"𝗠𝗔𝗞𝗧𝗔𝗕𝗗𝗔 𝗕𝗜𝗢𝗟𝗢𝗚𝗜𝗬𝗔" 𝗷𝘂𝗿𝗻𝗮𝗹𝗶 | 𝗥𝗮𝘀𝗺𝗶𝘆

Attestatsiya sanasi ham aniq bo‘ldi. Tayyorgarlikni yuqori darajaga olib chiqadigan payt keldi. Buyog'iga yeng shimarib, belni mahkam bog'lab, bor kuchimiz bilan astoydil harakat qilishimiz kerak.

Kursga qo‘shilish uchun pastdagi telegram profilga yozing:👇

T.me/Elmurod_Biolog

Tanishlaringizga ulashing. 🔵

Kanalimizga qòshiling:⤵️
https://t.me/+Yntp6jLBX7YzMWMy
https://t.me/+Yntp6jLBX7YzMWMy

Siz qaysi guruhga kirasiz?

Telefon ishlatishda baʼzi oilalar oʻta qattiqqoʻl, baʼzilar esa judayam beparvoligini koʻramiz.

Quyida, telefon ishlatishda oilalarning farzandiga boʻlgan 7 xil munosabatini koʻrib chiqamiz:

1. Avtoritar oila — bu turdagi oilalarda ota-ona haddan ortiq nazoratchi boʻladi. Uyda qatʼiy qoidalar oʻrnatilar ekan — bolaning rivojlanish xususiyati va talab-istaklari umuman eʼtiborga olinmaydi.

Ichki qoidalar buzilsa — avtomatik jazo choralari qoʻllaniladi va hech qanday tushuntirish berilmaydi.

Bunday oilada oʻsgan bolalar — boshqalarning fikriga qaram, oʻziga ishonchi past va irodasiz boʻlib ulgʻayishadi. Voyaga yetgach atrofda ularni boshqaradigan avtoritar muhit izlashda davom etishadi.

2. Eʼtiborsiz oila — bu oilalarda bolaning xohish-istaklariga chegara qoʻyilmaydi, tamoman befarqlik hukm suradi.

Odatda bu turdagi oilalar yo koʻp ishlaydigan oliy maʼlumotli, yoki taʼlim darajasi past ota-onalardan iborat.

Bola oʻziga diqqat qaratish uchun turli — ijobiy, salbiy yoʻllarni sinab koʻradi.

Eʼtiborsizlik — xulq-atvor buzilishiga olib keladi. Natijada, ota-ona keskin jazo koʻrishni boshlashadi.

Bu muhitdagi bolalar — tajovuzkor, oʻziga ishonchi past, beqaror xarakterli boʻladi.

3. Oʻta bagʻri keng oila — odatda bir farzandli oilalarda kuzatiladi. Bu oilalarda bolaning "ogʻzidan chiqqani" muhayyo qilinadi. Taʼqiq yoʻq — erkinlik chegarasi osmonu falakkacha choʻziladi. Bola uy xoʻjayiniga aylanadi va televizor pulti ham uning qoʻlida turadi.

Bu oilada oʻsgan bolalar — toʻgʻri va notoʻgʻrini ajrata olmaydi, xavf-xatar yoqasida yashaydigan, masʼuliyatsiz inson boʻlib ulgʻayadi.

4. Tuturiqsiz oila — bu oilada qachon nima qilish kerakligi aniq emas. Bir kun bola 10 soatlab telefon oʻynasa indalmaydi, ertasiga endi qoʻliga olgach baqirish boshlanadi. Ota-ona zid harakati bolani chalgʻitadi — bolaga ota telefon sovgʻa qiladi, onasi esa uni olib qoʻyadi.

Bu kabi oilalarda bola — insonlarga ishonmaydi, qaror qabul qilishga qiynaladi, yo oʻta oʻzboshimcha, yoki doim boʻyin egadigan boʻladi.

5. Haddan tashqari himoyalovchi oila — ota-ona doimo boladan xavotirda boʻladi. Bolaning yoʻlidagi barcha toʻsiqlar olib tashlanadi — qoqilishga berilmaydi. Bola ulgʻayganda ham texnologiyadan foydalanishga ruxsat berishga oʻta ehtiyotkor boʻlishadi.

Bunday bolalar — oʻzini himoya qila olmaydigan, qaror qabul qilishni bilmaydigan boʻlib voyaga yetadi. Himoya qobigʻlaridan chetga chiqishlari bilan dovdirab — ularga panoh boʻladigan odam izlashadi.

6. Perfeksionist oila — bolani har qanday sohada muvaffaqiyatli boʻlishga majburlashadi, balet kursidan tortib matematikagacha. Farzandlari maktabiga tinimsiz qatnashadi.

"Barchasi farzandim kelajagi uchun", deb yugurayotgan ota-ona — aslida oʻzlarining oʻtmishdagi jarohatlariga malham qoʻyayotgan boʻlishadi. Bolani planshetda oʻtkazgan har bir daqiqasini foydaga yoʻnaltirish kerak, deb biladi.

Bu oilalarda bola — xavotirchan, oʻziga ishonchi past boʻladi. Qolaversa, qadrsizlik hissi va muvaffaqiyatsizlik qoʻrquvi bola ruhiyatiga singib ketadi.

7. Demokrat oila — bolaga ishonadi, qoʻllab-quvvatlaydi, samimiy munosabatda boʻladi. Texnologik jihozlardan foydalanish boʻyicha qarorlar birgalikda qabul qilinadi. Farzandga ishonilsada, yosh xususiyatlari nazoratdan chetda qolmaydi. Bolalarga masʼuliyat yuklanadi. Tartib qoidalar buzilsa — jazolar aniq va avvaldan belgilangan boʻladi. Ishonch tuygʻusi birinchi oʻrinda turadi.

Bunday oilada katta boʻlgan bolalar — oʻziga ishonadigan, moslashuvchan, mustaqil va masʼuliyatni his qiladigan boʻladi.

✍: @Elmurod_Biolog

Tanishlaringizga ulashing. 🔵

Kanalimizga qòshiling:⤵️
https://t.me/+Yntp6jLBX7YzMWMy
https://t.me/+Yntp6jLBX7YzMWMy