السلام عليكم ورحمة الله وبركاته
صباحكم هنا وسرور
نظرتك لابنك وكلامك له هيه الل بتحدد مستقبله بأمر الله...
بمعنى ان لو انتي بتبصيله على أنه هيطلع فاشل ومش نافع في حاجه.. دا اعتقاد جواكي.. بتاصليه بتصرفاته أو اهماله... وبتنقليه لا شعوريا لابنك.. فبيطلع كده... لأن نظرتك المسبقه عنه كده..
كان فى ام بتحكي بمراره.. بتقول عندها ٣ اولاد كانت دايما توصفهم بالصايع والمتشرد والبلطجي وو.. وو..
كبروا ومرت سنين وبالفعل بقوا كده
انا شخصيا اما بتدايق من ابني وخلاص حسه اني لازم اتكلم.. بقول بغل كده يا دكتور.. كذا دا غلط..
يعني بأصل عنده كلمه دكتور والحاجات الكويسة زي يا شيخنا ويا حضره الظابط.. مش فدماغي شئ بعينه اد ما فدماغي انه يسمع الحاجات الكويسة.... دا الهدف
وصلي لابنك نظره حلوه خارجه من اعماقك ... انه هيبقى حاجه كبيره..
جالي استشاره من ام بتقولي والله موفرين لبنتي كل حاجه.. وبردوا مش مقدره ولا بتسعي للتطوير أو النجاح..
جبت البنت... قالتلي مبتقوليش الا يا فاشله هتضيعي تعبنا... فبالفعل هضيعه.. هعمل الل هيه شايفني فيه
شوفتوا الكارثه....
قدمي الغرس صح.. عشان تجني صح
#مريم عبد القادر
@mariamabdelkader
