Muhsinalar

Assalomu alaykum va rohmatullohi va barokatuh!

Bizni nozik xilqat qilib yaratib, yaqinlar ehtiromiga sazovor etib qo‘ygan Alloh taologa hisobsiz hamdlarimiz bo‘lsin!

“Men qizlarning otasiman”, deya marhamat koʻrsatgan, ayollarni eʼzozlashda butun ummatga namuna boʻlgan Paygʻambarimiz sollallohu alayhi vasallamga cheksiz durud-u salovatlar boʻlsin!

Allohning izni ila, AzonTV qoshida Ramazonga tuhfa — “Muhsinalar” nomli ayollar bo'limi oʻz faoliyatini boshladi, alhamdulillah.

Ustozlarimiz Mubashshir Ahmad va Odinaxon Muhammad Sodiq boshchiligida siz azizlar uchun sof Islom haqida foydali ilm yetkazishni maqsad qilganmiz.

Muhsina, oqila va soliha opa-singillarimizga maʼrifat ulashish, hidoyatga chorlash, zikrga chaqirish — bizning maslagimiz.

Kanalda kimningdir savoliga javob, dardiga malham, koʻngliga taskin, izlaganiga imkon boʻlishga arzirli maʼlumot qoldirsak, buni Alloh taoloning marhamati deb bilib, Oʻziga hamd-u sanolarimizni yoʻllaymiz.

Bizni kuzatib boring, zero oldinda amalga oshirajak rejalarimiz bisyor, ularning barchasi muhtarama ayollarimizning manfaati uchun xizmat qiladi degan niyatdamiz!

Robbimiz muvaffaq aylasin, duolaringizdan umidvormiz!