يا ليلة الحادي عشر ..آه شعظم هالليله
من جابوا الماي وغدت..ضجه بحريم العيله
////////////
ركضت رقيه عله السقا..نادت اقف يسقاي
لو تاخذ الماي وترد..لو للرمح تمشي وياي
هاليوم ثالث والدي..عطشان ما شارب الماي
اغرفله بجفوفي العذب..بلكن اروي غليله
يا ليلة الحادي عشر..آه شعظم هالليله
/////////
تغرف الماي ولو مشت..من جفوفها يتبده
وما بين ابوها والسقا...تجيب الدرب وترده
طفله وغصنها من العطش..ذبﻻن مثل الورده
ومن وصلت لذاك الرمح..قلة عليها الحيله
يا ليلة الحادي عشر..آه شعظم هالليله
/////////
ما وصلت لربع الرمح...كل ما تمد ايديها
بالخيزرانه تعلقت...تحني الرمح ما بيها
حاولت يا ما حاولت...رفعت كعب رجليها
والراس يتمايل غدى...يبجيلها وتبجيله
ياليلة الحادي عشر...آه شعظم هالليله
/////////
يبكي عله بجاها الرمح...ظل ينحني ويتطوى
من شافها هدها العنا...قامت تقوم وتهوى
حتى بعدوها توسلت...بلجن بقايا مروه
ينزل الراس من الرمح...تشربه العذب ويشيله
ياليلة الحادي عشر..آه شعظم هالليله
///////
قاموا يضحكون العدا...شوف الدهر دوﻻبه
حسبالهم طفلة عمر...جابوا لها لعابه
وهي عله بوها مفرفره...تبكي وتحن يا بابه
ضحك الشماته ظل يقص..بضلوع صدر صليله
ياليلة الحادي عشر..آه شعظم هالليله
///////
وقعت على راقي الرمح...وتريد تسهر يمه
لن من ظلام المعركه...تسمع نوايح حرمه
يحبيبه آنه عمتك...ردي عليه يا عمه
ركضت رقيه عله الندا...ومن المصيبه نحيله
ياليلة الحادي عشر ...آه شعظم هالليله

للمبدع الشاعر الادیب ابوباقر عزیز الفیصلی