ТАРЖИМАИ ҲОЛ
Исми шарифи: Абдул Азим Зиёуддин (Абдул Азим ибн Зиёуддинхўжа ибн Усмонхўжа ибн Саидаҳмадхўжа ибн Тўрахўжа).
Туғилган санаси: милодий 1974 йил 14 сентябрь / ҳижрий 1394-йил 27-шаъбон.
Туғилган жойи: Тошкент вилояти, Чирчиқ шаҳар.
1981-1991 йиллари ўрта мактабни тўлиқ ўқиб тамомлаган.
1991-1994 йиллари Бухоро шаҳридаги “Мир Араб” мадрасасида таҳсил олган.
1994-1997 йиллари Имом Бухорий номидаги Тошкент ислом институтида таҳсил олган.
1997-2005 йиллари Чирчиқ шаҳар бош имом-хатиби лавозимида ишлаган.
2002 йилдан Тошкент ислом институтида ўқитувчилик фаолиятини бошлаган.
2007 йили “islom.uz” портали “Тошкент 2007 – Ислом маданияти пойтахти” шиори остида ўтказилган “Диёнат пойтахти” танлови ғолиблари рўйхатидан жой олган.
2009 йили Ўзбекистон мусулмонлари идораси тасарруфидаги Тошкент ислом институти ва барча ўрта махсус ислом билим юртлари ўқитувчилари ўртасида ўтказилган “Йил ўқитувчиси – 2009” якуний босқичида биринчи ўринни эгаллаб, биринчи даражали диплом билан тақдирланган.
2009 йили “islom.uz” портали томонидан ташкил этилган “islom.uz – 1430” танлови ғолиблари рўйхатидан жой олган.
2009-2012 йиллари Тошкент ислом институти “Диний фанлар” кафедраси мудири лавозимида ишлаган.
2011 йили “islom.uz – 1432” танловида “Сийрат бўйича қилган тадқиқотлари учун” фахрий ғолиб деб топилган.
2011-2014 йиллари иккинчи мутахассислик учун Тошкент давлат шарқшунослик институтининг “Жаҳон сиёсати ва тарих” факультети, “Марказий Осиё халқлари тарихи” йўналишида ўқиб, қўшимча бакалаврлик даражасини олган.
2012 йил 21 январда Ўзбекистон Республикаси Президентининг “Истеъдод” маркази сертификатига эга бўлган.
2014-2016 йиллари Тошкент давлат шарқшунослик институтининг “Жаҳон сиёсати, тарих ва фалсафаси” факультети, “Тарихшунослик, манбашунослик ва тарихий тадқиқотлар” йўналиши бўйича магистратурада ўқиб, магистрлик даражасини олган.
2015 йили Ўзбекистон мусулмонлари идораси томонидан “Энг яхши мақола муаллифи” мақтов ёрлиғи билан тақдирланган.
Ҳозирда “Ҳадис ва ислом тарихи фанлари” кафедраси катта ўқитувчиси, Сийрат фани устози.
Қолаверса, Ўзбекистон халқаро ислом академиясидаги докторантурада мустақил изланувчи.
ИЛМИЙ-ИЖОДИЙ ИШЛАРИ:
1. “Сиз Пайғамбарни кўрганмисиз?” китоби 1-жуз, Макка даври ва 2-жуз, Мадина даври (муаллиф);
2. “Исломда ўлчов бирликлари” китоби (муаллиф);
3. “Расулуллоҳ (с.а.в.) ва аҳли байт” китоби (муаллиф);
4. Шайх Муҳаммад Содиқ Муҳаммад Юсуф ҳазратларининг “Ҳадис ва Ҳаёт” китоби 19-жуз (муҳаррир);
5. Ҳасанхон Яҳё Абдулмажиднинг “Мавлиди Барзанжий шарҳи” китоби (илмий муҳаррир);
6. Устоз Салоҳиддин Муҳиддиннинг “Исломда ўлим ва жаноза масалалари” китоби (илмий муҳаррир);
7. Муҳаммад Зако Кўнрапанинг “Муҳаммад (соллаллоҳу алайҳи васаллам) ва Ислом тарихи” китоби (илмий муҳаррир);
8.Муҳаммад ибн Аббос Ҳасанийнинг “Мухтасар сийрат” китоби, Исмоил Райҳонов таржимаси (илмий муҳаррир);
9. Шайх Муҳаммад Содиқ Муҳаммад Юсуф ҳазратларининг “Ислом тарихи” китоби, 1-жуз (муҳаррир);
10. “Ал-мухтор фи сийратин-Набиййил мухтор”, маъҳад ва олий мадраса талабалари учун сийрат фанидан дарслик (арабий матн, тузувчи);
11. Саййид Маҳмуд Тарозийнинг “Нурул басар” китоби (табдил, таҳқиқ ва изоҳлар муаллифи);
12. “Асмои ҳусно”, “Салавотлар”, “Пайғамбаримиз (с.а.в.)нинг шажаралари”, “40 фарз”, “Иймон калималари”, “Пайғамбарлар шажараси”, “Пайғамбаримиз (с.а.в.)нинг шаклу шамоиллари”, “Пайғамбаримиз (с.а.в.)нинг ахлоқ-одоблари”, “Сийрат солномаси” ва “Исломда ўлчов бирликлари” номларидаги туркум плакатлар (тузувчи).
Telegram |
Instagram |
Facebook |
Tiktok
🔗 Улашинг: @Abdul_Azim_Ziyouddin