🔷 የሰዎችን መከራ መነገጃ ማድረግ
እንደሚታወቀው በሰሜኑ የሀገራችን ክፍል በተቀሰቀሰው ጦርነት ምክንያት በወገኖቻችን ላይ እየደረሰ ያለው መከራና ስቃይ ቃላት ሊገልፁት የማይችሉት በተለይ ለሱና ቤተሰቦች ከህይወት ሞትን እስከመምረጥ የሚያደርስ ፈተናና ሰቆቃ ሆኖባቸዋል ። ባለቤትህን ይዘህ እስከማስደፈር ሴት ልጅህን ተገናኝ እስከ ማለት የደረሰ ፈተና !!!!, ታዲያ እንዲህ አይነቱን ግፍና መከራ ሸሽተው ሁሉን ጥለው ህፃናትን ተሸክመው ሴቶችን አስከትለው እግራቸው ወደ መራቸው የሚሰደዱ ብዙዎች ናቸው ። እነዚህ ሰላም ወደ ሆነ አካባቢ ከደረሱ በደረሱበት ያሉ ወገኖች በአቅማቸው እንባቸውን ጠርገው ከእለት ጉርሳቸው አካፍለው ወገን መሆናቸውን ያሳዩዋቸዋል ። እንደነዚህ አይነት ሰዎች ሰው ፊት ቆመው የውስጣቸውን የሚናገሩበት አቅም አይኖራቸውም ። በጣም የሚያሳዝነው አንዳንድ አፈ ጮሌዎች በአቋራጭ ለመክበር እዚህ መሀል ከተማ ላይ የቤተሰቦቻቸውንና የራሳቸውን ህይወት ለማዳን ሸሽተው የመጡ በማስመሰል የህብረተሰቡ ልብ የተነካና ምንም ወደ ኋላ እንደማይል ስላዩ በወገኖች ስቃይ የሚነግዱ እየታዩ ነው ። ይህ እኛን ከገጠመን ክስተት በመነሳት ለሌሎች ትምህርት እንዲሆን ለማድረግ ታስቦ ነውና አንድ ሰው ተነስቶ በጣም በሚያሳዝንና በሚያስለቅስ መልኩ እንዲህ አይነት ታሪክ ሊያቀርብልን ይችላል ። ይዘን አረጋግጠን እውነት ከሆነ መለመን የለበትም ከጎኑ ልንሆን ጀማዓ ሆነን ቤት ተከራይተን ቀለብ አስገብተን ስራ እንዲሰራ ማድረግ ካልሆነ ለሚመለከተው አካል ይዘን ማሳወቅ ይኖርብናል ። በእንደዚህ አይነት የሰዎች ስቃይ መነገድ ምንኛ ያማል !!!! ።
በመከራ በስቃይ በእረሀብ ላይ ላሉ ወገኖቻችን ትክክለኛ በሆኑ ተቋማት ወይም ማህበራት አማካይነት የምንችለውን ከማድረግ ወደ ኋላ ማለት የለብንም ። አላህ በወንጀላችን ምክንያት የመጣብንን በላእ አንስቶ ወገኖቻችንን ወደ ቄያቸው መልሶ የሰላም አየር የሚተነፍሱ ያድርግልን ።
https://t.me/bahruteka