag’, balki katta ishchi kuchi ham kerakligi barchaga ayon. Bundan tashqari esa u yerda ishlar boshlab yuborilsa qaroqchilar paydo bo’la boshlashi, muzliklarda bu hol ahvolni yanada ayanchli hollarga olib kelishi ham mumkin.

Qisqa qilib aytganda, geosiyosat juda qiziq. Kitobni tavsiya qilaman.

@mahinsworld


#reading

Yomg’irli kunda Fukuyamani boshlaymiz. “Prisoners of geography”ni tugatganimga 2 haftadan oshdi. Review yozishga hech vaqt bo’lmayapti. Chomskyni 2 ta bobini o’qidim. Bobma-bob tahlil qilsammi yo’qmi bilolmayapman🤔

@mahinsworld


#yozganim
#nimadirim

Hayot uni shunday qilib qo'ygandi, bir tana ikki ruh, ikki dunyo. "Ishq qurbonlikdir - sevganing uchun o'zingni qurbon qilmog'ingdir. " Bu misralarni qaysidir kitobda o'qigan edi, bunga ishongisi kelsa-da hayotga qarashlari inkor qilishga majbur qilardi, u qurbon qilishni emas voz kechishni tanlardi, tanlab kelgandi. U bor bo'lishdan tutib qolishdan ko'ra, g'oyib bo'lish, sassizcha yo'qolib qolishni tanlardi, balki bu hislatlari uni shu kunga qadar sindirmay olib kelgandir.
Beshavqat hayot o'yinlarida doim g'alaba qozondi ba'zan o'zini, ba'zan o'zgalarni qurbon qilganicha. U hali hamon yashayotgan edi... va g'alaba qozanayotgan edi, ammo bir kun...

@mahinsworld




Dunyo ikkiga bo’linadi: Dostoyevskiy o’qiganlar va o’qimaganlar

@mahinsworld


#movie_review

Bugun IMAX (City mall)da Dune2 ga tushdik. Mahdiy, bashorat, fantastik olam, qumlar, insonlarning afsonaga umid-la intilishlari ustiga qurilgan kino. Eng qizig’i Dunening 1-qismini ko’rmaganman. Birdan ikkinchini ko’rdim.

Endi 3-qismini kutishga sabr yo’q. Kitobini o’qisakmi deb qoldik. Kinoni ko’rishga ulgurganlar bormi?

@mahinsworld






#new_books

Yakshanba yangi kitobim yetib kelishi bilan boshlandi ekan. Sizda-chi?

@mahinsworld





5.6k 0 23 10 31

#new_books

Bugun bir kuzatuvchim men uchuh kitob buyurtma qilganini aytib, telefon raqam va manzilimni so’radi. Anchadan beri kitob sovg’a olmaganimga rosa ichim qizidi. Qanday kitob ekan, degan savollar miyamni qurshadi.

Kitobni ko’rganimda esa shok holatga tushdim. Sababi, 4 yildan beri olgim kelgan-u, lekin turli sabablarga ko’ra sotib ololmagan kitobim qo’limda turardi. Ichidan ozgina o’qidim, yig’lashga ham ulgurdim. Har bir voqea/narsa/hodisani o’z vaqti-soati bor deyishadi. Balki o’sha payt olganimda bu darajada ta’sirlanmasdim. Ona bo’lganim sabab ham satrlari ko’zdagi yoshni to’xtatmadi. Katta rahmat kitob uchun.

@mahinsworld

Показано 20 последних публикаций.